CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Dimècres, 20 de mai de 2015, 03h00 Politica,Internacional,Economia

Lengadòc > Lengadòc Bas > Carcassés

François Hollande a Carcassona per rescontrar los èx-Pilpa

L’Institut d’Estudis Occitan d’Aude aviá mandat una letra dubèrta al cap de l’executiu francés per denonciar la situacion de l’occitan e las promessas non tengudas


Comentaris 6 comentaris    
Marrit Flac Bon Plan bon Fabulós (5 vòtes)
carregant En cargar


Lo president francés François Hollande s’invitèt ièr a Carcassona ont aterriguèt a 16h30. Segon l’Elisi, fasiá aquel desplaçament per vesitar l’entrepresa “Fabrique du Sud” e rescontrar los elegits.

La Fabrique du Sud es lo talhièr de fabricacion de glaças qu’a succedit a l’entrepresa Pilpa que barrèt en julhet de 2012, sacrificada sus l’autar de la globalizacion e la quasi impoténcia e indiferéncia dels poders publics. Daissèt aperaquí 150 personas al caumatge. Un ramat de 19 obrièrs licenciats decidiguèron de metre en comun lors indemnitats de pèrda d’emplec e lor saber-far per s’associar jos la forma d’una SCOP e tornar prene lo camin de l’activitat. Uèi lo jorn, los èx-Pilpa fabrican de glaças artesanalas d’una excellenta qualitat jol nom de marca La Belle Aude. L’entrepresa fonciona plan e sortís de beneficis. A 17h00, lo president Hollande, flancat de son liberal ministre de l’economia Emmanuel Macron, anèt vesitar las installacions e rendèt omenatge a lor esperit d’entrepresa e a lor pugnacitat. E mai aquesta visita foguèsse una reconeissença d’aprèp la batalha, los 19 associats s’en mostrèron fièrs e esmoguts.
 
Aprèp la partida economica, François Hollande donèt una dimension politica a sa venguda en anar a 18h30 a la Sala del Dòma rescontrar los elegits (en primièr a pòrtas barradas, puèi publicament) e en prononciar un discors supausat èsser d’orientacion politica mas que fin finala foguèt essencialament un ramat de generalitats d’una ora e un quart: “La viticultura representa 10 milions d’excedent per an. Ne cal vendre de d’avions Rafale per n’arribar al meteis resultat”, “Aude compta fòrça pichòtas comunas. Las pichòtas comunas son una oportunitat per França”, “Avèm lo dever de fargar França e de far França”, “La reüssida partejada es lo camin que prepausi”.
 
Escapèt a degun que la rason vertadièra d’aqueste miniviatge en Occitània al delà de la politica generala èra la politica politiciana. Dins un contèxte d’impausicion per l’estat de la fusion de las doas regions Lengadòc-Rosselhon e Miègjorn-Pirenèus, de desagregament electoral pel Partit Socialista e de las futuras eleccions regionalas, Hollande causiguèt d’anar sus de tèrras ont los elegits socialistas son majoritat. L’acompanhèt la secretària d’estat Carole Delga, pressentida per èsser cap de lista socialista a las eleccions regionalas venentas.
 
L’Institut d’Estudis Occitan d’Aude aviá mandat una letra dubèrta al cap de l’executiu francés per denonciar la situacion de l’occitan e las promessas non tengudas e li demandar que quicòm enfin siá fach per la lenga nòstra.
 
Pauc de carcassoneses campavan sus l’itinerari que lo president seguiguèt dins Carcassona. Lo president se tornèt envolar per París a 21h30. Sa passejada lengadociana aurà durat 5 oras.





publicitat
BANER1-2-3: DGPL TRADUCTOR



Comentaris

21 de mai 17.40h

#5 Segur es una simplificacion, malaisit de far d'un autre biais per aver una estimacion del nomre de caumaires ençò nòstre.Me cal apondre que i a caumaires que se sap que trobaran pas cap de trabalh en causa de lor edat. Sabem atanben que i a de retirats que trabalhan vist que lor retrata lor permet pas de viure.
Una causa es segura lo chifra de 10,5% (mejana) de caumaire l'ai pescat ençò de l'INSEE: avetz çai_jos los detalhs per departament.

Al quatren trimestre de 2014.

Allier 10,6
... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

21 de mai 17.12h

#3 «La populacion estimada dels departaments occitans d'apèi los darniers chifras ( de 2012) es de :
16 611 318 e 10,5% de caumaires far 1 744 188 caumaires en çò nòstre.»
Prene en compte la populacion activa, e non pas totala, per far vòstre calcul, es tròp complicat ? Los dròlles, los vièlhs, al Pôle Emploi ? :D

Pel demai soi d'acòrdi amb vos, una gròssa simplificacion s'impausa. Mas bon, tot aquò a pas grand causa de veire amb la letra sus la situacion de l'occitan ! ;)


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

20 de mai 17.16h

La creacion de cooperativas occitanas ei ua solucion per sauvar nostra econonia et nostra lenga: veire l'exemple de la Corporation Mondragon au Bascoat (http://europeecologie.eu/Cooperative-de-Mondragon-l).


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

20 de mai 14.44h

La populacion estimada dels departaments occitans d'apèi los darniers chifras ( de 2012) es de :
16 611 318 e 10,5% de caumaires far 1 744 188 caumaires en çò nòstre.

Per lo plaser enquera qualquas chifras :

França e d'afièch Occitània es :

10,5% de caumaires
360 impaus e taxas
103 ajudas socialas diferentas
3500 paginas del còde del trabalh
618 384 eligits
1 851 primas
36 769 comunas
37 reegimas de retratas diferents
2 000 000 de jorns de grèva per an...
Un dèute qu'es 95% del P... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

20 de mai 10.08h

A la fin de 2014 lo taus de caumatge per los departaments occitan es de 10,5 % en mejana.
Era de 10,1% al quatren trimestre de 2013, Era de 6,3% en 1982......
L'INSEE a previsit una aumentacion del caumatge en 2015.
Per començar de crear d'emplècs cal un taus de creissença de 2,5.
Amb una creissença de 1,5 començan d'aver un equilibri.
Avèm una creissença de 0,6% al prumièr trimestre de 2015.... çò que sufís pas per far demenesir lo caumatge.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

20 de mai 08.17h

La letra dubèrta foguèt remesa al President per un elegit-aderent de l'IEO.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 28
  • sol Aush 26
  • sol Bordèu 27
  • sol Briançon 19
  • sol Caors 26
  • sol Carcassona 21
  • sol Clarmont-Ferrand 27
  • sol Confolent 23
  • sol Gap 18
  • sol La Canau 28
  • sol La Gàrdia 26
  • sol Limòtges 26
  • sol Lo Borg Sant Dalmatz 19
  • sol Lo Puèi de Velai 22
  • sol Marselha 19
  • sol Montpelhièr 19
  • sol Naut Aran 23
  • sol Niça 20
  • sol Nimes 21
  • sol Pau 25
  • sol Peireguers 28
  • sol Rodés 27
  • sol Tolon 27
  • sol Tolosa 25
  • sol Valença 25

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Coserans: Sent Líser, Casavèth, Sent Guironç, Saurat...

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Franc Bardòu

    Coserans al còr

  • © Lissandre Varenne

    Senhaletica en Marjarida

  • © Franc Bardòu

    Tèrra albigesa

  • Eth solei que s'amague. © Xavi Gutiérrez Riu

    Prumèra nheuada dera sason ena Val d'Aran

  • © Laurenç Revèst

    Val de la Tiniá

  • © Laurenç Revèst

    Cavairac, Vau Naja (Costièra de Nimes)

  • © Laurenç Revèst

    Fòrt Maginòt de Sant Anhe

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Franc Bardòu

    Tèrra albigesa

  • © Laurenç Revèst

    Menton, 'a vivaroalpenca maritima

  • © Laurenç Revèst

    Las Cevènas, Barjac en Val de Cese

  • © Miquèu Barís

    Los calandrons d'Auloron qu'an visitat Baiona

  • © Josep Carpintero

    Presentacion dera ANC Val d'Aran en Vielha, 28/12/2013

  • País de Rasés. © Franc Bardòu

    País de Rasés

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • D'Auvèrnhe occitan

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)