Actualitats
Rugbi de XIII: lo Trofèu europèu pels Blaus
Lo temps internacional s’acaba. Las formacions de Superliga tornan prene l’entraïnament e lo campionat d’Elèit 1 començarà per Santa Catarina
Alan Roch
Polida vesprada a Domèc
6000 sostens dels Blaus s’èran balhat rendètz-vos dissabte a Carcassona a l’estadi Domèc.
En dobertura, la formacion femenina francesa dominèt son omològa italiana: 60-0.
Los escoceses avián causit de cantar a cappella lor imne nacional. S’esforcèron long de la partida d’embolhar lo jòc, de retardar los tenguts,… Los Blaus esperèron un quart d’ora per passar una penalitat, puèi Fages se pagava un ensag d’anguiala en serpentejant dins la defensa dels Blancs. A un ensag de Brierley, respondiá un ensag d’Escarré. A la pausa, l’avantatge dels Blaus èra de 14-4 .
La represa vesiá un temps de penalitats. Escarré ne passava una, puèi tornava puntar l’ensag. Per sa primièra seleccion, Antòni Marion marcava dins lo canton. Morgan Escarré, nomenat òme de la partida, ensacava sa quatrena transformacion (mai dos ensages, mai doas penalitats: 20 punts per l’arrièr de Wigan). Lo darrièr ensag escocés èra anecdotic. Victòria dels Pols 28-10 e lo nom tornarmai marcat sul Trofèu europèu: çò qu’èra pas arribat dempuèi 2005.
Dimenge, Galas assegurava sa participacion a la Copa del Mond de 2021 amb una victòria 40-8 fàcia a Irlanda .
Los Kiwis èran d’ataca
Los angleses avián ja ganhada la tièra dels tèstes, mas los Kiwis volián pas tornar al país la saca voida. Aqueste dimenge, a Leeds, los europèus vegèron tres ensages refusats pel vidèo e se trapèron dins l’impossibilitat de respondre al vam oceanian. Amb sièis ensages de marcats (3 per cada temps), larga victòria 34-0 dels Negres.
La represa
Aqueste diluns 12 de novembre, los Dragons qu’èran pas concernits pels rendètz-vos internacionals tornan trapar lo camin de Brutus per preparar la sason 2019. Los autres reprendràn a la debuta de decembre.
La Superliga a desvelat lo calendièr novèl. Los catalans entamenaràn la Superliga cò dels Tigres de Castleford lo 1r de febrièr abans de reçaupre los Gigants d’Huddersfield lo dissabte 9 de febrièr. La campanha d’abonament es a mand de se dobrir.
Elèit 2: resultas desparièras pels audencs
En Elèit 2, los clubs audencs metián lor calendièr a jorn en jogant las partidas remesas en causa de l’aigat. Los campions del VARL arrancan lo nul a Pià (36-36), Vilanòva de Menerbés pren un sevèr 26-4 a Entraigas alara que Ferrals domina Tolon: 44-24. Aqueste dimenge 18, Vilanòva reçauprà lo cap de fila: Baó.
Alan Roch
Imatge:
6000 sostens dels Blaus s’èran balhat rendètz-vos dissabte a Carcassona a l’estadi Domèc.
En dobertura, la formacion femenina francesa dominèt son omològa italiana: 60-0.
Los escoceses avián causit de cantar a cappella lor imne nacional. S’esforcèron long de la partida d’embolhar lo jòc, de retardar los tenguts,… Los Blaus esperèron un quart d’ora per passar una penalitat, puèi Fages se pagava un ensag d’anguiala en serpentejant dins la defensa dels Blancs. A un ensag de Brierley, respondiá un ensag d’Escarré. A la pausa, l’avantatge dels Blaus èra de 14-4 .
La represa vesiá un temps de penalitats. Escarré ne passava una, puèi tornava puntar l’ensag. Per sa primièra seleccion, Antòni Marion marcava dins lo canton. Morgan Escarré, nomenat òme de la partida, ensacava sa quatrena transformacion (mai dos ensages, mai doas penalitats: 20 punts per l’arrièr de Wigan). Lo darrièr ensag escocés èra anecdotic. Victòria dels Pols 28-10 e lo nom tornarmai marcat sul Trofèu europèu: çò qu’èra pas arribat dempuèi 2005.
Dimenge, Galas assegurava sa participacion a la Copa del Mond de 2021 amb una victòria 40-8 fàcia a Irlanda .
Los Kiwis èran d’ataca
Los angleses avián ja ganhada la tièra dels tèstes, mas los Kiwis volián pas tornar al país la saca voida. Aqueste dimenge, a Leeds, los europèus vegèron tres ensages refusats pel vidèo e se trapèron dins l’impossibilitat de respondre al vam oceanian. Amb sièis ensages de marcats (3 per cada temps), larga victòria 34-0 dels Negres.
La represa
Aqueste diluns 12 de novembre, los Dragons qu’èran pas concernits pels rendètz-vos internacionals tornan trapar lo camin de Brutus per preparar la sason 2019. Los autres reprendràn a la debuta de decembre.
La Superliga a desvelat lo calendièr novèl. Los catalans entamenaràn la Superliga cò dels Tigres de Castleford lo 1r de febrièr abans de reçaupre los Gigants d’Huddersfield lo dissabte 9 de febrièr. La campanha d’abonament es a mand de se dobrir.
Elèit 2: resultas desparièras pels audencs
En Elèit 2, los clubs audencs metián lor calendièr a jorn en jogant las partidas remesas en causa de l’aigat. Los campions del VARL arrancan lo nul a Pià (36-36), Vilanòva de Menerbés pren un sevèr 26-4 a Entraigas alara que Ferrals domina Tolon: 44-24. Aqueste dimenge 18, Vilanòva reçauprà lo cap de fila: Baó.
Alan Roch
Imatge:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari