CAPÇALERA2: IEA-AALO

Jornalet, gaseta occitana d'informacions

Dimècres, 19 de decembre

Actualitats

Dimenge, 12 de novembre de 2017, 03h00 Politica,Internacional

Catalonha: manifestacion massissa per la libertat dels presonièrs politics

La justícia espanhòla perseguís los elegits e los foncionaris independentistas e ten en preson la mitat del govèrn de la Generalitat e los presidents de las associacions independentistas


Comentaris 10 comentaris    
Marrit Flac Bon Plan bon Fabulós (11 vòtes)
carregant En cargar


De centenats de milièrs de personas (750 000 segon la polícia locala) manifestèron ièr a Barcelona contra la politica de repression de l’estat espanhòl. Jol lèma “Libertat presonièrs politics. Sèm republica”, los manifestants illuminèron amb lors telefòns mobils los 3,3 quilomètres de percors, en creant ansin un imatge espectaclós.
 
Los manifestants, que portavan de ribans jaunes en simbòl de solidaritat amb los presonièrs, cridèron per lor libertat mas tanben “Puigdemont nòstre president”. Dins lo cortègi se podiá veire de bandeiròlas que revendicavan “Pro d’umiliacions, pro de messorgas”, “Exigissèm respècte e dignitat”, “Ensems apararem mai que jamai nòstre govèrn legitim” e quitament “SOS Democracy”.
 
Sus l’empont installat la fin de la marcha, de parents o amics dels presonièrs legiguèron lors messatges, escriches en preson, del temps que se projèctet los messatges vidèo que los mandèron lo president Puigdemont e sos ministres exiliats a Brussèlas.
 
La justícia espanhòla perseguís d’un biais autoritari los elegits e los foncionaris independentistas e encarcèra dempuèi mai d’una setmana la mitat dels conselhièrs del govèrn de la Generalitat e dempuèi gaireben un mes los presidents de las doas associacions independentistas.
 
 
Lo govèrn en exili o en preson
 
Lo 5 de novembre passat, la justícia bèlga daissèt en libertat lo president legitim de Catalonha, Carles Puigdemont, e los quatre conselhièrs de son govèrn que l’acompanhan a Brussèlas. Se tracta de Toni Comín, Meritxell Serret, Clara Ponsatí e Lluís Puig. Los ministres en exili s’èran presentats volontàriament davant las autoritats d’aquel país après que la justícia espanhòla aguèt emés un mandat d’arrèst internacional.
 
A l’ora d’ara, la lista de presonièrs politics compren lo vicepresident Oriol Junqueras e los conselhièrs Raül Romeva, Jordi Turull, Dolors Bassa, Carles Mundó e Meritxell Borràs. Son acusats de presumits delictes de sedicion, rebellion e malversacion de fonzes publics. Los embarrèron lo 2 de novembre passat dins mai d’una preson a l’entorn de Madrid.
 
Lo Parlament e las associacions independentistas
 
Quants als membres independentistas del burèu del Parlament de Catalonha, la presidenta Carme Forcadell foguèt empresonada dijòus passat, mas poguèt sortir l’endeman en pagant una caucion de 150 000 èuros gràcias a la caissa de solidaritat de l’Assemblada Nacionala Catalana (ANC). D’autres quatre membres del burèu del Parlament —solament los de pensada independentista— son en libertat jos una caucion de 25 000 èuros.
 
Lo 16 d’octòbre passat, èran estats mandats en preson ferma los presidents de las doas associacions independentistas, Jordi Cuixart, president d’Òmnium Cultural, e Jordi Sànchez, president de l’ANC.
 
Totes son acusats de rebellion e sedicion e riscan de penas de 30 ans de preson.

 
 
 

 

 



 


abonar los amics de Jornalet
 



publicitat
BANER1: IEA-AALO



Comentaris

15 de novembre 23.31h

Ja poden estar urosos Racoy e companhia. Espanha es l'unic estat d'Europa que ten presos politics. Franco estaria orgulhós dels. Aprés de lo cop militat victoriós, de 40 ans de comandar en dictadura militar, e 40 mai de comandar a mietjas, amb democràcia que ho es pas, s'ha arribat a aquesta situacion per posar en evidencia lo francàs de lo que foguet la transicion política. Mas aquesta luita farà possible que triomfe la veritat e que Europa sapiga lo fals qu' es lo govern del PP.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 de novembre 07.15h

#8 Los Catalans l'aprobèren. Los politicians indep sabián exactament çò que fasián. Es pas una suspresa. Son pas de plànher. B'an volut, b'an agut.


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

13 de novembre 21.11h

La lei constitucionala es de marrida escritura o lectura, se punís la libertat d'opinion, e mai de penas disproporcionadas. La situacion es susrealista aitant que greva.
Un referendum-sondatge seguit d'una declaracion simbolica d'independéncia, actes pacifics, e "legalament" nulles, son pas qu'exercici de la libertat d'opinion.
Son de presonièrs d'opinion, punt barra, empachats de defènder un programa politic.
Aquò's de terrorisme d'estat.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

13 de novembre 10.49h

Europa fa l'estrucia, aquò's una tradicion. Qu'en 1936 jà abandonèt Espanha "per s'estalviar un perilh mai grand". França se'n congostèt a l'epoca en disent qu'avia atal escapat a la guèrra. La seguida foguèt a l'auçada d'aquesta tartarinada. Brussèlas fa çò mèsma e nos afortis, per la votz de son divertissèire Juncker, qu'en daissant Rajoy escanar lo gobèrn catalan, aquò ajudarà Europa a servar son unitat e sos ideals democràtics ! L'Istòria nos demostra que quand òm fa l'es... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

13 de novembre 00.42h

#5 Chau mai remarcar que Var-Matin disiá «des centaines de milliers» per la marcha dau 21 de setembre passat contra la reforma de la lei dau trabau que pasmens èra luònh luònh de massar 750 000 personas dinc la França tota...


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 16.54h

"quelques dizaines de milliers de manifestants" (Var-Matin)...
Et TF1 que nos ditz que Rajoy es à Barcelona per explicar ai entrepresas que se dévon tornar installar en Catalonha, esquasi non comprén perqué son partidas!


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 13.57h

#1 Òc, as rason ! Quora domina la vermina nazia, es mai realista de collaborar amb lo govèrnament de Veichei ! Qué cal pas legir, pecaire !


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 10.41h

#1 Um… avètz una lectura particulara : quand un vai veire suu jornau El Pais, un vei que la question es un pauc mai complicaa. Lo jornau nacionalista espanhòl reconeis, onestament per un còp, que se los catalans apròvan majoritariament l'idèia d'éleccions en décembre, desaprovan majoritariament l'us dau 155 e son mai nombroses a considerar que lo responsable de la crisi es l'oneste neo-franquista Rajoy, Es pas enebit de donar de precisions quand un cita un jornau sobretot dins l'ambie... Legir mai


Valoriza aqueste comentari:   votar positiu 30   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 10.41h

#1 El Pais ? Lo jornal El Pais ? Mas aquel es la Pravda dels espanholistas !!


Valoriza aqueste comentari:   votar positiu 22   votar negatiu 0
Respondre comentari replica Comentari inadeqüat   Formulari d'abús de comentari

12 de novembre 08.44h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 1   votar negatiu 32
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Viure Nadal a l’occitana

Lo jacobinisme sembla una religion, e non pas de las tolerantas. Los prèires e los cresents fanatics de la laïcitat, venerada amb fe e passion, perseguisson tot simbòl religiós ...
giny

Lo temps

Mapa
  • sol Agen 12 5
  • sol Aush 13 3
  • nuvols Bordèu 12 7
  • sol Briançon 1 -8
  • sol Caors 11 5
  • sol Carcassona 12 1
  • sol Clarmont-Ferrand 10 4
  • sol Confolent 8 4
  • sol Gap 6 -1
  • nuvols La Canau 12 7
  • sol La Gàrdia 8 2
  • nuvols La Torre de Pèlitz 4 -2
  • pluja Limòtges 8 4
  • sol Lo Borg Sant Dalmatz 3 -1
  • sol Lo Puèi de Velai 6 0
  • nuvols Marselha 14 3
  • nuvols Montpelhièr 14 8
  • sol Naut Aran 8 -4
  • sol Niça 1 -7
  • nuvols Nimes 14 3
  • sol Pau 12 4
  • pluja Peireguers 8 5
  • sol Rodés 11 5
  • nuvols Tolon 12 4
  • sol Tolosa 13 3
  • nuvols Valença 7 1

giny

giny

Vidèos

giny

giny

giny

publicitat

lateral 2 teveoc

Entrevista

Siáu mai optimista per la cultura que per la lenga

Robert Rourret Professor d’istòria-geografia a la retirada

Siáu mai optimista per la cultura que per la lenga
publicitat

LATERAL1 300X250: radio pais



publicitat

lateral 2 teveoc

Fotografias

  • Mobilizacion a Brelh de Ròia per fin de sostenir lo mantenement de la linha Niça-Coni

    Mobilizacion lo diménegue 25 de mai a Brelh de Ròia per fin de sostenir lo mantenement de la linha Niça-Coni

  • © Franc Bardòu

    Tèrra albigesa

  • © Margaria Pepin

    Adobament dal Grand Prèmi de Mónegue de 2014

  • Pòrt de Niça: Li galeras

  • © Franc Bardòu

    Coserans al còr

  • Chapela de Sant Bernat. © Andrea Celauro

    País d'Aison (Val d'Estura)

  • © Aure Séguier

    Carnaval Biarnés 2017

  • © A.R.

    Greulieras, estacion d'esquí familiala en país grassenc, quauquei pistei e so bèu cèu

  • © Franc Bardòu

    Asuèlhs de Lauragués

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Asalaís Moniguet

    Montpelhièr la lengadociana

  • Estivada 2013. © Guillem Sevilla

    Estivada 2013

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Iñaki Delaurens

    Val d'Aran

  • © Laurenç Revèst

    Montpelhièr: inauguracion de la granda exposicion patrimoniala "Max Roquèta, la libertat de l'imaginari"

  • © Iñaki Delaurens

    Val d'Aran

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Inauguracion de la Sala Claudi Molinièr a Besièrs

  • Estivada 2013. © Guillem Sevilla

    Estivada 2013

giny

Las mai...

publicitat

LATERAL 1-2: IEA-AALO

giny

Sondatge

Per tu, Nadal es una fèsta:


3%



17%



15%



58%



6%




Vots 86 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)