Actualitats
Japon escamparà dins la mar mai d’un milion de tonas d’aiga radioactiva de Fukushima
La decision a levat de criticas intèrnas, dels païses de la zòna e d’associacions ecologistas, mas ten lo sosten de l’Agéncia Internacionala de l’Energia Atomica
Tèxte legit
Lo govèrn de Japon a anonciat qu’escampariá dins l’ocean Pacific l’aiga radioactiva comolada dins lo sit nuclear de Fukushima dempuèi l’accident de 2011. L’agéncia d’informacions Kiodo rapòrta que lo primièr ministre Yoshihide Suga a dich que “l’eliminacion de l’aiga tractada es un tèma inevitable del desmantelament del sit de Fukushima”, e a detalhat que se desvolopariá un plan per garentir la seguretat.
Amb aquela decision —qu’a levat de criticas fòrtas— Japon vòl metre lo ponch final al debat sus aquela aiga que se perdiá dins lo sit que sa capacitat maximala s’anava aténher en 2022. En setembre, s’èra emplit 1044 depauses amb 1,23 milion de tonas d’aiga radioactiva.
Lo procès començarà d’aicí a dos ans e lo govèrn del Japon prevei que pòsca durar de decennis. Una comission del ministèri de l’Economia, del Comèrci e e de l’Indústria concluguèt que las doas opcions viablas per resòlver lo problèma èran escampar l’aiga radioactiva dins la mar o l’evaporar. Considerèron que la primièra opcion èra la mai viabla, e la mesura recebèt lo sosten de l’Agéncia Internacionala de l’Energia Atomica (AIEA).
D’organizacions de la societat civila an mostrat lor chepic pel probable impacte environamental e los pescadors s’opausan a la decision per paur que los mercats refusen lo peis pescat dins la zòna. Lo president de la Cooperativa dels Pescadors de Japon, Hiroshi Kishi, a declarat que l’escampament èra “totalament inacceptable” e Greenpeace, de son caire, a dich que contraveniá “als dreches umans e als interèsses de la populacion de Fukushima, de Japon e dels autres païses de la region d’Asia-Pacific”.
De criticas dels païses vesins
Lo govèrn de la Corèa del Sud a criticat durament la decision de l’executiu japonés. Seol, qu’enebís dempuèi l’accident l’importacion de produches japoneses de la pesca, ara a menaçat d’un aument d’aquelas restriccions après l’escampament.
De son caire, China a exprimit son “grèu chepic al govèrn japonés per mejan dels canals diplomatics existents” e li a demandat que gerisca “l’afar d’un biais prudent e responsable”.
Sosten dels Estats Units e de l’AIEA
Per contra, segon los Estats Units, lo govèrn de Tòquio es estat “transparent” a tot moment e a adoptat de mesuras “confòrmas aparentament als estandards de seguretat en matèria nucleara a l’escala mondiala”.
A mai, lo director general de l’AIEA, Rafael Grossi, a saludat l’anóncia de Japon e a manifestat son sosten “per menar a bon tèrme un plan segur e transparent”.
Amb aquela decision —qu’a levat de criticas fòrtas— Japon vòl metre lo ponch final al debat sus aquela aiga que se perdiá dins lo sit que sa capacitat maximala s’anava aténher en 2022. En setembre, s’èra emplit 1044 depauses amb 1,23 milion de tonas d’aiga radioactiva.
Lo procès començarà d’aicí a dos ans e lo govèrn del Japon prevei que pòsca durar de decennis. Una comission del ministèri de l’Economia, del Comèrci e e de l’Indústria concluguèt que las doas opcions viablas per resòlver lo problèma èran escampar l’aiga radioactiva dins la mar o l’evaporar. Considerèron que la primièra opcion èra la mai viabla, e la mesura recebèt lo sosten de l’Agéncia Internacionala de l’Energia Atomica (AIEA).
D’organizacions de la societat civila an mostrat lor chepic pel probable impacte environamental e los pescadors s’opausan a la decision per paur que los mercats refusen lo peis pescat dins la zòna. Lo president de la Cooperativa dels Pescadors de Japon, Hiroshi Kishi, a declarat que l’escampament èra “totalament inacceptable” e Greenpeace, de son caire, a dich que contraveniá “als dreches umans e als interèsses de la populacion de Fukushima, de Japon e dels autres païses de la region d’Asia-Pacific”.
De criticas dels païses vesins
Lo govèrn de la Corèa del Sud a criticat durament la decision de l’executiu japonés. Seol, qu’enebís dempuèi l’accident l’importacion de produches japoneses de la pesca, ara a menaçat d’un aument d’aquelas restriccions après l’escampament.
De son caire, China a exprimit son “grèu chepic al govèrn japonés per mejan dels canals diplomatics existents” e li a demandat que gerisca “l’afar d’un biais prudent e responsable”.
Sosten dels Estats Units e de l’AIEA
Per contra, segon los Estats Units, lo govèrn de Tòquio es estat “transparent” a tot moment e a adoptat de mesuras “confòrmas aparentament als estandards de seguretat en matèria nucleara a l’escala mondiala”.
A mai, lo director general de l’AIEA, Rafael Grossi, a saludat l’anóncia de Japon e a manifestat son sosten “per menar a bon tèrme un plan segur e transparent”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Podi apondre tanben que dins lei experiments de deteccion de matèria negra, coma per exemple Xenon1T, avem de dispositius d'eliminacion d'isotòps radioactius força força mai eficaç (fan una aiga força mens radioactiva que la radioactivitat de l'aiga naturala)
De segur aquo es un dispositiu de recerca, per bensai mens d'un milier de tonas d'aiga, se podriá probablament pas aplicar a l'escala industriala ambé un còst rasonable. Mai existe.
Sabi pas que sarà l'impacte d'aquela escampada, mai de ço qu'ai entendut i aviá mai de "doas opcions viablas per resòlver lo problèma". O puslèu aquo depende de ço que se considera "viable". Tecnicament se pou tratar l'aiga per eliminar d'isotòps. En fach non solament se pou faire mai cresi qu'es estat fach, en partida. An eliminat leis isotòps de Cesium mai perilhós (e la sau), e après i a agut una negociacion sus la question de si es pron o non, si i a besonh d'eliminar mai d'isotòps abans d'escampar. L'element major que fasia que l'eliminacion de mai d'isotòps era pas considerada "viabla" era probablement lo pretz.
Doas referencias:
Sus Fukushima en particular https://onlinelibrary.wiley.com/doi/full/10.1002/jctb.4141
Sus lei tecnologias de descontaminacion deis aigas en generau : https://www.sciencedirect.com/science/article/pii/S0045653518318836
Escambar aquela mèrda letala per l'aire o per la mar ? Qui ne vòl, de ma veitura electraica bioecologica ? Per n'alestir la batariá, de tèrras raras que l'extraccion o poirís tot a l'entorn, e per la cargar, d'electricitat nucleària d'espandir per la mar o las auras. Coma o ditz Joan, tot va plan !
va plan, va plan.
Sèm sul bon camin!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari