CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Diluns, 28 de març de 2016, 03h00 Societat,Politica,Lenga,Cultura

L’ÒPLO anóncia un milion d’èuros d’ajudas a l’occitan e la creacion d’un prèmi

Aquelas ajudas seràn sustot destinadas al desvolopament de l’ensenhament de l’occitan, lo CPLO, l’IEO e los mèdias


Comentaris 25 comentaris    
Marrit Flac Bon Plan bon Fabulós (11 vòtes)
carregant En cargar


L'Ofici Public de la Lenga Occitana (ÒPLO) anóncia un sosten d'1 005 792 èuros a las accions dedicadas a la transmission e a l’usatge de l’occitan. Aquel agropament d’interès public, qu’amassa l’estat francés amb las regions Aquitània-Lemosin-Peitau-Charantas e Lengadòc-Rosselhon-Miègjorn-Pirenèus, prenguèt aquela decision dins son assemblada generala que se debanèt a Tolosa dimars passat, 22 de març.
 
Aquelas ajudas seràn sustot destinadas al desvolopament de l’ensenhament de l’occitan a las escòlas publicas amb Òc-Bi e a la produccion de material pedagogic per Calandreta. En mai d’aquò, l’ÒPLO anóncia que tanben se subvencionarà amb aquelas ajudas lo Congrès Permanent de la Lenga Occitana, l’Institut d'Estudis Occitans, los Centres de Formacion Professionala Occitans de Tolosa e d'Ortès e los mèdias, mai que mai la television per Internet Òc-tèle e la societat de doblatge Conta'm.
 
 
Un prèmi sus l'innovacion linguistica
 
En mai d’aquò, l’ÒPLO lança lo prèmi “Jan Moreu” sus l’innovacion en matèria de politica lingüistica. Aquel prèmi es dotat d’una recompensa que pòt anar fins als 5000 èuros e es dobèrt a las personas moralas o fisicas majoras, e tanben als liceans e aprendisses e lors establiments.
 
 
Prètzfach
 
L’Ofici Public de la Lenga Occitana es un organisme public que sa tòca es de definir una politica publica en favor de l’occitan. Es installat dempuèi lo 12 de novembre passat al Conselh Regional de Tolosa.
 
Dins son comunicat de premsa, l’ÒPLO anóncia que “pilotarà l'elaboracion de la convencion estat-regions sus l'ensenhament de l'occitan e per aquò engatjarà lèu lo dialòg e una reflexion amb los diferents rectorats concernits; per las acadèmias de Bordèu e de Tolosa, aquò serà dins l'esperlongament de las convencions encara en vigor fins en decembre de 2016”. En mai d’aquò, anóncia que “trabalharà e mai a l'elaboracion d'un Esquèma Interregional de Desvolopament de l'Occitan”.
 
 
Charline Claveau-Abbadie succedís a Dàvid Grosclaude
 
La conselhièra regionala d'Aquitània-Lemosin-Peitau-Charantas, Charline Claveau-Abbadie, foguèt elegida presidenta de l’Ofici Public de la Lenga Occitana dins l’assemblada generala de dimècres passat. E mai se l’ÒPLO es operacional dempuèi lo començament de 2016 jos la direccion d’Estève Cròs, Dàvid Grosclaude quitèt la presidéncia de l’organisme per èsser pas mai elegit regional.
 
“Amb l'Ofici Public de la Lenga Occitana, sèm pas mai a l'escala de las frontièras administrativas, i a pas mai juxtaposicion de las politicas regionalas dins aquel domeni. Al bèl contrari, i a la mesa en òbra d'una politica integrada e interregionala dins lo domeni de l'occitan e que relèva de l'interès public” çò declarèt la nòva presidenta de l'agropament.
 
 
Una cauma de la fam per l’obténer
 
E mai se la creacion de l’ÒPLO foguèt aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude faguèsse una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
 
Se pòt dire que la cauma de la fam de Grosclaude, de mai d’una setmana, faguèt espelir en Occitània, amb de sostens internacionals, un movement de revòlta pacifica e solidària organizat jos l’eslogan “N’i a pro d’èsser mespresats”. L’eslogan faguèt lo torn d’Internet e dels rets socials, sovent amb las fotografias de caras d’occitanistas de divèrsas sensibilitats e d’amics de la causa occitana. Lo 3 de junh, s’organizèt una jornada de mobilizacion, e una compatriòta, Evalina Houlès, decidiguèt de far ela tanben una cauma de la fam.




Charline Claveau-Abbadie per france3midipyrenees



publicitat
BANER1-2-3: DGPL TRADUCTOR



Comentaris

2 d'abril 10.04h

E quí vs'a dit de que non volè apréner la lenga ? Los qui non la parlan, mei que mei, los qui estón elejuts democraticament, que serén de facto a hòrabandir de noste ? Au nom de qué ? De la Grana Nacion Occitana e deu son gran pòble natre e blos ? Que caleré essajar de pensar un present e un aviéner per la lenga e la civilizacion qui's pòrta despuish 1000 ans qui n'etosse pas "etnic" o "racialista", non ? De tota faiçon, qu'estó elejuda e dongas, adara qu'a l'obligacion a s'i escà... Legir mai


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

31 de març 22.15h

#17 Òc. Qualque temps fa, un occitanista de Pimont occitan pensava metre una antena sus lo mont Vísol per que la RAI italiana emete en Pimont occitan coma en Occitània francesa d'emissions en occitan!
Mas plus de nòvas...

RMC-TMC a longtemps emés despuèi lo Mont Agel sus la comuna de Pelha en Gavotina per difusir en Occitània. Quasi Occitània tota me sembla.

La val d'Aran poiria far parier benlèu?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

31 de març 22.15h

#22 Si qu'es un problèma, mas benlèu lo pausat dins los comentaris dels lectors : D. Grosclaude non èra mai elegit. Li calguèt donc abandonar la carga. E alavètz, cal, demèst los novèls elegits, parlava totun occitan coma D. Grosclaude ? Benlèu que s'aquesta femna non parla occitan, es als electors de se demandar perqué non an votat per un elegit que parlèsse la lenga occitana…


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

31 de març 07.29h

#21 Doncas segon vos que la presidenta de l'OPLO parle pas occitan e manifeste pas gaire interés per l'aprene es pas un problèma?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

30 de març 15.43h

Rason qu'as. Que hàcia lo son tribalh de presidenta e que la jutjaram suu son bilanç e non pas com ac hèn dauvuns, depuish la soa eleccion, suu son accent o non sèi pas quau element personau son, qui n'an pas arren a véder dab la realitat de la soa fonccion. Que caleré que los occitanistas natres e bloç e cambièssen la lor faiçon de véder la realitat nosta, mes que crei, qu'ei un saunei deus doç : ne serà pas doman que la causa aparirà, malaja.


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

30 de març 15.30h

#19

Mercé per aquelas precisions. Ça que la, me pensi ben que i aviá d'acòrdis entre los socialistas abans las eleccions regionalas ...
Ai gaitat lo vidèo e ai ausit que la presidenta de l'OPLO aviá prepausat sa candidatura a Alan Rosset. Pr'aquò, sabiái pas que Caròla Delgà èra estada presenta a l'AG de l'OPLO e qu'aviá decidida de causir Charlina Clavaud-Abadiá coma presidenta d'aquel GIP. La vòli pas jutjar per ara. Estimi mai de li desirar bon coratge.


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

30 de març 14.59h

Que’t trompas bèth drin.

Que i èra un accòrd politic abans las eleccions regionaus enter los dus possibles executius (Rousset & Delga) sus la presidéncia e la composicion deu Burèu de l'OPLO. Per’mor d’aquò que l’A.G. de l’OPLO qu’enterinè l’accòrd politic aqueste. N'i a pas arren qui cad deu cèu, tirat solide la ploja, la nèu, lo hodre, tot çò de naturau; a còps quauque tròç de pèira, mes qu'ei rare, totun, a Diu mercés.


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

30 de març 13.50h

#9

Soi pas segur que Caròla Delgà aja nomenada Charlina Clavaud-Abadiá coma presidenta de l'OPLO. Aquela eleccion se faguèt pr'amor que Dàvid Grosclaude non podiá pas demorar president (es pas pus elegit). Èra a l'ocasion de l'AG de l'OPLO que la novèla presidenta foguèt causida (e non pas a l'ocasion d'una reünion dels elegits de la region LRMP). Alavetz, emai foguèssi pas tanpauc un afogat de la presidenta de la region LRMP, me pensi pas que Caròla Delgà aja quicòm a véser am... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

29 de març 22.54h

Caldria far una tv occitana pel terrestre. Cal posar una antena a la muntanya mai alta possibla, en un solar de propietat privada, e començar a emetre los programas de que se disposen. Amb l'ajuda de los Conselhs Regionals, sustot lo suport legals per evitar que lo govern de París puga aturar las emissions. Ara que hi ha aqueste diners de l'ÒPLO aprofitar. Aquò junt a la vaga de fam d'aquesta valenta dona.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

29 de març 19.07h

Que soi totun beròi estonat, tumat que seré l'adjectiu juste, per aqueths comentaris qui si non son xenofònas que se n'aprèssan.

L'accent dont l'arcastatz qu'ei un accent com tots los accents, e desbrembatz l'accent noste qui ei eth tanben estigmatizat ? E haretz com los qui's trufan deu noste ? Curiopsa dialectica, totun !

Ne parla pas la lenga, mes que la va apréner. E çò qui compta a la fin finala ? L'intelligéncia, la competéncia, la hami de s'i har e har rampèu o la lenga ? U... Legir mai


Valoriza aqueste comentari:   votar positiu 7   votar negatiu 9
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 32
  • sol Aush 31
  • sol Bordèu 31
  • sol Briançon 26
  • sol Caors 33
  • sol Carcassona 30
  • sol Clarmont-Ferrand 31
  • sol Confolent 31
  • sol Gap 26
  • sol La Canau 32
  • sol La Gàrdia 29
  • sol Limòtges 32
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 28
  • sol Niça 26
  • sol Nimes 32
  • sol Pau 29
  • sol Peireguers 33
  • sol Rodés 31
  • sol Tolon 31
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • © Laurenç Revèst

    Las Cevènas, Barjac en Val de Cese

  • © Franc Bardòu

    Coserans al còr

  • Los Pokémons de la 3a generacion revirats en occitan

  • © Laurenç Revèst

    Menton, 'a vivaroalpenca maritima

  • Quilha deth Haro en Les (Val d'Aran) ©Maria Vergés

    Quilha deth Haro en Les (Val d'Aran)

  • © Laurenç Revèst

    Via de Buelh a Pèunas a Valberg fins a Sant Laugier

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Conselh Generau d'Aran

    Lo Torn de França 2016 en Aran

  • © Franc Bardòu

    Catalonha etèrna

  • © Franc Bardòu

    Darrièr refugi abans l’envòl (1206-2016)

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Asuèlhs de Menerbés. © Franc Bardòu

    Asuèlhs de Menerbés

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)