Bandièra01 1180x150: La Passem

Actualitats

InternacionalPolitica

Guèrra de Tigrai: se pacha un plan de desarmament e desmobilizacion

A mai, los dos camps an decidit de facilitar l’accès umanitari a totes los que n’aurián de besonh

| @aababaonline

Tèxte legit

govèrn federal d'Etiopia e lo Front Popular de Liberacion de Tigrai (FPLT) se metèron d'acòrdi dissabte passat per bastir un comitat nacional qu’aplicariá un programa global de desarmament, desmobilizacion e reïntegracion sociala.
 
Après una reünion de cinc jorns tenguda a Nairobi (Kenya) los dos camps an tanplan pachat de facilitar l’accès umanitari a totes los que n’aurián de besonh. Dins aquel sens, los activistas umanitaris auràn pas de trabucs per exercir lor trabalh.
 
De mèdias locals remarcan, totun, que l’acòrdi parla pas del retirament de las tropas eritreanas.
 
Tigrai es una de las 12 unitats federadas d’Etiopia (deu estats regionals e doas vilas). Lo país african se regís dempuèi 1994 amb un sistèma dich de “federalisme etnic”, lo qual autreja un estat regional a las principalas nacions: oromos, amharis, tigrinhas e somalis. En Tigrai, lo 95% de la populacion fa partida del pòble tigrinha. Lo TPLF govèrna l’estat regional dempuèi sa fondacion.
 
En novembre de 2020, Etiopia declarèt la guèrra a Tigrai après una disputa politica entre lo govèrn federal d’Abiy Ahmed, qu’en 2019 recebèt lo prèmi Nobel de la patz, e lo TPLF, que governèt Etiopia pendent gaireben tres decennis.
 
D’organismes internacionals senhalan qu’aquel conflicte a causat de milièrs de mòrts e gaireben dos milions de desplaçats.

 
 
 


abonar los amics de Jornalet

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article