Bandièra01 1180x150: País Invisible

Actualitats

Lo gabinet de Blanquer seriá l’instigator del recors contra la Lei Molac

La conselhièra parlamentària del ministre de l’educacion auriá pilotat la recenta sasina per 60 deputats del Conselh Constitucional

Macron e Blanquer vesitèron ièr un centre educatiu a Melun (Illa de França)
Macron e Blanquer vesitèron ièr un centre educatiu a Melun (Illa de França) | Jean-Michel Blanquer

Tèxte legit

Lo recors dels 60 deputats contra la Lei Molac davant lo Conselh constitucional (CC) seriá “dirèctament teleguidat” pel gabinet de Jean-Michel Blanquer, çò rapòrta La Lettre A. La conselhièra parlamentària del ministre de l’educacion auriá pilotat la recenta sasina pels 60 deputats del CC contra cèrts articles del tèxt que defend la proteccion e la promocion de las lengas minorizadas.
 
La possibilitat de depausar un recors al CC foguèt establida per la lei en 1994 per favorir l’equilibri dels poders e donar a l’oposicion un esplech de contraròtle suplementari fàcia a l’accion del govèrn. Òr, La Lettre A soslinha qu’es “de tot en tot inedit qu’un recors dels deputats —e mai de la majoritat— emane, amb tota discrecion, del govèrn”.
 
Lo mèdia parla de “còp bas contra la democracia” e insistís sus aquesta contradiccion: “Lo secretariat general del govèrn deuriá assegurar davant lo Conselh Constitucional, coma o exigís la procedura, la defensa d’un tèxt atacat amb un sosmarin per un de sos ministèris”.
 
 
De signaturas raubadas
 
En mai d’aquò, lo blòg Être ou ne pas être bretillien assegura que cèrtas signaturas de deputats serián estadas raubadas sens lor consentiment. Se mençona lo cas de las deputadas Sophie Beaudouin-Hubière, Zivka Park e Florence Provendier.
 
 
 
 
 
De legir sus la tribuna de Nicolau Rei Bèthvéder - Lei Molac: Qué harà lo Conselh Constitucionau?


 
abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
13.

#6
"Tà plan díser, lo gabinet de Blanquer n'a pas enqüèra ganhat lo son recors."
Que se l'a ganhat lo son recórs. Qu'ei çò que credèvatz?

  • 0
  • 0
Nas de Guit
12.

"Jà que los mediàs parisencs mantènon dempuèi la debuta un silenci tras que prigond sus aquel sicut"

Ben tè ! Sonque sus Libération:

https://www.liberation.fr/societe/education/apprendre-a-lire-via-le-breton-ou-le-basque-dans-le-public-ce-sera-desormais-possible-20210409_FNXBNPRMRBAMHNJBGQSEHUUS3M/

https://www.liberation.fr/societe/10-millions-de-personnes-vaccinees-langues-regionales-plan-contre-les-armes-a-feu-aux-etats-unis-lactu-de-ce-jeudi-20210408_CKTJM3EZR5FBRGWSOV5H4YSDOM/

https://www.liberation.fr/politique/langues-regionales-contre-attaque-de-deputes-pro-blanquer-20210423_MIYOB54AJ5DZXMCFTDRSLRME3Q/

Qu'èi vist articles tanben suu Monde e suu Figaro.

  • 3
  • 11
ltrobat
10.

#9 Òc, que pensi exactament com vos.

  • 4
  • 0
Farlabica e farlabica
9.

#7 Avètz pas encara encapat qu'aquel CC es jutge e partida, que i a res a esperar d'el ? Es aqui per defendre la constitucion e aquesta ditz que la lenga de la republica francèsa es lo francès, solament lo francès. Pas l'occitan, lo basc o lo catalan, lo francès e solament lo francès, punt. Es jogat d'abança, amb de dats farlabicats.

  • 5
  • 1

Escriu un comentari sus aqueste article