Bandièra01 1180x150: Comuna de Tolosa

Actualitats

Enseguiràn pas Sarkozy per l’afar Bettencourt

| World Economic Forum
Los jutges qu’instruson l’afar Bettencourt, per un presumit abús de feblesa de la multimilionària eiretièra de l’empèri L’Oréal, decidiguèron diluns passat de retirar las cargas contra l’èx-president francés Nicolas Sarkozy. Los magistrats del tribunal de Bordèu, Jean-Michel Gentil e Valérie Noël, an estimat fin finala que las cargas retengudas contra Sarkozy èran “tròp flacas” per motivar son remandament davant una jurisdiccion.
 
L’èx-president francés èra mes en examen dempuèi lo 21 de març passat per esclarzir s’aviá profechat de l’estat de la milionària e s’abusèt de la siá fisança per li traire d’argent, destinat a finançar la campanha que lo menèt a l’Elisi en 2007. Gentil e Noël avián basat aquela mesa en examen sul fach qu’existissián d’indicis clars, coma qué los administradors de Bettencourt aurián donat d’argent al clavaire de la campanha electorala de Sarkozy, Éric Woerth, qu’en seguida foguèt nomenat ministre del trabalh.
 
Woerth, amb dètz autras personas de mai, seràn meses en examen, dont François-Marie Banier, Stéphane Courbit e Patrice de Maistre, e deuràn comparéisser en 2014 al tribunal de Bordèu.
 
Sus sa pagina Facebook, Sarkozy a solament dich sos grandmercés per lo sosten de sa familha e de sos amics e companhs politics. L’èx-president a mercejat mai que mai lo president del sieu partit, Jean-François Copé. Al delà, Sarkozy a plangut que “lo prètz de pagar”, per que s’esclarziguèsse la vertat, es estat, çò ditz, de “dos ans e mièg d’enquèsta, tres jutges, de desenats de policièrs, 22 oras d’interrogatòris e de confrontacions, quatre escorcolhs, de centenats d’articles metent en causa mon onestat durant la campanha presidenciala”.
 
La suspicion, que Sarkozy poiriá aver aprofechat los problèmas mentals de Bettencourt, venguèt de Claire Thibout, anciana comptabla de Bettencourt. En 2010, la femna declarèt a la polícia que, tres ans abans, l’administrador de la familha, Patrice de Maistre, li aviá demandat 150 000 èuros en efectiu per los donar al clavaire de la campanha electorala de Sarkozy.
 
Le Mondepubliquèt diluns un vidèo de mens de 4 minutas ont Gérard Davet, en carga de l’enquèsta del jornal francés, explicava perqué Sarkozy anariá pas al procès.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article