Actualitats
Rugbi de XIII: dèrbis disputats a Carcassona e Palau
Lo temps de la dimenjada se prestava plan al debanament de bravas partidas de XIII
Alan Roch
Tèxte legit
Limós ganha encara e encara
A Domèc, Carcassona dominèt lo primièr temps per menar 18-4 a la pausa, mas al retorn dels vestiaris, Limós, mai fisic e mai dinamic, finissiá que s’impausava 24-18.
A Palau, la formacion locala pausèt problèma als Dragonets, mas finiguèt que pleguèt: 30-26.
Lesinhan coneguèt cap dificultat per s’impausar a Tolosa: 70-12. Vilanòva anèt ganhar al pè de Pirenèus a Sent-Gaudenç: 30-16.
Avinhon mostrèt fàcia als Tigres d’Albi que tornava trapar lo vam dels campions de 2018: 32-12.
Aqueste dimenjada, partida-cap d’aficha a Sant Estève amb lo rescontre Dragonets-Carcassona; Avinhon voldrà confirmar a Tolosa; Lesinhan voldrà anar ganhar a Vilanòva; a domicili, Albi contra Palau e Limós fàcia a Sent Gaudenç auràn las favors dels pronostics.
Los convidats en 16n de Copa
Aquesta dimenjada se joguèt lo segond torn de la Copa de França, per designar las 11 formacions que participaràn al tiratge dels 16ns amb las formacions de l’elèit (1 e 2).
A Vilanòva de Menrbés, calguèt esperar lo segond temps de la prolongacion per veire la qualificacion dels locals contra las Làmias de Montpelhièr 39-38.
Se son tanben qualificats: Caurs, Ferrals, Gratentor, Tonens, Realmont, Pàmias, Lo Tòr, Ramonvila, Aspet. Una partida demòra de jogar lo 4 de genièr entre las resèrvas de Tolon e de Vilagalhenc-Argon.
XIII e cultura occitana
Dimars que ven (17 de decembre), a l’ostal de Cabardés d’Argon, l’associacion Fasètz la Lenga en Cabardés tendrà son Estanquet mesadièr, moment de rescontre en occitan sus de subjèctes divèrses. Lo tèma de l’acamp serà aqueste còp: “los ligams entre lo rugbí de 13 e la cultura occitana”. Animaràn la discussion: Fabiana Albèrt (secretària generala de la Federacion e conselhièra pedagogica d’occitan); Joan-Francés Albèrt (intervenent al Pòl Espèr de Carcassona, entraïnaire de las esquipas de França juniors e director de la calandreta de Carcassona); Miquèl Roanet (vinhairon e copresident de Vilagalhenc-Argon) e tanben vòstre cronicaire. Un sopar amical seguirà lo temps d’escambis.
Poèma e cant en occitan per Carcassona XIII
Dins l’emission tretzista Cinquième Tenu de RCF-Pays d’Aude aqueste dimars 10 de decembre, poiretz ausir un poèma dedicat al club de Carcassona: Cantata per Carcassona. Aquel tèxt (que vos en farem present al temps de Nadal) a servit de basa a una cançon de Cristian Almerge: Totes canaris, que podètz escotar dins l’àudio çai jonch.
Alan Roch
A Domèc, Carcassona dominèt lo primièr temps per menar 18-4 a la pausa, mas al retorn dels vestiaris, Limós, mai fisic e mai dinamic, finissiá que s’impausava 24-18.
A Palau, la formacion locala pausèt problèma als Dragonets, mas finiguèt que pleguèt: 30-26.
Lesinhan coneguèt cap dificultat per s’impausar a Tolosa: 70-12. Vilanòva anèt ganhar al pè de Pirenèus a Sent-Gaudenç: 30-16.
Avinhon mostrèt fàcia als Tigres d’Albi que tornava trapar lo vam dels campions de 2018: 32-12.
Aqueste dimenjada, partida-cap d’aficha a Sant Estève amb lo rescontre Dragonets-Carcassona; Avinhon voldrà confirmar a Tolosa; Lesinhan voldrà anar ganhar a Vilanòva; a domicili, Albi contra Palau e Limós fàcia a Sent Gaudenç auràn las favors dels pronostics.
Los convidats en 16n de Copa
Aquesta dimenjada se joguèt lo segond torn de la Copa de França, per designar las 11 formacions que participaràn al tiratge dels 16ns amb las formacions de l’elèit (1 e 2).
A Vilanòva de Menrbés, calguèt esperar lo segond temps de la prolongacion per veire la qualificacion dels locals contra las Làmias de Montpelhièr 39-38.
Se son tanben qualificats: Caurs, Ferrals, Gratentor, Tonens, Realmont, Pàmias, Lo Tòr, Ramonvila, Aspet. Una partida demòra de jogar lo 4 de genièr entre las resèrvas de Tolon e de Vilagalhenc-Argon.
XIII e cultura occitana
Dimars que ven (17 de decembre), a l’ostal de Cabardés d’Argon, l’associacion Fasètz la Lenga en Cabardés tendrà son Estanquet mesadièr, moment de rescontre en occitan sus de subjèctes divèrses. Lo tèma de l’acamp serà aqueste còp: “los ligams entre lo rugbí de 13 e la cultura occitana”. Animaràn la discussion: Fabiana Albèrt (secretària generala de la Federacion e conselhièra pedagogica d’occitan); Joan-Francés Albèrt (intervenent al Pòl Espèr de Carcassona, entraïnaire de las esquipas de França juniors e director de la calandreta de Carcassona); Miquèl Roanet (vinhairon e copresident de Vilagalhenc-Argon) e tanben vòstre cronicaire. Un sopar amical seguirà lo temps d’escambis.
Poèma e cant en occitan per Carcassona XIII
Dins l’emission tretzista Cinquième Tenu de RCF-Pays d’Aude aqueste dimars 10 de decembre, poiretz ausir un poèma dedicat al club de Carcassona: Cantata per Carcassona. Aquel tèxt (que vos en farem present al temps de Nadal) a servit de basa a una cançon de Cristian Almerge: Totes canaris, que podètz escotar dins l’àudio çai jonch.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pels nostalgics de 1951 :
https://www.youtube.com/watch?feature=share&v=wgrvoHIb3dQ&fbclid=IwAR2cEERDWLoL16cIvkx7OthtxBLhRMWBJK-lb6mcolbNUaEX4v1oeizHmVQ&app=desktop
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari