Bandièra01 capçalera 1180x150: Botiga

Actualitats

InternacionalPolitica

Israèl e los Emirats Arabis Units an pachat la normalizacion de lors relacions e un arrèst de l’annexion parciala de Cisjordania

Lo president dels Estats Units, Donald Trump, a anonciat l’acòrdi dins un comunicat conjonch amb lo primièr ministre israelian e lo prince eiretièr d’Abu Dhabi

L’ostal de la comuna de Tel Aviv a festejat l’acòrdi en s’illuminant de las colors del drapèl dels Emirats Arabis Units
L’ostal de la comuna de Tel Aviv a festejat l’acòrdi en s’illuminant de las colors del drapèl dels Emirats Arabis Units | The New York Times
L’estat d’Israèl e los Emirats Arabis Units son arribats a un acòrdi per normalizar lors relacions. Lo pache compren qu’Israèl retire son plan d’annexar parcialament Cisjordania e qu’entreprenga “d’esfòrces per enfortir sos ligams amb d’autres païses del mond arabi e musulman”. Es lo primièr acòrdi d’aquel nivèl que signan Israèl e los Emirats Arabis Units dempuèi los tractats de patz de 1994. Fins a uèi, l’estat israelian a pas agut de relacions diplomaticas amb los païses arabis del Golf.
 
Dins un comunicat conjonch del primièr ministre israelian, Benjamin Netanyahu, del vicecomandant suprèm dels Emirats Arabis Units e prince eretièr d’Abu Dhabi, Mohammed bin Zayed, e del president dels Estats Units, Donald Trump, asseguran que l’acòrdi es una avançada istorica que promourà la patz dins la region. Tanben o a confirmat Trump en publicant sus Twitter aquel comunicat ont los tres dirigents afirman que “lo nòu camin desblocarà lo grand potencial de la region” e que “los tres païses, que partejan d’enjòcs, ne beneficiaràn mutualament”.
 
“De delegacions d’Israèl e dels Emirats Arabis Units s’amassaràn dins los jorns avenidors per signar d’acòrdis bilaterals sus d’investiments, lo torisme, de vòls dirèctes, la seguretat, las telecomunicacions, la tecnologia, l’energia, la cultura, la santat, l’environament, l’establiment respectiu d’ambaissadas, e d’autres domenis de benefici pròpri”, çò asseguran dins lo document. “Entamenar de ligams dirèctes entre doas regions de las mai dinamicas d’Orient transformarà la region” e i provocarà, çò dison, “un grand desvolopament economic”.

 
 
 
 
 
 
abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Escriu un comentari sus aqueste article