Bandièra01 1180x150: Comuna de Tolosa

Actualitats

InternacionalPoliticaSocietat

Afganistan: de femnas protèstan pel barrament dels salons de beutat

Las manifestantas èran indignadas pr’amor qu’aquela decision las daissarà sens aquel espaci d’amassada e d’evasion de la repression talibanista

Afganistan: de femnas protèstan pel barrament dels salons de beutat
Afganistan: de femnas protèstan pel barrament dels salons de beutat

Un grop de femnas afganas manifestèt dimècres passat a Kabol contra lo barrament de totes los salons de beutat d’Afganistan. Lo govèrn dels talibans a decidit de tampar aquela sòrta d’establiments e lor a donats un relambi d’un mes per abenar l’estòc de produches. Las manifestantas èran indignadas pr’amor qu’aquela decision las daissarà sens aquel espaci d’amassada e d’evasion de la repression talibanista.

Malgrat la repression, las manifestantas se quilhèron contra lo govèrn islamista integrista que faguèt dissòlver la manifestacion amb de canons d’aiga en tirant de balas realas dins l’aire. La mission de las Nacions Unidas en Afganistan (MANUA) condemnèt la violéncia dels talibans e defendèt lo drech del pòble a exprimir son vejaire.

Lo Ministèri de Prevencion del Vici e de Promocion de la Vertut justifica lo barrament dels salons de beutat, en invocant d’arguments religioses e economics.

 

 

 

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article