Opinion
Vòl abitat d’SpaceX: fin de la conquèsta espaciala?
Tèxte legit
Los astronautas de la NASA o los cosmonautas de l’URSS èran al centre de la conquèsta espaciala. Èran considerats coma d’eròis. L’impacte social d’aquestes decènnis de l’espaci èra centrat sus aquestes òmes e femnas. Èran la figura centrala d’aquesta aventura. Totòm se soven dels noms dels primadièrs Iorii Gagarin, Neil Armstrong o Valentina Tereshkova.
La conquèsta de l’espaci èra una aventura umana. Ara amb SpaceX, l’aspècte uman es relegat a un plan luenhan. Los astronautas, mediaticament, son presentats coma de simples utilizators de l’equipament SpaceX. Es a pro pena se coneissèm lors noms. Aquestes navegants dels astres son venguts de simples transportats. Dins las fusadas tot es automatizat. Lo volum de la cabina del vaissèl es completament estequit. A pro pena se los dos paures òmes, replegats dedins, se pòdon bolegar los dets.
L’star d’aqueste vòl espacial SpaceX es la quita firma SpaceX e son proprietari multimilionari Elon Musk. La conquèsta espaciala es en passa de se transformar en un daquòs sens chuc ni muc. Fonciona coma una operacion borsièra filmada en nauta definicion: culhida de fonses, investiment, venda del produit, retorn sur investiment.
SpaceX es benlèu eficaça en tèrmes tecnics e financièrs. Mas es una calamitat en tèrmes umans perqué produsís pas d’eròis. Amb SpaceX perdèm los eròis e perdèm los sòmis. Son los eròis que fan somiar los òmes. La tòca de la conquèsta espaciala es de far somiar l’umanitat. Res mai.
La conquèsta de l’espaci èra una aventura umana. Ara amb SpaceX, l’aspècte uman es relegat a un plan luenhan. Los astronautas, mediaticament, son presentats coma de simples utilizators de l’equipament SpaceX. Es a pro pena se coneissèm lors noms. Aquestes navegants dels astres son venguts de simples transportats. Dins las fusadas tot es automatizat. Lo volum de la cabina del vaissèl es completament estequit. A pro pena se los dos paures òmes, replegats dedins, se pòdon bolegar los dets.
L’star d’aqueste vòl espacial SpaceX es la quita firma SpaceX e son proprietari multimilionari Elon Musk. La conquèsta espaciala es en passa de se transformar en un daquòs sens chuc ni muc. Fonciona coma una operacion borsièra filmada en nauta definicion: culhida de fonses, investiment, venda del produit, retorn sur investiment.
SpaceX es benlèu eficaça en tèrmes tecnics e financièrs. Mas es una calamitat en tèrmes umans perqué produsís pas d’eròis. Amb SpaceX perdèm los eròis e perdèm los sòmis. Son los eròis que fan somiar los òmes. La tòca de la conquèsta espaciala es de far somiar l’umanitat. Res mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E òc, Sénher Lausa, sèm passat de l'edat d'arram a l'edat de fèrre, e l'atge dels eròis s'acabèt davant Trega, amb las mòrts d'Ector e Aquiles… Èime e vergonha nos an quitats. Fasèm amb çò que nos demòra. E es pas sempre trelusent !!!
Non èran héra estequits.... Crew Dragon que pòt arreceber sèt sièis e sonque quatre ta las missions NASA.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari