CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Dimenge, 19 d'octòbre de 2014, 03h00 Societat,Politica,Lenga

Pau, la justicía e l’occitan: lo conflicte contunha


Comentaris 2 comentaris    
Marrit Flac Bon Plan bon Fabulós (15 vòtes)
carregant En cargar


Dins lo procès qu’opausa lo movement Libertat a la justícia francesa, res es pas acabat. Fin finala, lo 17 d’octòbre, malgrat lo refús del militant de l’esquèrra revolucionària occitana de parlar dins una autra lenga que l’occitan, la jutgessa del tribunal de proximitat acceptèt pas que se trobèsse un interprèt e declarèt que las paraulas dichas en una autra lenga que lo francés equivalián a de silencis. Totun, precisament perque l’acusat s’exprimissiá sonque en lenga occitana, lo jutjament se poguèt pas prononciar e caldrà esperar lo 19 de decembre... o benlèu mai tard.
 
D’efièch, l’avocat del militant de Libertat, Mèstre Jean-François Blanco, anoncièt qu’en nom de la Convencion europèa dels dreches umans e de la Carta europèa de las lenga regionalas e minoritàrias, faguèra apèl del refús de la jutgessa de demandar un interprèt. Bensai seriá l’escasença de recordar que l’occitan foguèt lenga oficiala de Pau e de Navarra fins a son enibicion pel rei francés Loís XIII, totun filh del bearnés Enric IV.
 
Del costat de la premsa de lenga francesa, se pòt remarcar que La République des Pyrénées publiquèt sus son sit un article que se demandava s’un “francofòn” se podiá exprimir en occitan dins un tribunal. E mai lo tèrme de “francofòn” poguèsse implicar la reconeissença implicita que los occitans son pas franceses, aquel jornal censurèt los comentaris occitanistas favorables a l’acte de desobesissença civila de Libertat abans d’entrepachar tota autra reaccion possibla. Per contra, daissèt dos comentaris agressius en francés: un d’un pseudobearnesista que pretendiá que lo bearnés es pas occitan e qu’afortissiá qu’en França se deu parlar francés, e un autre per lo qual l’usatge public de las lengas minorizadas costariá tròp car a la collectivitat.
 
Cossí que siá, se vei qu’aquel acte de desobesissença civila a mesa la lenga nòstra al centre dels debats de societat.
 
 
 
 
GJB



publicitat
BANER1-2-3: DGPL AN LAFONT



Comentaris

19 d'octòbre 16.12h

Benlèu se seriá podut prendre en compte l'orientacion politica del sòci de Libertat, parlant en son nom personal, en far usatge de "acte de desobeissança populara", puslèu que de "acte de desobeissença civila".


Valoriza aqueste comentari:   votar positiu 2   votar negatiu 3
Respondre comentari replica Comentari inadeqüat   Formulari d'abús de comentari

19 d'octòbre 10.33h

M´alegre molt de tot aquest enrevol, espere que continue a més i que per fi la societat francesa se n´adone què no passa rés roí en deixar parlar a la gent de França en els seus respectius idiomes. Tot i què és una feina difícil...

Salutacions d´un valencià.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 32
  • sol Aush 31
  • sol Bordèu 32
  • sol Briançon 25
  • sol Caors 33
  • sol Carcassona 30
  • sol Clarmont-Ferrand 31
  • sol Confolent 31
  • sol Gap 23
  • sol La Canau 32
  • sol La Gàrdia 28
  • sol Limòtges 32
  • sol Lo Borg Sant Dalmatz 26
  • sol Lo Puèi de Velai 30
  • sol Marselha 27
  • sol Montpelhièr 27
  • sol Naut Aran 27
  • sol Niça 26
  • sol Nimes 30
  • sol Pau 29
  • sol Peireguers 32
  • sol Rodés 31
  • sol Tolon 32
  • sol Tolosa 31
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Gavotina marítima: trofèu d'August e vila vielha d'A Torbia

  • País de Rasés. © Franc Bardòu

    País de Rasés

  • © Laurenç Revèst

    Via de Buelh a Pèunas a Valberg fins a Sant Laugier

  • © Franc Bardòu

    Tèrra albigesa

  • Galhac

    Octòbre de 2012 en Tèrrafòrt de Galhac Tolzan

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Laurenç Revèst

    Besièrs, preséncia d'occitan en ciutat e CIRDOC

  • © Franc Bardòu

    Darrièr refugi abans l’envòl (1206-2016)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Occitan e economia: "occitanitat mai o mens visibla"

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Conselh Generau d'Aran

    Lo Torn de França 2016 en Aran

  • Lo grand passacarrièra de Rodés. Occitan Pride 2013

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Nimes e preséncia d'occitan

  • Bersorèlh : quartiers e maions ai noms occitans

  • Ciutat de Draoníer. © Cristòu Daurore

    Ciutat de Draoníer (Val Maira)

  • Occitan e economia: "occitanitat mai o mens visibla"

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)