Actualitats
Ongria farà un referendum sus la lei que criminaliza lo collectiu LGBTI
La Comission Europèa a dobèrt una procedura de sancion per aver mancat als dreches fondamentals e als tractats de l’UE
Tèxte legit
Lo primièr ministre ongrés, Viktor Orbán, a anonciat que son govèrn organizariá un referendum sus la lei que criminaliza la populacion LGBTI e que, jos l’escampa de combatre la pedofilia, interditz los parladisses sus l’omosexualitat e la transidentitat dins los centres educatius.
Aquela lei a indignat fòrça representants politics d’autres estats de l’Union Europèa e la Comission Europèa a dobèrt una procedura de sancion per aver mancat als dreches fondamentals e als tractats de l’Union Europèa. Orbán a anonciat lo referendum dins un vidèo en dirècte sus son compte Facebook.
Dins sa compareissença, lo cap del govèrn ongrés a parlat de “proteccion dels menors”, perque el a totjorn presentat aquela lei LGBTI-fòba coma un combat contra la pedofilia.
La lei s’aprovèt gaireben a l’unanimitat, solament un deputat votèt contra. Interditz las conferéncias e los parladisses sus l’omosexualitat e la transidentitat dins los centres educatius, e enebís l’emission de contenguts audiovisuals de tèmas LGBTI a la television pels mens de 18 ans. L’an passat, Ongria aprovèt ja una lei qu’interdisiá l’adopcion als parelhs del meteis sèxe, e metèt fin a la reconeissença de las personas transgenres.
De remembrar que la lei russa de 2013 qu’enebiguèt la “propaganda LGBTI” foguèt seguida d’un aument de la persecucion e de la violéncia contra las personas del grop social.
Aquela lei a indignat fòrça representants politics d’autres estats de l’Union Europèa e la Comission Europèa a dobèrt una procedura de sancion per aver mancat als dreches fondamentals e als tractats de l’Union Europèa. Orbán a anonciat lo referendum dins un vidèo en dirècte sus son compte Facebook.
Dins sa compareissença, lo cap del govèrn ongrés a parlat de “proteccion dels menors”, perque el a totjorn presentat aquela lei LGBTI-fòba coma un combat contra la pedofilia.
La lei s’aprovèt gaireben a l’unanimitat, solament un deputat votèt contra. Interditz las conferéncias e los parladisses sus l’omosexualitat e la transidentitat dins los centres educatius, e enebís l’emission de contenguts audiovisuals de tèmas LGBTI a la television pels mens de 18 ans. L’an passat, Ongria aprovèt ja una lei qu’interdisiá l’adopcion als parelhs del meteis sèxe, e metèt fin a la reconeissença de las personas transgenres.
De remembrar que la lei russa de 2013 qu’enebiguèt la “propaganda LGBTI” foguèt seguida d’un aument de la persecucion e de la violéncia contra las personas del grop social.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari