Bandièra01 1180x150: Comuna de Tolosa

Actualitats

Internacional

Somalia: 54 mòrts dins un atemptat contra la mission panafricana

Èran de militars ogandeses que collaboravan amb la Mission de Transicion de l’Union Africana en Somalia

Tèxte legit

Lo grop dels extremistas somalians Ash Shabaab assalhiguèt lo 26 de mai passat una basa militara de la Mission de Transicion de l’Union Africana en Somalia (ATMIS). Dissabte, lo president d’Oganda, Yoweri Museveni, faguèt saber que dins l’atemptat avián perdut la vida 54 militars e que lo nombre d’atacaires èran d’aperaquí 800. Lo cap d’estat apondèt que los terroristas avián ensajat un autre atac contra la vila de Baraawe mas que los soldats de l’ATMIS avián capitat a lo neutralizar e a arrestar dos comandants d’Ash Shabaab.

Ash Shabaab, restacat amb Al Qaida, cèrca d’impausar en Somalia una interpretacion extremista de la sharia e a revendicat de nombroses atemptats dins la region, dont lo masèl del centre comercial Westgate a Nairòbi (Kenya) en 2013. Lo govèrn de Somalia combat aquel grop terrorista amb l’ajuda dels Estats Units e de qualques païses aliats del continent, dont los 22 000 militars de l’ATMIS.

 

 

 

 

 

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article