Bandièra01 1180x150: Comuna de Tolosa

Actualitats

Rugbi de XIII: rintrada de las classas en Superliga e Championship

Aqueste còp, i sèm: la Superliga e lo Championship entamenan la sason 2019. D’aquel temps, l’Elèit 1 es un còp de mai sorsa de suspresas

Los tolosans portaràn fièrament la crotz occitana sul malhòt (partidas a domicili)
Los tolosans portaràn fièrament la crotz occitana sul malhòt (partidas a domicili)
Dragons: lo Castilhet fàcia a un Castèl fòrt!
 
Divendres, los catalans joguèron lor segonda partida amicala a Brutus e se deguèron emplegar per batre lo Tolosa Olimpic: 22-18.
 
Ara, plaça a la competicion oficiala: 30 partidas de jogar, las 22 en anar-tornar, la Dimenjada Magica, mai 7 partidas suplementàrias determinadas tre ara que lo Super 8 es suprimit. Sol lo darrièr davalarà en Championship (supression del 8 del Mitan, tanben).
 
De règlas novèlas seràn aplicadas per accelerar lo jòc:
 
— 8 remplaçaments per partida (en plaça de 10),
 
— temps limitat per jogar las mesclanhas, los remandadisses, las penalitats e las transformacions,
 
— arrèst del cronomètre a cada arrèst de jòc dins las darrièras 5 minutas,
 
— punt en aur en cas d’egalitat al cap de las 80 minutas.
 
La sason se dobrirà aqueste dijòus de ser amb lo desplaçament del campion Wigan cò de Saint Helens (partida que se poirà seguir sus BeInSport).
 
Los catalans començaràn divendres a l’exterior, cò dels Tigres de Castleford dins una serada ont se tendrà tanben lo dèrbi entre las doas esquipas d’Hull. 
 
 
Championship: la montada coma objectiu pel Tolosa Olimpic
 
Lo Tolosa Olimpic entama una novèla sason del Championship. Objectiu fixat: la montada en Superliga. Un sol club serà menat a remplaçar lo darrièr de la Superliga. Va pas èsser simple!
 
Dimenge, los tolosans, que portaràn la crotz occitana sul pitre, jogaràn a Leigh abans de reçaupre Widnes, davalat de l’escalon superior, lo dissabte 9 de febrièr a Blanhac (15h30). L’entrada en competicion se fa pas en doçor: es salada, pebrada e pebronada.
 
 
Cup: los Sèrbes fan un pichon torn e puèi se’n van!
 
L’edicion 2019 de la Cup es lançada e los Dragons i prendràn part aprèp aver trapat un acòrdi financièr amb la federacion anglesa.
 
L’Estela Roja de Belgrad preniá part al primièr torn, mas a pas pogut contrar Millon (desfaita 38-10)
 
 
Elèit 1: Lesinhan a l’arrèst.
 
En Elèit 1, tres partidas de campionat èran al programa; a Avinhon li còsta de digerir son titol de campion, e se fa batre sus sa pelena pels Dragonets: 54-16.
 
Palau se fa susprene pels Orses de St Gaudenç mai realistas: 24-14. Setmana estranha per Albi: se fa batre pietadosament per Tolosa, escarta son entraïnaire e va ganhar a Lesinhan: 20-10.
 
Al programa de la primièra dimenjada de febrièr, una jornada completa (se la nèu fa pas de las sieunas): dissabte, Carcassona reçauprà los Cavals Fòls de Palau, St-Gaudenç jogarà a Sant Estève e Vilanòva a Avinhon; dimenge, dèrbi al Molin entre Lesinhan e Limós e Tolosa reçauprà Albi.
 
 
 
 
Alan Roch
 
 


abonar los amics de Jornalet
 
 
Imatges:
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

L\'Alan Carcassona
1.

Aqueste dimècres 30 de genièr, a 8 e mièja del ser, a l'Estanquet de Ginhac (Calandreta) :
presentacion del libre « Lo XIII, aquò òc ! »
(Sopar tirat de la saqueta a 7 oras).

  • 2
  • 0

Escriu un comentari sus aqueste article