Bandièra01 capçalera  1180x150: Novestivada

Actualitats

Lo Nòu Front Popular ganha las legislativas amb una majoritat relativa

Mélenchon reclama un govèrn d’esquèrra del temps que Bardella assolida que sa revirada s’explica per una “aliança del desonor”. L’Assemblada Nacionala francesa serà de mal governar

Revirada inesperada de l’extrèma drecha al segond torn de las eleccions legislativas francesas. Lo Nòu Front Popular (NFP) a ganhadas las eleccions legislativas, seguit de Renaissença, lo partit de Macron, e de sos aliats centristas e liberals, del temps que lo Recampament Nacional (RN) es relegat a la tresena posicion.

Segon Jean-Luc Mélenchon, cap de La França Insomesa, Macron deu reconéisser l’NFP per far un govèrn. Mélenchon compareguèt tanlèu se conéisser los primièrs sondatges dels electors a la sortida de las urnas, e demandèt que Macron nomenèsse un primièr ministre de l'NFP. De son latz, Jordan Bardella, cap de l'RN, qualifiquèt sa desbranda coma una consequéncia d’una “aliança del desonor” entre Macron e l’union de las esquèrras.

Lo segon torn de las legislativas s’es destacat per una nauta participacion, mai del 67%, çò que s’èra pas jamai vist dempuèi 1981.

Ara, l’Assemblada Nacionala francesa ven de mal governar. Lo primièr ministre macronista, que critiquèt ièr la dissolucion de la cambra bassa, deu presentar sa demission aqueste matin mas se ditz lèst per demorar en foncions.

 

 


Totes los resultats sus France Info

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

MaëlC Riòm
8.

#7 Comença desjà de parlar auvernhat en luòc de contar que que siá, colhon de lingadocian reaccionari

  • 0
  • 2
L'Auvernhat Clarmont
7.

"Cal metre en plaça una demanda de particion de FR3 en televisions regionalas de plen dreit, balhant la paraula als actors e actrises culturals, associatius e politics locals etc..."

"cal", "cal"... desencusatz-me d'èsser un pau pessimista, mas QUI va far aquò ? e cresètz que los deputats del Nòu Front Popular, los que sovent èran los qu'avián justament votat CONTRA la lei Molac sus las lengas regionalas sus ordi de Melenchon, van ara demandar qu'aja una decentralisacion de las televisions, per qu'i aja (benlèu) tenben qualques programas en lengas "rgionalas" ? e be, es pas ganhat !

Ieu, fa d'annadas qu'ai arrestat de creire al paire Nadal ! mas vos empachi pas d'i creire.

  • 9
  • 0
Lo Jep
6.

En Valadier pren sos desers per la realitat e se bressa d'illusions. Per aqueles bobos parisencs e aparisenquits del NFP las solas lengas regionalas que valgan son aquelas d'oltra-mar. Lo Novèl Front Populari, de Mélenchon a Glucksmann, se fot de l'occitan coma de l'an quaranta, e se'n fotrà encara pus ara qu'es elegit.

  • 9
  • 0
L'Auvernhat Clarmont
5.

Lo Nòu Front Popular a ganhat las eleccions legislativas, Macron nomma Mélenchon primièr minstre, e dins qualquas setmanas, supression de la Lei Molac sus las lengas regionalas, Lei que de tot biais èra pas encara vertadièrament aplicada.

En rota per una politica laïca "progressista", que farà la caça als comunautarimes reaccionaris qu'amençan la republica populara insomesa, per exemple los que vòlon conservar aquelas sequelas de l'ancian regime que son las "lengas regionalas", que puden lo separatisme identitari d'extrèma drecha et la reaccion !!!

  • 14
  • 0
Jean-Charles Valadier Bordèu
4.

Cal metre en plaça una demanda de particion de FR3 en televisions regionalas de plen dreit, balhant la paraula als actors e actrises culturals, associatius e politics locals, çò qu'es essencial per far viure la democracia regionala. Seriá l'oportunitat d'una fòrta preséncia de l'occitan, tant oral que jos titolat

  • 7
  • 5

Escriu un comentari sus aqueste article