CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Actualitats

Divendres, 20 de julhet de 2018, 03h00 Internacional,Politica

La justícia espanhòla retira los mandats d’arrèst europèu contra los exiliats politics catalans

Lo jutge Pablo Llarena a refusat l’extradicion de Puigdemont e a criticat amb fòrça duretat la justícia alemanda


Comentaris 5 comentaris    
Marrit Flac Bon Plan bon Fabulós (6 vòtes)
carregant En cargar


Lo jutge de la Cort suprèma espanhòla, Pablo Llarena, a decidit de refusar l’extradicion del president de la Generalitat de Catalonha en exili Carles Puigdemont. La setmana passada, la cort de justícia de Slesvig-Holstein rebutèt son extradicion pel delicte de rebellion e prepausèt de lo liurar solament s’èra jutjat per malversacion de fonzes. Lo magistrat espanhòl ara considèra que lo tribunal alemand a pas demostrat pro d’engatjament amb cèrts faches que poirián aver romput l’òrdre constitucional espanhòl.
 
Llarena acusa la cort de justícia de Slesvig-Holstein d’aver pres la decision sul mandat d’arrèst europèu après aver modificat “qualques extrèms del recit dels faches” e “sens conéisser” las pròvas materialas que mostrariá l’enquèsta. De mai, critica que la cort alemanda aja, segon el, otrapassat sas foncions.
 
 
Retirament de totes los mandats d’arrèst contra los exiliats
 
En mai d’aquò, Llarena planh que las justícias bèlga e alemanda “cortcircuiten l’operativitat de l’esplech de cooperacion internacionala” e per aquela rason a decidit  de levar los mandats d’arrèst europèus contra totes los elegits e politicians exiliats, que se tròban en Escòcia, Belgica, Soïssa e Alemanha, dins lo cas particular de Puigdemont, e manten los mandats de detencion unicament dins lo territòri espanhòl.
 
Ara, totes los elegits e politicians catalans en exili recòbran lor mobilitat internacionala. Son liures pertot dins lo Mond, franc del territòri de l’estat espanhòl. Aquò es mai que mai important per Carles Puigdemont, que pòt tornar en Belgica e aviar lo Conselh de la Republica, que fa qualques jorns l’anoncièt lo president de la Generalitat, Quim Torra. Aquel conselh a la tòca de bastir lo camin devèrs “l’independéncia efectiva” de l’exterior estant en collaboracion estrecha amb lo govèrn de la Generalitat.
 
 
“Feblesa immensa de l’afar judiciari”
 
Après conéisser la nòva, Puigdemont a dich sus Twitter que lo retirament del mandat d’arrèst europèu “es la demostracion de la feblesa immensa de l’afar judiciari”, e a exigit que se revòque la preson preventiva dels nòu presonièrs politics catalans.
 



 
Lo ministèri public refusa de liberar los presonièrs
 
De son costat, lo ministèri public espanhòl a presentat un escrich ont refusa las demandas de libertat pels nòu presonièrs politics catalans,  demandas presentadas per lors avocats. Segon los procuraires espanhòls, la decision de la cort de Slesvig-Holstein de liurar pas Carles Puigdemont per rebellion aumenta lo risc de fugida.
 
 
Quals son los perseguits politics?
 
A l’ora d’ara, son jutjats per la Cort Suprèma espanhòla los elegits seguents:
 
— per rebellion: Dolors Bassa, Toni Comín, Jordi Cuixart, Carme Forcadell, Joaquim Forn, Oriol Junqueras, Clara Ponsatí, Carles Puigdemont, Raül Romeva, Marta Rovira, Josep Rull, Jordi Sànchez, Jordi Turull;
 
—per malversacion de fonzes e desobesissença:  Meritxell Borràs, Carles Mundó, Lluís Puig, Meritxell Serret, Santi Vila;
 
— per desobesissença: Ramona Barrufet, l’occitana Mireia Boya, Lluís Corominas, Anna Gabriel, Lluís Guinó, Joan Josep Nuet, Anna Simó.
 
Totes los acusats son de caps de las listas electoralas de las tres candidaturas independentistas (Amassa per Catalonha, ÈRC e CUP) elegits a las darrièras eleccions regionalas del 21 de decembre passat.
 
D’aquestes nòu son en preson, sèt en exili e los autres a l’espèra d’èsser convocats tornarmai.
 
Demest los encarcerats cal mençonar Jordi Cuixart e Jordi Sànchez, lo premièr president e lo segond èx-president de las doas principalas associacions independentistas, que son empresonats dempuèi lo 16 d’octòbre d’arunan. 




abonar los amics de Jornalet
 



publicitat
BANER1-2-3: DGPL AN LAFONT



Comentaris

23 de julhet 17.53h

R..., A...,I..., etc. i tot el que els vulguis dir. -Si això no es una farsa, i un linxament, organitzat que cony es?
Ni fent el ridícul, son capaços de parar i pensar, que son? Es evident que de justícia res.
Si no els agrada que es f...
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

21 de julhet 23.40h

Lo primier que s'ha de far es una auditoria de lo que ha raubat lo govern del PP durant sos set ans. Lo segon es que los jutges e fiscals de l'estat fagan un reciclatge democràtic per poder continuar exercint son traball.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 23.46h

Dire qu'aquel jutge es ridicul, es tròp de manièras davant son iniquitat: o cal dire, ara se trapa amb lo cuol a l'aire. Dins un cas coma aqueste, lo sabi african ditz qu'abans de montar al cocotièr cal verificar qu'òm a pas las braias cagadas.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 20.17h

Puigdemont : 2, Espanha : 0. òsca Catalonha !


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

20 de julhet 18.01h

Aüra, asperam la seguida logica, democratica e onèsta: fin de toti li cargas, demission e condamnacion de LLarena, pi retorn dau President Puigdemont dins una Catalonha liura!


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 9
  • sol Aush 10
  • sol Bordèu 11
  • sol Briançon 11
  • sol Caors 7
  • sol Carcassona 13
  • sol Clarmont-Ferrand 8
  • sol Confolent 11
  • sol Gap 9
  • sol La Canau 11
  • sol La Gàrdia 15
  • sol Limòtges 8
  • sol Lo Borg Sant Dalmatz 14
  • sol Lo Puèi de Velai 11
  • sol Marselha 15
  • sol Montpelhièr 15
  • sol Naut Aran 8
  • sol Niça 17
  • sol Nimes 15
  • sol Pau 12
  • sol Peireguers 8
  • sol Rodés 9
  • sol Tolon 8
  • sol Tolosa 11
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Auribeu de Sianha

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Estivada 2013. © Guillem Sevilla

    Estivada 2013

  • Un matin normal en Occitània: te, tostadas, chuc d'irange e ... Jornalet. © Terric Lausa

    Mèdias

  • Valadas. © Xavi Gutiérrez Riu

    Valadas

  • © Asalaís Moniguet

    Montpelhièr la lengadociana

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    Via de Buelh a Pèunas a Valberg fins a Sant Laugier

  • Irissa: prumèra edicion dera corsa populara de BTT

  • Canejan. Montanhes. © Xavi Gutiérrez Riu

    Val de Toran (Aran)

  • © Laurenç Revèst

    Las Cevènas, Barjac en Val de Cese

  • © Franc Bardòu

    Asuèlhs de Lauragués

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • Gavotina marítima: trofèu d'August e vila vielha d'A Torbia

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Margaria Pepin

    Adobament dal Grand Prèmi de Mónegue de 2014

  • Zep Armentano

    25au Corsa Aran per sa Lengua

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


4%



2%



93%



0%




Vots 92 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)