Bandièra01 capçalera  1180x150: Novestivada

Opinion

Ensenhament de l’occitan acadèmia de Tolosa. Comunicat de Calandreta

Calandreta

Calandreta

Los establiments escolars Calandreta son d'escòlas ont l'ensenhament se fa en occitan de faiçon immersiva.

Mai d’informacions
Dins lo nòstre monde una lenga pòt pas mai viure sens ensenhament, coma pòt pas viure sens un accès aus medias e aus mejans de la vida culturala.
 
Atal l’ensenhament es determinanat per cada lenga, per l’occitan tant plan come pel frances.
 
 La supression de l’ensenhament de l’occitan au segondari dins l’Academia de Tolosa es plan un acte de linguicidi que fa l’Educacion Nacionala.
 
Pasmens la lenga occitana, amb las autras lengas regionalas, “apartenon au patrimòni de França” Art 78-1 de la Constitucion.
 
Pasmens lenga e cultura occitana son declaradas “EN GRAND DANGIER” non pas pels militants mas per l’UNESCO.
 
E de qué fa l’Educacion Nacionala per aqueste patrimoni de França en grand perilh? Ne suprimís l’ensenhament!
 
Aquò se fa au mespres de l’engajamement dau President de la Republica: “Nous allons pérenniser leur enseignement”.
 
Au mespres de la Convencion pel Desenvelopament d’aqueste ensenhament dins las Academias de la 2 Regions Occitania e Novèla Aquitania.
 
Calandreta  se jonh a l’accion dau CREO Tolosa contr’aquesta mesura culturicida e demanda que los plans d’espandiment de l’occitan siguen realisats per donar d’avenidor a n’aquel patimòni del nòstre pais.
 
La diversitat culturala e linguistica es indispensabla a l’Umanitat coma la diversitat biologica a la Vida.
 
França es responsabla d’una part d’aquela diversitat, a lo dever d’i assegurar l’avenidor. Es aqueste passa, de segur, per l’ensenhament das lengas de son patrimòni.
 
 
Nòvas restacadas:
— 29.1.2019: Manifestacion contra l’assassinat de l’occitan a Tolosa
— 28.1.2019: Vòlon suprimir l’occitan de l’educacion publica

 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèir
3.

La Calandreta a lo dever moral de saber escriure la lenga basica e revisar sos tèxtes:

*medias: mèdias / mejans de comunicacions
*frances: francés
*dangier: dangièr
*patrimoni: patrimòni
*lengas regionalas: lengas de l'Estat
*contr’aquesta: contra aquesta (emai se faga l'elision a l'oral)
*mespres: mesprètz
*realisats: realizats
*pais: país
*linguistica: lingüistica
*d’i assegurar: de li assegurar (dialectalisme)
*Es aqueste passa: E aqueste passa
*das lengas: de las lengas

  • 1
  • 0
Gèli Grande Lairac en Agenés
2.

Jol pretexte de la reforma Blanquer dels licèus, la lenga occitana e las autras lengas ditas regionalas patisson ara per ara una ataca de las grèvas de la part del govern francés.

Cal una responsa a la nautor de l'ataca.

Del 16 al 24 de març de 2019 lo Ministèri de la Cultura organiza amb las nòstras talhas la setmana de la lenga francesa e de la francofonia.

Tre ara nos cal cridar a la contestacion d'aquesta setmana de glorificacion de l'imperialisme cultural francés.

  • 9
  • 1
Òc endavant
1.

Article 75-1 de la constitucion francesa
https://www.legifrance.gouv.fr/affichTexteArticle.do?idArticle=LEGIARTI000019241104&cidTexte=LEGITEXT000006071194&dateTexte=20090810

Article per la decoracion de la bòna consciéncia !

  • 9
  • 0

Escriu un comentari sus aqueste article