Vicent Marqués · La bona taula

Vicent Marqués es cosinièr e escrivan e nasquèt a Valéncia en 1950. A publicat de romans e de libres de cosina tradicionala. Fa aperaquí quaranta ans que comencèt una recèrca de donadas per escriure una istòria de la cosina catalana e occitana que serà, se capita a l’acabar, fòrça espessa. Tant espessa que, segurament, serà de mal publicar dins los tempses actuals perque las enciclopèdias de papièr sembla qu’an pas mai lor rason d’existir a l’èra d’Internet. Ça que la el contunha de trabalhar perque las tissas aquò se garís pas, ni cal.
 
La bona taula es una tribuna que nais amb la volontat de sarrar del legeire çò de melhor de la cosina populara occitana, qu’es la mai coneguda e atrasenta del Mond occidental, amb l’italiana. Cada setmana publicarem de monografias suls plats mai coneguts, los que son mai de volada, los que tenon una bona sabor reconeguda per totes e que, de còps, son estats quitament cantats pels celèbres poètas. E quand serà possible, ne farem tanben un pauc d’istòria. Bon apetís!