Actualitats
Rugbi de XIII: recepcion reiala pel XIII
Temps d’agach cap a deman amb la partida de preparacion de la sason novèla pels Dragons e per Tolosa e amb lo tiratge al sòrt de las polas de las 3 Copas del Mond de 2021.
Alan Roch
Harry es encara prince
Los angleses fan pas las causas a mièja: lo tiratge de las polas de la Copa del Mond de la tardor de 2021 s’es debanat al palais de Buckingham e es l’encara prince Harry qu’èra encargat de l’afar.
França se traparà dins lo grop d’Anglatèrra, de Samoa, e de Grècia. Per se qualificar pels quarts, serà doncas imperatiu de batre Grècia e Samoa. De trabalh bèl de preparacion espèran l’entraïnaire Aurelian Cologni e la Federacion.
Las autras polas recampan:
Pas de present per las femnas del país que se trapan dins la meteissa pola que las doas finalistas de 2017: Austràlia e Nòva Zelanda e amb las illas Cook. Dins l’autre grop: Anglatèrra, Papoa-Nòva Guinèa, Canadà e Brasil.
Pel XIII-cadieral, que defendrà son titre mondial, la debuta de la competicion veirà los Blaus opausats al País de Galas, a Escòcia e als estatsunidencs. Dins l’autre grop: Anglatèrra, Austràlia, Espanha e Norvègia.
Jorn de fèsta a Domèc
5000 espectators an seguit l’afrontament entre lo Tolosa Olimpic e los Dragons catalans aqueste dissabte de vèspre a Domèc. Los tolosans se mostrèron plan dinamics dins lo primièr temps, mas es Sam Tomkins que marcava lo primièr ensag. Sus la còrna, Lima marcava dins lo recanton e Marc Keirralah enquilhava la transformacion: 6-4 pel TO.
Los occitans tornavan marcar tre la represa, mas la maquina catalana se metiá en marcha e tres ensages del talonaire McIlorum, del capitani Casty e de l’alièr provençal Artur Romano, amb las tres primièras transformacions del dobertura australian James Maloney jol malhòt catalan, balhavan la victòria als Dragons: 22-10.
Debuta de la Superliga, dissabte 1r de febrièr, amb la venguda dels Gigants d’Huddersfield a Brutus e del Championship amb la recepcion d’York a l’estadi Ernèst-Wallon.
Elèit 1: final espantant a Albi
La dimenjada èra tanben l’escasença de botar a jorn lo calendièr de l’Elèit 1 amb tres rescontres al programa.
A Albi, fàcia als Leupards d’Aquitània, los locals menavan 28-18 a un quart d’ora de la fin. Los Verd e Blanc marquèron dos ensages transformats per menar 30-28. L’alièr local Pedrero recuperava una candela per puntar l’ensag de la victòria per Albi: 32-30!
La partida remesa de la Dimenjada Magica entre St Gaudenç e Tolosa se debanava sus la pelena de Pàmias. Pas de suspresa amb una novèla desfaita per Tolosa: 50-16.
Mistral perdent a Avinhon per Carcassona que menava a la pausa contra lo vent 12-6, mas que daissèt son biais de jogar al vestiari per se faire despassar per de locals plan actius que ganhan 26-12 e prenon atal lo cap del classament d’Elèit 1.
Al programa de la darrièra dimenjada de genièr: Carcassona-Vilanòva; Avinhon-Lesinhan; Dragonets-Tolosa; Palau-St Gaudenç e Albi-Limós.
Alan Roch
<a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="http://www.jornalet.com/imatges/images/SOCI.jpg" /></a>
<form action="https://www.paypal.com/cgi-bin/webscr" method="post" target="_top"><input name="cmd" type="hidden" value="_s-xclick" /> <input name="hosted_button_id" type="hidden" value="PSTPGYAHBJHCU" /> <input alt="Bouton Faites un don avec PayPal" name="submit" src="https://www.jornalet.com/imatges/images/fasetz-un-don-01.gif" style="border-width: 0px; border-style: solid;" title="PayPal - The safer, easier way to pay online!" type="image" /> <img alt="" border="0" height="1" src="https://www.paypal.com/fr_FR/i/scr/pixel.gif" width="1" /></form>
Los angleses fan pas las causas a mièja: lo tiratge de las polas de la Copa del Mond de la tardor de 2021 s’es debanat al palais de Buckingham e es l’encara prince Harry qu’èra encargat de l’afar.
França se traparà dins lo grop d’Anglatèrra, de Samoa, e de Grècia. Per se qualificar pels quarts, serà doncas imperatiu de batre Grècia e Samoa. De trabalh bèl de preparacion espèran l’entraïnaire Aurelian Cologni e la Federacion.
Las autras polas recampan:
— Grop B: Austràlia, Fiji, Escòcia, Italia
— Grop C: Nòva Zelanda, Liban, Jamaica, Irlanda
— Grop D: Tònga, Papoa-Nòva Guinèa, Galas e las illas Cook
— Grop C: Nòva Zelanda, Liban, Jamaica, Irlanda
— Grop D: Tònga, Papoa-Nòva Guinèa, Galas e las illas Cook
Pas de present per las femnas del país que se trapan dins la meteissa pola que las doas finalistas de 2017: Austràlia e Nòva Zelanda e amb las illas Cook. Dins l’autre grop: Anglatèrra, Papoa-Nòva Guinèa, Canadà e Brasil.
Pel XIII-cadieral, que defendrà son titre mondial, la debuta de la competicion veirà los Blaus opausats al País de Galas, a Escòcia e als estatsunidencs. Dins l’autre grop: Anglatèrra, Austràlia, Espanha e Norvègia.
Jorn de fèsta a Domèc
5000 espectators an seguit l’afrontament entre lo Tolosa Olimpic e los Dragons catalans aqueste dissabte de vèspre a Domèc. Los tolosans se mostrèron plan dinamics dins lo primièr temps, mas es Sam Tomkins que marcava lo primièr ensag. Sus la còrna, Lima marcava dins lo recanton e Marc Keirralah enquilhava la transformacion: 6-4 pel TO.
Los occitans tornavan marcar tre la represa, mas la maquina catalana se metiá en marcha e tres ensages del talonaire McIlorum, del capitani Casty e de l’alièr provençal Artur Romano, amb las tres primièras transformacions del dobertura australian James Maloney jol malhòt catalan, balhavan la victòria als Dragons: 22-10.
Debuta de la Superliga, dissabte 1r de febrièr, amb la venguda dels Gigants d’Huddersfield a Brutus e del Championship amb la recepcion d’York a l’estadi Ernèst-Wallon.
Elèit 1: final espantant a Albi
La dimenjada èra tanben l’escasença de botar a jorn lo calendièr de l’Elèit 1 amb tres rescontres al programa.
A Albi, fàcia als Leupards d’Aquitània, los locals menavan 28-18 a un quart d’ora de la fin. Los Verd e Blanc marquèron dos ensages transformats per menar 30-28. L’alièr local Pedrero recuperava una candela per puntar l’ensag de la victòria per Albi: 32-30!
La partida remesa de la Dimenjada Magica entre St Gaudenç e Tolosa se debanava sus la pelena de Pàmias. Pas de suspresa amb una novèla desfaita per Tolosa: 50-16.
Mistral perdent a Avinhon per Carcassona que menava a la pausa contra lo vent 12-6, mas que daissèt son biais de jogar al vestiari per se faire despassar per de locals plan actius que ganhan 26-12 e prenon atal lo cap del classament d’Elèit 1.
Al programa de la darrièra dimenjada de genièr: Carcassona-Vilanòva; Avinhon-Lesinhan; Dragonets-Tolosa; Palau-St Gaudenç e Albi-Limós.
Alan Roch
<a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="http://www.jornalet.com/imatges/images/SOCI.jpg" /></a>
<form action="https://www.paypal.com/cgi-bin/webscr" method="post" target="_top"><input name="cmd" type="hidden" value="_s-xclick" /> <input name="hosted_button_id" type="hidden" value="PSTPGYAHBJHCU" /> <input alt="Bouton Faites un don avec PayPal" name="submit" src="https://www.jornalet.com/imatges/images/fasetz-un-don-01.gif" style="border-width: 0px; border-style: solid;" title="PayPal - The safer, easier way to pay online!" type="image" /> <img alt="" border="0" height="1" src="https://www.paypal.com/fr_FR/i/scr/pixel.gif" width="1" /></form>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari