Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Paul Molac en Bearn: “Lo ciutadan a entre las mans una partida de la revision constitucionala”

Lo deputat breton que capitèt un vòte istoric a l’Assemblada Nacionala francesa, presenta sa determinacion per cambiar la Constitucion per fin de protegir las lengas

Tèxte legit

Lo deputat breton Paul Molac a vesitat Bearn, convidat pel “Collectiu bearnés per los drets de la lenga nosta”. Aculhit pels militants occitanistas e per qualques elegits, Molac es anat contar sa determinacion per cambiar la Constitucion après que lo Conselh Constitucional francés censurèt dos articles de la lei per la proteccion e promocion de las lengas autoctònas de l’estat aprovada per l’Assemblada Nacionala francesa dins un vòte istoric, fruch de la constància e determinacion del deputat breton.
 
Tanlèu arribat a Pau, Molac expliquèt als mèdias dins una conferéncia de premsa, facha davant l’estatua d’Enric IV, sa conviccion que cal passar per un cambiament de la Constitucion: es necite que se’n retire lo polemic article 2, qu’afirma que lo francés es la lenga de la Republica. Puèi, dins la sala del conselh municipal de Juranson, lo deputat breton diguèt, davant una vintena d’elegits bearneses, que caliá arribar de trobar una majoritat de deputats e de senators per cambiar la lei fondamentala francesa e far en sòrta que foguèsse reconegut, per exemple, l’ensenhament immersiu tant dins las escòlas associativas coma dins l’educacion publica.
 
“Cal contunhar de convéncer” es la paraula mai retenguda de Paul Molac dins son periple bearnés. Del meteis biais qu’a capitat a convéncer una bona majoritat de deputats per protegir las lengas territorialas, es convencut que poirà convéncer los tres cinquens del Congrès reünit a Versalhas per obténer la modificacion de la Constitucion. Dins aquel sens, Molac conclutz que “lo ciutadan a entre las mans una partida de la revision constitucionala”.
 
La vesita de Paul Molac en Bearn es la primièra accion reüssida del dich “Collectiu bearnés per los drets de la lenga nosta”, espelit lo 16 de junh passat amb la tòca de trabalhar sus la defensa de la Lei Molac o la creacion d’una nòva lei per las lengas, la modificacion de la Constitucion francesa, la sensibilizacion de l’opinion publica e la pression suls elegits per que s’engatgen clarament en favor de l’immersion e de son desvolopament coma mejan eficaç de transmetre la lenga nòstra. Lo collectiu revendica que l’immersion siá practicada a l’encòp pels que l’an començada, es a dire Calandreta, mas tanben dins l’encastre del servici public d’educacion.





 







abonar los amics de Jornalet

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Salubritat Occitana
11.

#10
Perque ? Perque cal saupre sonar las causas per lor nom. S'avias encara un dobte te daissi te congostar d'aquel novèl comentari d'aquel baug que te faràs un plaser de legir dins Jornalet a l'article del 15 de julh que trata "De comuns transforman la femsa en energia e argent".
Vaqui :
Amīcus Emmanuelis Macrōnis / Cīvitās Erōtica Sēnsuālitātis15 de julhet 15.25h

"Quand siái als comuns, m'agrada de me tocar en tot pensar al President nòstre, mas es un secret, ne'n profiechi de l'ocasion per lo partatjar amb los gents qu'aimi (los occitans) e un pass-sanitari amb un catalòg de fòtos del President per se patejar la quica."

Alara, cossi sonas un tal fotralàs ?
Bona serada !

  • 5
  • 0
Nas de Guit
10.

#9 "La sexualitat reala o suspausada d'aquel tròll nos impòrta pauc." Se vs'impòrta pòc, perqué l'avetz tractat de "pedala" ?

  • 3
  • 4
Supplica a Ferriol
9.

#5 La sexualitat reala o suspausada d'aquel tròll nos impòrta pauc. Per contra çò qu'es tras qu'aîssable es son biais de virar sistematicament en derision tot article de Jornalet que sa man tòca. Nos coflar obsessionalament amb son Macron adorat es autant "umoristic" que de faire sistematicament l'apologia grandiloquenta de "l'ufanos" Bachar el Assad sus un blòg de refugiats sirians. Res d'inocent dins aquò e i a de que se demandar seriosament a qui aprofiècha aquel sabotatge salopejaire de Jornalet.

  • 17
  • 1
Ròdrigo Bigòrra
8.

Adixatz , hòu macareu quina mobilisacion d'après era fòtò aquera dus pelats e quate tonuts !

  • 7
  • 2
Nas de Guit
7.

#6 Ne crei pas que sia hèita tà que quauqu'un i crédia. Per contra, "pedala macronista" (#4), ne'vs destorba pas, ce sembla, puishque n'ac comentatz pas ? Quin imatge de l'occitanisme, Jornalet ! Qui que sia qui lei aquestas colomnas que's deu pensar que vau mei continuar a parlar francés e tiene's lo mei luenh qui's posca de l'occitanisme.

  • 4
  • 3

Escriu un comentari sus aqueste article