Bandièra01 1180x150: Comuna de Tolosa

Actualitats

An mes una placa en catalan al memorial de las victimas de Germanwings

Un grop de parents de las victimas catalanas la menèt la setmana passada

| AFP
Lo memorial consagrat a las victimas de l’avion que s’escrachèt sul Pueg dels Tres Evescats, fin finala, a una petita inscripcion en catalan. E mai se lo cònsol de Sèina (Prealps de Dinha) decidiguèt d’i metre un tèxt escrich en anglés, francés, espanhòl e alemand; dins aquela tragèdia moriguèron un cinquantenat de catalans, e, per tant, un grop de parents de las victimas catalanas es anat sus plaça per apondre una petita placa amb l’inscripcion en catalan, coma o podètz veire sus aqueste imatge de l’AFP.
 
La setmana passada comencèt una campanha sul sit de Change.org per demandar d’apondre lo catalan al monument que ditz: “En memòria de las victimas de la catastròfa aeriana del 24 de març de 2015”.
 
Lo pòrtavotz del govèrn de la Generalitat de Catalonha, Francesc Homs, manifestèt la volontat de l’executiu catalan d’i apondre la nòstra lenga sòrre. Dins aquel sens, Homs manifestèt qu’òm o comprendriá. “Segon las informacions qu’avèm s’i apondrà lo catalan e se farà las causas en prenent en compte l’origina de las victimas”, çò diguèt.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc mallorca
1.

Es una placa petita mas collocada la primiera, com sempre en la defensa de la humanitat Catalunya es la primiera.

  • 0
  • 0

Escriu un comentari sus aqueste article