Bandièra01 1180x150: País Invisible

Actualitats

Lo Conselh Constitucional sasit de la Lei Molac qualques oras abans que siá promulgada

“De qué an paur? E perqué lo president de la Republica a esperat tan de temps per promulgar aquesta lei?”,  çò se demanda Paul Molac

| Collectif Pour Que Vivent Nos Langues

Tèxte legit

La Lei Molac, de proteccion e promocion de las lengas regionalas e minorizadas de l’estat francés, se votèt e aprovèt fa doas setmanas a l’Assemblada Nacionala francesa e deviá èsser promulgada abans aqueste dijòus ser. Mas qualques oras abans la data limit de promulgacion, una seissantena de deputats, a títol individual, an depausat un recors al Conselh Constitucional.
 
“De qué an paur?”, çò se demandava Paul Molac suls rets socials. Lo deputat breton (Regions e Pòbles Solidaris) qu’es a l’origina d’aquela lei soslinha aquel “fach inedit”: remarca que “son de deputats de la majoritat que depausan un recors  al Conselh Constitucional contra una lei votada pel Parlament”. De costuma, d’efièch, son de parlamentaris de l’oposicion que sasisson aquela institucion. Molac se pausa doas questions: “De qué an paur? E perqué lo president de la Republica a esperat tan de temps per promulgar aquesta lei?
 
L’iniciativa dels deputats anti-Lei Molac  a provocat una reaccion de colèra de deputats bretons del meteis grop macronista de La Republica en Marcha, coma lo parlamentari Yannick Kerlogot, qu’a reagit sus Twitter amb l’etiqueta #KetGantMaAnv#PasEnMonNom.  En consequéncia, Christophe Castaner, lo president del grop, lor ditz dins una letra que “conven desenant d’esperar la decision del Conselh Constitucional, garent dels dreches e libertats fondamentalas”. Lo problèma seriá restacat al finançament de las escòlas, çò rapòrta France Bleu que mençona l’AFP.
 
 

abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
9.

I a una minoria de gent brutal que vol continuar amb l'Apartheid, tot per els e res pels altres. Mas amb la gent justa, culta i democràtica, tornarem a vencer ben units amb l'ajuda de Diéu.

  • 4
  • 0
Joanon François le Francien
8.

#7 Aquò fa pas grand monde del país...

  • 4
  • 2
Pau
7.

#6
Tiò, mas, totparièr:
Didier BAICHÈRE – Yvelines – Île-de-France (IDF) - LREM: nescut a Limós
Pierre-Yves BOURNAZEL - Paris – IDF – Agir ensemble: nescut a Riòm de Nauta Auvèrnha
Jean-Michel FAUVERGUE – Seine-et-Marne - IDF - LREM: nescut a Bages (Catalonha Nòrd ont se ditz "A Bages, no hi vagis, si amics o parents no hi hagis")
etc.

  • 12
  • 0
Joanon François le Francien
6.

#4 E ben, son quasi totes de Frància ("Francie" cf. Valadier)...
Simon de Montfort, nous voilà !

  • 9
  • 2
Mèstre e servidors
5.

Dins l'amira parisenco-centrada jacobina qu'es LA fondamenta de França e de la "République" aquesta lei Molac es un crimi de lèsa-majestat. Pas estonant que Son Altessa Serenissima Paris (cf "l'Etat c'est MOI ") fague tot per la faire quincanèlar. Lo contrari aguèsse estat espantant.

  • 11
  • 0

Escriu un comentari sus aqueste article