La decision del tribunal de Rodés tombèt lo dimars 29 de març passat. Los èx-emplegats de la SAM, que n’aviam ja parlat dins Jornalet, deuràn quitar l’ocupacion de la fabrica, en seguida d’una denóncia dels mandataris que contestèron la legalitat de l’ocupacion de la fondariá de Vivièrs (Bacin de la Sala), la SAM (Societat Avaironesa de Metallurgia), liquidada en novembre de 2021.
 
Los mandataris avián demandat lo 1r de març al tribunal de Rodés de se prononciar sus “l’expulsion sens tardar” de las personas qu’ocupan lo sit d’aquel ancian sostractant de Renault, en soslinhant subretot lo “perilh imminent del manten en servici sul sit de forns que contenon d’alumini en fusion”.
 
Lo 4 de març, una concertacion entre los ancians salariats e mandataris aviá permés d’avançar cap a un acòrdi per atudar los forns. Los ancians salariats qu’ocupan lo sit de Vivièrs volián subretot empedir una sasida e una venda a l’enquant de las maquinas. Crentan qu’aquò gèine una represa de la fondariá, especialament mentre qu’un projècte portat per l’entrepresa MH Indústrias, basada en Naut Carcin, es encara a se discutir. Una decision se prendrà en junh o julhet venent.
 
Ara que la SAM es ocupada dempuèi 120 jorns, la justícia reconeis desenant aquesta ocupacion coma illegala e los ancians obrièrs de la SAM an fins al 5 d’abril per partir, çò rapòrta France 3. Se ditz que se poirà utilizar la fòrça publica se refusan de daissar los luòcs e que deuràn tanplan pagar los còstes de justícia.
 
Lo 24 de març passat, mentre que la justícia civila examinava la question de l’ocupacion de la SAM per sos ancians salariats, l’avocat dels ancians de la SAM, Renaud Fréchin, aviá defendut que “s’agís pas d’un dorsièr lambda. Es un dorsièr que va impactar durablament e fòrtament un bacin d’emplec ja sinistrat. Son 333 salariats que son estats meses a la pòrta. L’ocupacion de la fabrica pretend de s’assegurar que se tocarà pas l’esplech de trabalh, que serà pas vendut”, çò rapòrta France Bleu.
 
Los èx-salariats avián tanben pogut comptar sus la mobilizacion d’un collectiu de sosten “Tous ensemble pour le bassin decazevillois” (Totes ensems pel bacin de la Sala). Tres buses avián fach lo viatge de la Sala fins a Rodés.



 
 

LA FRANCE CONTINUE A SE DESINDUSTRIALISER. A Viviez dans l’Aveyron, comme on ne les écoutait pas, les salariés menacés de la SAM, sous-traitant de Renault, ont entamé le blocage total de leur usine.#PremierMaiRévolté#GreveGeneralepic.twitter.com/j0x63wYtss

— Alain Torres (@AlainTo41546267) March 30, 2022

 

La justice ordonne aux ex-salariés de la fonderie #SAM de #Viviez en #Aveyron de quitter l'usine occupée d'ici une semaine. https://t.co/luTPr6nCuJ

— France Bleu Occitanie (@bleuoccitanie) March 29, 2022

 

Tandis qu’à Viviez les salariés de la SAM veillent sur leur outil de production, à Rodez un rassemblement a lieu, ce jeudi, pour contrer une procédure d’expulsion qui mettrait en péril l’avenir de la fonderie. @FNMECGThttps://t.co/GR70gzk5qB

— L'Humanité (@humanite_fr) March 24, 2022