Bandièra01 1180x150: Comuna de Tolosa

Actualitats

EscòlaInternacionalLengaPoliticaSocietat

L’occitan dins lo debat politic sus las espròvas d’accès a l’universitat en Catalonha

De polemicas politicas e judiciàrias an marcat en Catalonha los examens que comencèron dimars passat, e l’occitan es estat, indirèctament, dins lo debat

Tèxte legit

Ongan, un tribunal a ordenat al govèrn de la Generalitat que done a totes los escolans los enonciats dels examens en catalan, castelhan e occitan aranés, après una denóncia d’una associacion espanholista que planhiá que se balhèsse sonque los enonciats en catalan. Los jutges argumentan que lo catalan pòt pas èsser considerat coma “una lenga preferenciala”.
 
Ça que la, l’administracion catalana respondèt que los examens se farián en catalan mas que totes los estudiants avián a lor disposicion d’examens dins las tres lengas oficialas e qu’aurián, per tant, d’examens en espanhòl o en occitan s’o demandavan.
 
A la fin, sonque 67 escolans, sus mai de 5000, demandèron los fuèlhs d’examen en espanhòl. Sabèm pas quantes escolans los sollicitèron en occitan.
 
Es lo tresen còp que l’administracion prepausa de fuèlhs d’examen en occitan aranés.
Malgrat que l'occitan siá oficial al Principat de Catalonha dempuèi 2006, es sonque a partir de 2019 que las administracions comencèron de trabalhar per garentir los dreches lingüistics dels candidats occitanofòns. Dins aquel sens, cal mençonar l’estudianta aranesa Lourdes Bruna, qu’en 2017 respondèt pel primièr còp a dos examens preüniversitaris en aranés, après o demandar pr’amor de l’oficialitat de la lenga.

 
 
 





abonar los amics de Jornalet

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

jordi isant Catalunya
2.

Això deu voler dir que els aranesos els envien fora la Vath d'Aran a fer els exàmens de selectivitat. Si els fessin a Gasconha els el donarien en el subdialecte aranès hispanitat que és, en teoria, el 'constructe lingüístic' vehicular dels centres educatius públics. - Això, en detriment del gascó literari; i per mor de la política de secessió lingüística que, tant el Conselh d'Aran com la Generalitat de Catalonha, sempre han practicat envers el gascó (o la llengua d'oc, per als qui hi situen el gascó com a dialecte. En aquest cas, una secessió encar més criminal).
#1 on adés he escrit 'hispanitat', hi ha de dir 'hispanitzat' ('ispanizat, en òc)

  • 1
  • 2

Escriu un comentari sus aqueste article