Actualitats
Rugbi de XIII: e a la fin, es Wigan que ganha!
Amb lo rescontre internacional Nòva Zelanda contra Austràlia e la finala de la Superliga entre Wigan e Warrington, los tretzistas avián de qué se regalar aqueste dissabte XIII d’octòbre!
Alan Roch
2018 èra pas l’annada dels Lops!
La formacion de Warrington es estada designada coma esquipa de l’annada. Un titol onorific que — s’avètz plan seguit —, sus la pelena, perdèron la finala de la Cup contra los Dragons e pleguèron un còp de mai, coma en 2016, en finala de Superliga fàcia a Wigan.
Old Trafford èra quasi comol, mitat bandieretas rojas, mitat bandieretas blavas. Los Lops capitèron de dobrir la marca per un ancian de Wigan, Charnley. Los Roge e Blanc replicavan amb un ensag de Manfredi, puèi sus una passa a pè de son dobertura, l’alièr Tom Davies quichava la palma dins l’en-but de Warrington. 8-4 a la pausa per Wigan.
Lo segond temps, valguèt per la qualitat de las defensas e calguèt esperar la 77a minuta per veire Manfredi tornar trapar lo trauc en cap de linha e confirmar la victòria de Wigan: 12-4. Dins lo grop dels ganhants, se trapan dos catalans: Morgan Escarré e lo pilar Roman Navarette.
Es la fin d’una epòca per Wigan: l’entraïnaire Shaun Wayne (30 ans al club) pren la direccion d’Escòcia per s’ocupar del XV del cardon alara que l’arrièr Sam Tonkins a signat cò dels Dragons Catalans per 4 ans. De Dragons qu’enregistran tanben la signatura del mesclanha de Saint Helens: Matty Smith.
Quand lo cangoró jòga a la lèbre
A Auckland, los neozelandeses recebián una formacion australiana modificada a respècte de la finala de la Copa del Mond de l’an passat. Los Negres se mostrèron los mai entreprenents mas un ensag sus la còrna permetiá als australians de menar 12-8 a la pausa. Los neozelandeses tornèron determinats e faguèron virar canturla a lors opausants. Los Kiwis puntèron tres ensages, transformats los tres, per menar 26-12 a unas cinc minutas de la fin. Los Cangorós se decidiguèron a dobrir, passèron dos còps, tornèron a 26-24, mas èra tròp tard. Pel primièr còp dempuèi 10 ans, los australians coneissián la desfaita fàcia als vesins.
Dissabte que ven, dins lo meteis estadi, se debanarà un tèst entre Austràlia e Tònga, alara que los neozelandeses preparan lo desplaçament en Anglatèrra ont jogaràn tres tèstes.
Per alestir aquesta recepcion, los angleses rescontraràn la formacion francesa aqueste dimècres 17 en fin de vèspre sus la pelena de Leigh.
En Euròpa, de notar la victòria de Russia sus Serbia 36-18 pel compte de las partidas qualificativas per la Copa del Mond. En Austràlia, es Malta que ganha la Copa de las Nacions Emergentas amb una victòria sus Niue.
Carcassona se refortís
En vista de la sason d’Elèit 1, Carcassona XIII —aprèp las signaturas de Nabil Djalout (Sheffield), Adrian Domergue (retorn d’Austràlia), Luc Franco (Limós) e Matieu Khedimi (St Estève-Catalans)— torna trapar Bastian Canet aprèp 3 annadas passadas al Tolosa Olimpic, e anóncia las signaturas d’un internacional junior kiwi, Toni Tumusa, e del mesclanha de Papoa-Nòva Guinèa: Garry Lo.
Fin del fulheton
Enfin, Avinhon es vertadièrament lo campion de 2018 aprèp la desqualificacion dels catalans en mièja finala. Los catalans diguèron qu’arrestavan tota procedura, mas lo Comitat Nacional Olimpic a confirmat lo títol avinhonenc aprèp una requèsta dels provençals. Esperarem qu’ongan (e de longa) las partidas se jogaràn sul verd de las pelenas e non sul tapís de la taula de la comission de disciplina.
Alan Roch
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
La formacion de Warrington es estada designada coma esquipa de l’annada. Un titol onorific que — s’avètz plan seguit —, sus la pelena, perdèron la finala de la Cup contra los Dragons e pleguèron un còp de mai, coma en 2016, en finala de Superliga fàcia a Wigan.
Old Trafford èra quasi comol, mitat bandieretas rojas, mitat bandieretas blavas. Los Lops capitèron de dobrir la marca per un ancian de Wigan, Charnley. Los Roge e Blanc replicavan amb un ensag de Manfredi, puèi sus una passa a pè de son dobertura, l’alièr Tom Davies quichava la palma dins l’en-but de Warrington. 8-4 a la pausa per Wigan.
Lo segond temps, valguèt per la qualitat de las defensas e calguèt esperar la 77a minuta per veire Manfredi tornar trapar lo trauc en cap de linha e confirmar la victòria de Wigan: 12-4. Dins lo grop dels ganhants, se trapan dos catalans: Morgan Escarré e lo pilar Roman Navarette.
Es la fin d’una epòca per Wigan: l’entraïnaire Shaun Wayne (30 ans al club) pren la direccion d’Escòcia per s’ocupar del XV del cardon alara que l’arrièr Sam Tonkins a signat cò dels Dragons Catalans per 4 ans. De Dragons qu’enregistran tanben la signatura del mesclanha de Saint Helens: Matty Smith.
Quand lo cangoró jòga a la lèbre
A Auckland, los neozelandeses recebián una formacion australiana modificada a respècte de la finala de la Copa del Mond de l’an passat. Los Negres se mostrèron los mai entreprenents mas un ensag sus la còrna permetiá als australians de menar 12-8 a la pausa. Los neozelandeses tornèron determinats e faguèron virar canturla a lors opausants. Los Kiwis puntèron tres ensages, transformats los tres, per menar 26-12 a unas cinc minutas de la fin. Los Cangorós se decidiguèron a dobrir, passèron dos còps, tornèron a 26-24, mas èra tròp tard. Pel primièr còp dempuèi 10 ans, los australians coneissián la desfaita fàcia als vesins.
Dissabte que ven, dins lo meteis estadi, se debanarà un tèst entre Austràlia e Tònga, alara que los neozelandeses preparan lo desplaçament en Anglatèrra ont jogaràn tres tèstes.
Per alestir aquesta recepcion, los angleses rescontraràn la formacion francesa aqueste dimècres 17 en fin de vèspre sus la pelena de Leigh.
En Euròpa, de notar la victòria de Russia sus Serbia 36-18 pel compte de las partidas qualificativas per la Copa del Mond. En Austràlia, es Malta que ganha la Copa de las Nacions Emergentas amb una victòria sus Niue.
Carcassona se refortís
En vista de la sason d’Elèit 1, Carcassona XIII —aprèp las signaturas de Nabil Djalout (Sheffield), Adrian Domergue (retorn d’Austràlia), Luc Franco (Limós) e Matieu Khedimi (St Estève-Catalans)— torna trapar Bastian Canet aprèp 3 annadas passadas al Tolosa Olimpic, e anóncia las signaturas d’un internacional junior kiwi, Toni Tumusa, e del mesclanha de Papoa-Nòva Guinèa: Garry Lo.
Fin del fulheton
Enfin, Avinhon es vertadièrament lo campion de 2018 aprèp la desqualificacion dels catalans en mièja finala. Los catalans diguèron qu’arrestavan tota procedura, mas lo Comitat Nacional Olimpic a confirmat lo títol avinhonenc aprèp una requèsta dels provençals. Esperarem qu’ongan (e de longa) las partidas se jogaràn sul verd de las pelenas e non sul tapís de la taula de la comission de disciplina.
Alan Roch
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari