Bandièra01 1180x150: Comuna de Tolosa

Actualitats

Tsipras ditz que l’accion de la polícia de Macedònia “es una granda vergonha”

Lo primièr ministre grèc a criticat tanben qualques ONG perque convençon los refutiats de demorar al camp d’Eidomeni, mentre que l’ÒNU reclama d’installacions melhoras

| UNICEF/Tomislav Georgiev
Lo primièr ministre grèc Alexis Tsipras a criticat durament lo govèrn de Macedònia per la repression policièra de dimenge passat al camp d’Eidomeni (o Sehovo), après que de centenats de refugiats ensagèsson de passar la frontièra de Macedònia. “Aquò es una granda vergonha per la civilizacion europèa e pels païses que vòlon far partida de la civilizacion europèa”, çò diguèt”.
 
Lo govèrn de Grècia acusa la polícia de Macedònia d’aver emplegat de balas de goma, e lo govèrn de Macedònia o a negat. Mas Mètges sens Frontièras  (MSF) a confirmat la version grèga, en afirmant que demest los 260 ferits, aperaquí 30 o 40 o son a causa de las balas de goma, dont tres enfants de mens de 10 ans.
 
De son costat Macedònia a criticat que la polícia grèga intervenguèsse pas e demorèsse al marge.
 
 
Critica contra las ONG
 
Tsipras critiquèt tanben qualques ONG, pr’amor que segon el, convençon los refugiats de demorar, del temps que son govèrn los vòl far partir. “Aquel mond son blocats dins de limbes al bòrd d’una frontièra. Los cal relocalizar e pensar a d’autras possibilitats per qu’aquel mond sián dins un endrech melhor”, çò diguèt lo pòrtavotz del NACNUR, Adrian Ewards, que reclama un aculhiment mai digne pels refugiats. Cal remembrar que los volontaris sus plaça afirman que la vida a Eidomeni es un infèrn. Mentretant, en seguissent l’acòrdi de l’Union Europèa e Frontèx, se depòrta los refugiats en Turquia, e mai se Turquia los menariá en Siria quitament sens los registrar.
 
 
Las rumors que dison que se dobrís la frontièra
 
De jornalistas e los activistas de las ONG que son sus plaça explican que, dissabte, circulava tornarmai la rumor disent que dimenge se dobririá la frontièra. Per tant, fòrça mond s’i rassemblèron e ensagèron de passar. Nos contava sus plaça, lo cantaire de Txarango, qu’“Eidomeni es una gara de tren, mas per las vias i passan pas mai de trens”, çò que crèa una situacion un drin poetica: “Son plantats en esperant un tren que passarà pas jamai”. Lo grop catalan èran ailà lo quand corriá la rumor que lo 4 d’abril dobririán las pòrtas, e mai se totes sabián qu’èra pas vertat. “Es un biais de calmar los estats d’esperit del mond”.
 
 
Encara la via de Libia
 
Segon lo govèrn grèc, a l’ora d’ara  i a 53 000 refugiats en Grècia qu’ensajan d’anar endacòm mai. E mai se l’acòrdi de l’UE amb Turquia cercava de dissuadir l’arribada de mai de refugiats, diluns passat intravan 18 personas irregularament.
 
D’un autre costat, s’interceptèt diluns passat en Libia un centenat de nòrd-africans qu’ensajavan de traversar la mar per anar en Itàlia. Se calcula que dins los darrièrs tres meses 16 000 personas an fach aquela rota perilhosa.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
1.

E ben tè ! Lo primièr ministre grèc Alexis Tsipras a trapat un subjècte per pavanar a esquèrra, del temps qu'impausa una politica ultraliberala al pòble que l'a elegit democraticament per n'obténer una politica d'esquèrra radicala. Es un pauc coma lo maridatge omosexual per F. Hollande : d'esquèrra a res non còsta. Tre que s'agís de tornar préner als rics per repartir las riquesas mai equitablament, non i a pas degun mai… Après, se pòdon totjorn venir pausar en moralistas : la nos faràn pas mai.

  • 0
  • 0

Escriu un comentari sus aqueste article