CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dijòus, 23 de mai

Actualitats

Dimars, 4 de febrièr de 2014, 03h00 Politica,Lenga,Internacional

L’Acadèmia Valenciana de la Lenga reconeis l’unitat del catalan... e lo Partit Popular la menaça


Comentaris 17 comentaris    
Marrit Flac Bon Plan bon Fabulós (8 vòtes)
carregant En cargar


Lo president valencian Alberto Fabra, del Partit Popular (PP), menaça l’Acadèmia Valenciana de la Lenga (AVL), que sosten que “valencian” e “catalan” son la meteissa lenga. L’AVL anulla la presentacion de son novèl Diccionari normatiu valencià, probable a causa de la pression de Fabra.


L’Acadèmia Valenciana de la Lenga (AVL) a suspendut indefinidament la presentacion del Diccionari Normatiu Valencian, prevista per dimars 4 de febrièr, per de “rasons d’ajustes en l’aplicacion informatica de la pagina web e per de problèmas tecnics dins [son] servidor”, segon çò qu’a comunicat.
 
L’AVL a recebut long d’aquesta dimenjada de criticas de part del govèrn autonòm del País Valencian e de deputats del PP, que tenon lo poder regional. Lo PP repròcha a l’AVL d’aver ratificat l’unitat de la lenga catalana —valencian comprés— e d’aver admés mai d’un nom compatible per designar aquela meteissa lenga, coma “lenga valenciana”, “valencian” e “catalan”.
 
Precisament, diluns, lo president del País Valencian, Alberto Fabra, a mantengut lo ton menaçós vèrs l’AVL, que ja empleguèt lo secretari general del PP valencian, Serafín Castellano, just après l’aprobacion del Diccionari normatiu valencià (DNV).
 
Dins aquel diccionari, l’AVL ditz que valencian e catalan son de denominacions compatiblas, e aquò a irritat lo PP. Fabra a dich que l’institucion complissiá pas çò que ditz l’estatut d’autonomia del País Valencian e qu’el s’encargariá d’o far complir.
Fabra a dich que l’article 6 de l’estatut ditz que la lenga dels valencians es lo valencian. “Totes aqueles qu’avèm de representacion e de responsabilitat dins quin domeni que siá avèm de defendre nòstres signes d’identitat e nòstra lenga, e mon engatjament es de far complir l’estatut”.
Serafín Castellano, en nom del PP, ja diguèt dimenge qu’amb aquela definicion del valencian, “l’Acadèmia Valenciana de la Lenga pèrd sa rason d’èsser e afronta lo sentiment de la majoritat del pòble valencian”. E insistissiá: “En equiparant lo valencian e lo catalan, l’AVL pèrd tot son sens, perque se creèt precisament per defendre la personalitat de nòstra lenga.” E apondiá: “La defensa de nòstra lenga es irrenonciabla e permetrem pas d’intrusions ni d’atacs contra nòstres senhals d’identitat, contra çò que nos definís coma pòble, contra nòstra istòria e nòstra idiosincrasia.”
Lo deputat pus veteran de las Corts Valencianas (parlament regional), qu’es membre de la direccion del grop PP, assegurèt que prepausariá “una iniciativa per que se retir[èss]e lo diccionari”.

 
Jornada istorica
 
En una jornada qualificada d’istorica, l’Acadèmia Valenciana de la Lenga (AVL) aviá aprovat, divendres 31 de genièr, lo Diccionari normatiu valencià (DNV). Amb 93 349 intradas, lo DNV tanben “abòrda amb normalitat la realitat lingüistica per despassar los conflictes onomastics”. Ansin, l’AVL accèpta “lenga valenciana” (llengua valenciana) coma “la manièra pus tradicionala” de nomenar l’idiòma, e mai s’es “compatibla” amb d’autras denominacions coma “catalan”.
 
Lo “valencian” (valencià) i es definit aital: “Lenga romanica parlada en la Comunautat Valenciana, Catalonha, las Balearas e qualques autres territòris de la Corona d’Aragon e que tanben recep lo nom de catalan.”
 
En un comunicat, l’AVL apondiá que “la reconeissença de l’unitat de la lenga compòrta pas cap de subordinacion de las variantas pròprias d’un territòri a respècte de las d’un autre”.
 
Qualques ans enrèire, tre 2005, ja l’AVL aviá fach una declaracion favorabla a l’unitat de la lenga catalana.
 
Dempuèi que l’AVL se metèt en marcha en 2001, a publicat qualques òbras de pes coma lo Diccionari Ortogràfic i de Pronunciació del Valencià (DOPV), en 2005, amb lo sosten de 18 dels 19 membres, e la Gramàtica Normativa Bàsica, aprovada en 2006 per unanimitat.
 
Cal precisar que l’Institut d’Estudis Catalans (IÈC), fondat tre 1907 e longtemps abans l’AVL, revendica sa vocacion de trabalhar sus tota la lenga catalana, valencian comprés. Per tant l’IÈC contèsta la legitimitat de l’AVL. Mas dins los faches, l’AVL a pas jamai gausat preconizar de formas tròp diferentas de las de l’IÈC.
 
 
Torró (oposicion): “Es infame l’us partidista que fa lo PP contra l’avís scientific sus la lenga”
 
Lo pòrtavotz adjonch del partit EUPV (oposicion valenciana d’esquèrra), Lluís Torró, considèra “inassumiblas” las declaracions de Serafín Castellano a respècte del fach que l’Acadèmia Valenciana de la Llenga aja perdut “tot son sens” per la definicion qu’apareis dins lo Diccionari Normatiu Valencià. “Se vei clar quina èra l’intencion de la reforma de l’AVL [facha per lo govèrn regional PP]: la contrarotlar. Es infame que se faga un us partidista contra un avís scientific sus lo qual i a pas cap de controvèrsia entre los filològs.”
 
Torró apond: “Lo PP demòstra qu’es fòrça esglasiat per las perspectivas electoralas quand recor a aqueles arguments per mobilizar la partida pus atavica de sos elegeires. Sabon que los ciutadans valencians son ansioses, ja que los meton per carrièras, e esitan pas a desprestigiar d’organismes qu’eles meteisses impulsèron per temptar desesperadament d’evitar çò qu’es evident e inevitable: la fin del regim del PP al País Valencian.”



publicitat
BANER1-2-3: DGPL TRADUCTOR



Comentaris

4 de febrièr 23.17h

Carles de Xàtiva se demanda çò que vòl lo PP... Responsa evidenta: eliminar definitivament lo valencian de la societat, non?


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

4 de febrièr 22.50h

Carles a mi m'ofem moltíssim més que algú li diga que el meu País Valencià i als meus Països Catalans 'Espanya' [o França], però no censure ni prohibisc als que fan servir eixe nom; per tant, llibertat també per als que no som hegemònics no dominants... Recòrrer al poble senzill és molt sofrit; recorde que, per problemes familiars als quinze anys vaig haver de fugir de casa dels meus progenitors i refugiar-me al Seminari de Montcada (País Valencià), allà vaig tenir la desgràcia ... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

4 de febrièr 22.44h

#17 Paura victima del faissisme occitanocatalan... Per astre, tos braves amics democratas del PP mòstran quant aiman lo valencian: lo parlan pas jamai, l'eliminan de la ràdio e de la television, menaçan l'AVL, creada per noirir lo secessionisme, perque ditz la vertat scientifica sus la lenga, e deman lo castelhan serà la sola lenga de la Comunitat valenciana (perqu'es pas un "país", de segur)...


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

4 de febrièr 22.15h

De verai, lo PP es un partit d'extrèma drecha... Una pensada solidària pels valencians que luchan amb coratge per la dignitat de lor lenga e de lor pòble.


Valoriza aqueste comentari:   votar positiu 7   votar negatiu 5
Respondre comentari replica Comentari inadeqüat   Formulari d'abús de comentari

4 de febrièr 22.00h

#10 Bona pregunta ... tinc por de respondre, sembla que alguns no volen que emprem este espai per a discussions sobre la llengua valenciana., puix, és el jornalet de la llengua occitana. Et diré només: El segle d'or valencià o segle d'or de les lletres valencianes correspon a un període històric que abasta gairebé tot el segle XV i que aporta les millors obres literàries en valencià de l'època. Els grans escriptors... Legir mai


Valoriza aqueste comentari:   votar positiu 2   votar negatiu 7
Respondre comentari replica Comentari inadeqüat   Formulari d'abús de comentari

4 de febrièr 21.15h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 3   votar negatiu 47
Respondre comentari replica Comentari inadeqüat   Formulari d'abús de comentari

4 de febrièr 20.12h

Blavers, cessatz de polluir l'espaci Internet occitan.


Valoriza aqueste comentari:   votar positiu 6   votar negatiu 10
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Per un jornal participatiu, viu e civilizat

Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

“Avèm un molon de sorires que revenon a cada eveniment”

Rafèu Radreau Carnsaladièr e organizaire d'eveniments culturals a Peirafuec (Nauta Val de Var)

“Avèm un molon de sorires que revenon a cada eveniment”
publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Val d'Aran, cap de Gasconha

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Niça vièlha en occitan niçard. © LR

    Niça vièlha en occitan niçard

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Castelar

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Coserans al còr

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Asuèlhs comengeses. © Franc Bardòu

    Asuèlhs Comengeses

  • © Aure Séguier

    Carnaval Biarnés 2017

  • Ciutat de Draoníer. © Cristòu Daurore

    Ciutat de Draoníer (Val Maira)

  • © Franc Bardòu

    Darrièr refugi abans l’envòl (1206-2016)

  • Val d'Aran, cap de Gasconha

  • Gavotina marítima: trofèu d'August e vila vielha d'A Torbia

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Menton, 'a vivaroalpenca maritima

  • © Franc Bardòu

    Coserans al còr

  • © Laurenç Revèst

    Castelar

  • © Laurenç Revèst

    Fòrt Maginòt de Sant Anhe

giny

Las mai...

publicitat

LATERAL1 300X250: radio pais

giny

Sondatge

Escrives normalament de comentaris dels articles que publica Jornalet?


10%



27%



9%



22%



33%




Vots 116 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)