Actualitats
Iran demanda a l’ÒNU de mesuras contra los Estats Units per la mòrt de Soleimani
Lo general iranian foguèt tuat fa dos ans a l’aeropòrt de Bagdad per de missils lançats per un dròne estatsunidenc
Tèxte legit
Dins una letra a l'Assemblada Generala de l'ONU, lo departament legal del burèu presidencial d'Iran demanda que se prenga “totas las iniciativas legalas possiblas, inclusa l'emission d'una resolucion”, per condemnar lo govèrn estatsunidenc e desencoratjar d’accions similaras dins l’avenir”.
Lo general iranian Qasem Soleimani e lo soscap de la coalicion de milícias majoritàriament shiitas iraquianas Unitats de Mobilizacion Populara, Abu Mahdí Al Muhandis, foguèron tuats lo 3 de genièr de 2020 amb de missils a l’aeropòrt internacional de Bagdad. Los Estats Units revendiquèron l’atemptat, segon un comunicat oficial qu’assegurava que lo quite president, Donald Trump, aviá ordenat l’ataca amb la tòca de “dissuadir” Iran. Qualques oras après l’ataca, l’ambaissada dels Estats Units a Bagdad demandèt a totes los ciutadans estatsunidencs que quitèsson Iraq.
L’an passat, las autoritats d’Iran sollicitèron d’lnterpòl la detencion del president dels Estats Units d’aquel temps, Donald Trump, e de 48 autras personas presumidament responsablas de l’assassinat del general Qasem Soleimani fa un an.
With the assassination of Iranian General #Qassem_Soleimani, the US committed a serious violation of the right to life and the principle of non-use of force. All perpetrators and orchestrators of this crime have "criminal responsibility."#Anti_terrorism_heropic.twitter.com/fzi6fib1gX
— Iran Foreign Ministry (@IRIMFA_EN) January 3, 2022
Iran is following up on the US government’s assassination of Iranian General #Qassem_Soleimani, the #Hero of the fight against terrorism, through international organizations until justice is served. Iranian nation neither forgives nor forgets.#Anti_terrorism_heropic.twitter.com/eObKLXsnM5
— Iran Foreign Ministry (@IRIMFA_EN) January 2, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari