Actualitats
Rugbi de XIII: l’Elèit 1 entamena lo campionat
Aquesta dimenjada de Santa Catarina va tornar faire trapar lo ritme del campionat d’Elèit 1: una competicion dobèrta de seguir dusca a la fin del mes de junh
Alan Roch
Primièra jornada prometeira
Al programa de la primièra jornada, lo campion Avinhon reçauprà lo perdent de la finala: Limós. A Lesinhan, lo dèrbi contra Carcassona XIII en construccion se tendrà dins un estadi a l’espèra de tribunas provisòrias aprèp l’incendi de la debuta de julh. La formacion rejovenida de Sant Estève-XIII Catalan reçauprà Albi. Las darrièras doas partidas Tolosa-Palau e Vilanòva-Sent Gaudenç s’anóncian coma equilibradas.
Las fòrças en preséncia
Se d’unes privilègian los jogaires venguts de lor formacion, d’autres fan apèl a de jogaires de l’autra part de la planeta.
Atal, Albi compta sul concors dels australians Grant (tres-quarts o mièg) e Ballinger (avant) e del samoan Uele (pilar).
Lo campion Avinhon recupèra dos Dragons-U19: de Macedo e Delor e fa apèl al pilar australian Faalua (Cronulla).
Carcassona XIIII vei lo retorn de Bastian Canet de Tolosa e de Djalout d’Anglatèrra, las signaturas dels èx-U19 Catalans Luc Franco, Matieu Khedimi e Adrian Domergue. Vòl accelerar lo jòc de sos tres-quarts amb lo neozelandés Tumusa e lo mièg de mesclanha dels papós, Lo.
Pista de las estelas a Lesinhan amb lo retorn a la competicion de Fakir, la signatura del Dragon Vincenç Duport, los retorns al club de Bosinac (Tolosa), Tribillac (XV), Tovena (Carcassona), Lacans (U19 Catalans) e las signaturas de Amine Milodi (Palau), Jamil (Carcassona).
Limós pausa tanben 3 èx-U19 cò dels Catalans, recupèra Mickalezyk (Carcassona), engatja Stig, un mièg de 28 ans passat per l’NRL.
Vilanòva serà entraïnat per Julian Rinaldi qu’èra lo mièg de las oras bèlas del club a la debuta dels ans 2000 e fa venir un papó, Borona, e dos australians, Godinet e Lafolafo.
La resèrva de Tolosa fa signar cinc jogaires venguts del XV.
Sent Gaudenç fa tanben apèl a dos quinzistas e al jove pilar samoan Leatigaga.
Palau recupèra John Bodebza a Lesinhan e Clamenç Herrero (Carcassona), compta sus d’ancians U19-Catalans.
Un pauc de mistèri a l’entorn del foncionament de Sant Estève-XIII Catalan aprèp la dissolucion dels U19 e las aventuras reglamentàrias de la sason passada sus l’utilizacion dels jogaires de la primièra que privèt la formacion de la finala de campionat sul tapís verd.
Baó cap de fila d’Elèit 2
Los catalans de Baó perseguisson lor camin al cap del campionat d’Elèit 2: en Menerbés, Vilanòva ten còp 40 minutas abans de pèrdre 50-24.
Jamaïca en Anglatèrra
Jamaïca ganha la Copa de las Americas fàcia als Estats-Units (16-10) e pren atal la desena bilheta per la Copa del Mond de 2021 aprèp los 8 quarts de finalistas de França. De notar la primièra participacion d’una formacion d’America del Sud, Chile, a la competicion.
Solidaritat
Los beneficis de la serada amb l’èx-jogaire devengut cantaire Guy Vigouroux aqueste dissabte 24 de ser a l’estadi Domèc a Carcassona seràn partits entre la formacion junior locala e los sinistrats d’Aude.
XIII e occitan
L’ancian calandron, Lucàs Albèrt, mièg dels Dragons e del XIII de França foguèt lo subjècte d’un reportatge de France 3 pel Jornalet Occitan d’aqueste dissabte 17 de novembre.
Alan Roch
Al programa de la primièra jornada, lo campion Avinhon reçauprà lo perdent de la finala: Limós. A Lesinhan, lo dèrbi contra Carcassona XIII en construccion se tendrà dins un estadi a l’espèra de tribunas provisòrias aprèp l’incendi de la debuta de julh. La formacion rejovenida de Sant Estève-XIII Catalan reçauprà Albi. Las darrièras doas partidas Tolosa-Palau e Vilanòva-Sent Gaudenç s’anóncian coma equilibradas.
Las fòrças en preséncia
Se d’unes privilègian los jogaires venguts de lor formacion, d’autres fan apèl a de jogaires de l’autra part de la planeta.
Atal, Albi compta sul concors dels australians Grant (tres-quarts o mièg) e Ballinger (avant) e del samoan Uele (pilar).
Lo campion Avinhon recupèra dos Dragons-U19: de Macedo e Delor e fa apèl al pilar australian Faalua (Cronulla).
Carcassona XIIII vei lo retorn de Bastian Canet de Tolosa e de Djalout d’Anglatèrra, las signaturas dels èx-U19 Catalans Luc Franco, Matieu Khedimi e Adrian Domergue. Vòl accelerar lo jòc de sos tres-quarts amb lo neozelandés Tumusa e lo mièg de mesclanha dels papós, Lo.
Pista de las estelas a Lesinhan amb lo retorn a la competicion de Fakir, la signatura del Dragon Vincenç Duport, los retorns al club de Bosinac (Tolosa), Tribillac (XV), Tovena (Carcassona), Lacans (U19 Catalans) e las signaturas de Amine Milodi (Palau), Jamil (Carcassona).
Limós pausa tanben 3 èx-U19 cò dels Catalans, recupèra Mickalezyk (Carcassona), engatja Stig, un mièg de 28 ans passat per l’NRL.
Vilanòva serà entraïnat per Julian Rinaldi qu’èra lo mièg de las oras bèlas del club a la debuta dels ans 2000 e fa venir un papó, Borona, e dos australians, Godinet e Lafolafo.
La resèrva de Tolosa fa signar cinc jogaires venguts del XV.
Sent Gaudenç fa tanben apèl a dos quinzistas e al jove pilar samoan Leatigaga.
Palau recupèra John Bodebza a Lesinhan e Clamenç Herrero (Carcassona), compta sus d’ancians U19-Catalans.
Un pauc de mistèri a l’entorn del foncionament de Sant Estève-XIII Catalan aprèp la dissolucion dels U19 e las aventuras reglamentàrias de la sason passada sus l’utilizacion dels jogaires de la primièra que privèt la formacion de la finala de campionat sul tapís verd.
Baó cap de fila d’Elèit 2
Los catalans de Baó perseguisson lor camin al cap del campionat d’Elèit 2: en Menerbés, Vilanòva ten còp 40 minutas abans de pèrdre 50-24.
Jamaïca en Anglatèrra
Jamaïca ganha la Copa de las Americas fàcia als Estats-Units (16-10) e pren atal la desena bilheta per la Copa del Mond de 2021 aprèp los 8 quarts de finalistas de França. De notar la primièra participacion d’una formacion d’America del Sud, Chile, a la competicion.
Solidaritat
Los beneficis de la serada amb l’èx-jogaire devengut cantaire Guy Vigouroux aqueste dissabte 24 de ser a l’estadi Domèc a Carcassona seràn partits entre la formacion junior locala e los sinistrats d’Aude.
XIII e occitan
L’ancian calandron, Lucàs Albèrt, mièg dels Dragons e del XIII de França foguèt lo subjècte d’un reportatge de France 3 pel Jornalet Occitan d’aqueste dissabte 17 de novembre.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari