Bandièra01 capçalera  1180x150: Botiga

Actualitats

Singapor: un robòt susvelha lo confinament dels umans

Quand las espròvas seràn satisfasentas, d’autres robòts similars patrolharàn los autres pargues de la vila

Un robòt de quatre pautas sonat Spot es a patrolhar coma un can un pargue de Singapor per contrarotlar que los ciutadans complisson las nòrmas de separacion fisica e qu’empachan aital d’infeccions pel coronavirus. Per mejan de sos nautparladors, lo robòt avisa los ciutadans del besonh de manténer la distància de seguretat e analisa lo comportament dels passejaires amb sas camèras. Segon lo govèrn de la ciutat-estat, fa pas de reconeissença individuala ni amassa de donadas personalas.
 
Ara per ara, Spot es en fasa de tèst e es acompanhat d’un uman que ne susvelha lo movement. Quand las espròvas seràn satisfasentas, d’autres robòts similars patrolharàn los autres pargues de Singapor. A mai, es previst qu’una trentena de drònes susvelhen quantas gents percorron los pargues.
 
Spot es desvolopat per la societat estatsunidenca Boston Dynamics, es contrarotlat a distància, de sòrta que se redutz lo risc d’infeccion dels gardians del pargue que farián la meteissa foncion. Las pautas permeton que lo robòt marche sus quina superfícia que siá, çò que las ròdas li permetrián pas.

 
 
 

 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pastís Marselha
2.

E los qu'an vist la tièra de filmes Terminator an començat d'organizar la resisténcia darrièr John Connors.

  • 4
  • 0
Ricard
1.

Los qu'an vist la sason 4 de Black Mirror(episode Metalhead) an agut un còp d'estrès en veguent la troncha dau robot...

  • 5
  • 0

Escriu un comentari sus aqueste article