Bandièra01 1180x150: Comuna de Tolosa

Actualitats

La violéncia en Egipte s’es reviscolada

Alemens cinquanta mòrts la nuèch de diluns

Un cinquantenat de mòrts e tres centenats de ferits, la majoritat al Caire, son lo resultat dels afrontaments de la matinada de dimenge a diluns, entre las fòrças de seguretat e lo simpatizants de Muhammad Mursi. Los partisans del president reversat manifestèron per commemorar lo quaranten anniversari de la guèrra de 1973 contra Israèl, amb l’intencion d’accedir a la Plaça Tahrir. La polícia delimitèt la plaça e los daissèt pas passar amb de gases lacrimogèns e de balas en l’aire. Comencèt alavetz una batalha seriosa entre los manifestants e la polícia.
 
S’agís de la jornada mai sagnosa del país, après la setmana de repression d’agost passat al Caire, quand la polícia deslotgèt, amb granda violéncia, los acamps dels Fraires Musulmans al centre de la capitala.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article