Bandièra01 1180x150: País Invisible

Actualitats

Lo PKK se declara contra lo referendum d’independéncia del Curdistan Meridional

Dempuèi mai d’un decenni, lo PKK vòl l'independéncia de Curdistan, mas segon lo “confederalisme democratic” prepausat pel cap istoric del partit, Abdullah Öcalan

Lo pòrtavotz del Partit dels Trabalhadors de Curdistan (PKK), Duran Kalkan, a manifestat l’oposicion al referendum d’independéncia convocat pel govèrn del Curdistan Meridional, lo Curdistan qu’es dins l’estat iraquian. Lo referendum es convocat pel 25 de setembre que ven. Kalkan a dich que la convocacion èra solament un acte de “propaganda” e que lo pòble curd aviá pas besonh de nat estat. Dempuèi mai d’un decenni, lo PKK vòl l'independéncia de Curdistan, mas segon lo “confederalisme democratic” prepausat pel cap istoric del partit, Abdullah Öcalan, embarrat dins una preson de Turquia dempuèi 1999.
 
En abril, lo govèrn del Curdistan Meridional aprovèt de convocar ongan un referendum d’independéncia d’Iraq. Prèviament s’èran amassats a Pirmam los dirigents dels dos principals partits de la region: l'Union Patriotica de Curdistan (UPK) e lo Partit Democratic de Kurdistan (PDK).
 
Fa qualques setmanas, lo govèrn del Curdistan Meridional confirmèt que se reportariá pas la data del referendum. Es atal que respondiá a la demanda del secretari d’estat estatsunidenc Rex Tillerson, qu'aviá exprimit la preocupacion dels Estats Units que lo referendum poguèsse distraire los curds de la lucha contra l’autoproclamat Estat Islamic.
 
Lo Curdistan Meridional, dins lo nòrd d’Iraq, es una region autonòma, e de facto independenta dempuèi la guèrra d’Iraq de 1991. Ten son armada pròpria —los peshmèrgas— e es una de las quatre regions istoricas de Curdistan, amb las que dependon dels estats turc, iranian e sirian.

 
 



abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
2.

No entenc ben be que passa, però si surt que si i un territòri kurd es lliure, això ainrà be per la resta dels territòris, es com Cat. primer el Principat i després la resta, però tot es un començament.
fort per l'Öcalam, segur que sap el que es fa.
Mnetres la lluita es pot tronar contra els que abusen, ara els Kurds son forts, i els huran d'escoltar. Vsica la terra...Lliure!
L'Ernest, "El Tàrrega".

  • 0
  • 0
Joan Francés Blanc
1.

Es un pauc coma se un malhorquin, un valencian o un rosselhonés èran contra la votacion del 1èr d'octobre en Catalonha...

  • 3
  • 0

Escriu un comentari sus aqueste article