Bandièra01 1180x150: Comuna de Tolosa

Actualitats

Lo sit pornografic Jacquie et Michel esponsorizarà l’US Carcassona

Se farà a l’ocasion de la partida contra lo Biàrritz Olimpic lo 1r de març. Lo partenariat consistirà en “d’happenings mas i aurà pas res de pornografic”

Jacquie et Michel
Jacquie et Michel
Lo principal grop de pornografia de França, Jacquie et Michel, esponsorizarà l’US Carcassona lo 1r de març, durant la partida de rugbi PRO D2 que jogarà contra lo Biàrritz Olimpic, çò rapòrta 20 Minutes.
 
Lo partenariat, alestit dempuèi qualques meses, consistirà en “d’happenings” durant la serada a l’estadi Albert-Domec”, çò ditz la societat pornografica, mas “i aurà pas res de pornografic”, çò precisa l’USC a 20 Minutes. Segon lo club, “i a una volontat de se renovelar. La tòca es qu’aquò faga parlar. Volèm suscitar l’estrambòrd, las repercussions sus la bilhetariá e suls rets socials”.
 
“Engatjament, poténcia, endurança e vigor son de valors que Jacquie et Michel partejan amb los òmes de Christian Labit”, çò justifica la societat pornografica, nascuda en Bigòrra, en fasent un jòc de mots que s’explica s’oblidam pas que dins lo sud-oèst d’Occitània es normal de prononciar la “t” finala.
 
Abans aquel rescontre, l’esquipa carcassonesa organizarà una autra operacion especiala deman, 14 de febrièr, per la recepcion de l’esquipa de Nevers a l’ocasion del jorn de Sant Valentin. S’agirà de ganhar un “tèsta a tèsta romantic”.





abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bernat Sicard Marvejòls
7.

Aï, Tolosa e Provença
E la tèrra d’Argensa
Bezièrs e, mai que mai, Carcassés,
Qui vos vegèt, e ara vos vei… !

  • 1
  • 0
Emmanuèl Isopet
6.

Espèri ça que la que i aurà qualques personas dins aqueste club, educators e femenistas, qu'auràn la dignitat de se levar contra la pornografia qu'umilia las femnas e decabestra los joves e contra son argent que put a l'esclavatge sexual e al maltractament uman.

  • 14
  • 1
L’Òme Castras
5.

Lo chepic es qu’aquèra societat de produccion estot mei d’un còp denonciada per son comportament abusiu damb sas actoras.

  • 7
  • 1
Mèfi! 31
4.

Mai que se cantèssen de cançons palhardas...

  • 2
  • 0
Messalina
3.

A la perfin una publicitat per la democratizacion del fretaventrèsca, un espòrt que sa democratizacion aurà pas tant d'impacte carbona coma un fum d'autres. A condicion qu'implique pas d'o anar practicar dins la plajas de sòmi , genre Seichèlas o al diable Vauvèrt!

  • 1
  • 0

Escriu un comentari sus aqueste article