Actualitats
Rugbi de XIII: lo canari prèsa lo segond temps
Festenal ofensiu en Elèit 1, desplaçament malaisit del Tolosa Olimpic e sopa a la grimaça pels Dragons: atal se pòt resumir aquesta dimenjada tretzista.
Alan Roch
Elèit 1: cal pas vendre las plumas del canari
A Domèc, èra l’ora del dèrbi entre los locals e Lesinhan. Los Jaune e Negre joguèron un primièr temps amb una multiplicacion de decas e d’aproximacions que permetèron als vesitaires de menar 18-6 a la pausa. Dins lo segond temps, los Verd e Blanc ajustèron un ensag transformat e una penalitat. Uèit punts que seràn pas sufisents per contrar l’èrsa jaune e negre: 28 punts amb la decision mercé a dos ensages transformats dins las darrièras 5 minutas. Victòria de Carcassona: 34-26!
Dissabte, los Dragonets prenguèron lèu la mesura dels albigeses: 42-18. Dimenge, dins un fals revenge de la finala passada, Limós se mostrèt sens pietat pel campion (e darrièr al classament) Avinhon: 48-10. Doas victòrias al defòra completan las resultas de la jornada: Palau se revelha tròp tard per poder batre Tolosa 30-36 e St Gaudenç s’impausa a Vilanòva: 32-24.
Al programa de la primièra dimenjada de març: un St Estève-XIII Catalan contra Limós que se jogarà dissabte en dobertura de Dragons-Warrington; Tolosa reçauprà Carcassona; Vilanòva reçauprà Albi per una partida entre doas formacions que visan la qualificacion per las pelhòfas; St Gaudenç anirà desfisar Lesinhan al Molin; partida de malclassats per delà Ròse entre Avinhon e Palau.
Tolosa ganha a Swinton
A priòri, lo Tolosa Olimpic deviá rescontrar gaire de dificultats cò del darrièr del Championship: Swinton. Los tolosans ganhèron, mas dins la dificultat: 26-24. Dimenge, los occitans tornaràn prene l’avion per Anglatèrra per jogar a Bradford, abans de reçaupre Toronto en cò de l’Estadi Tolosan dissabte 9 de març de vèspre (15h30).
Los Dragons mancan de buf
Dijòus, en Superliga, los Dragons jogavan a Wakefield, un adversari que pensavan a lor portada. Mas, alara que venián de prene l’avantatge 8-6, una marrida recepcion del còp de remandadís menèt los angleses a marcar 14 punts dins las darrièras dètz minutas del primièr temps: dos ensages transformats e una penalitat. 20-8 pels angleses. Lo segond temps cambiava pas lo sòrt de la partida pels catalans batuts 22-12 e que tornan amb Garcia e Mead nafrats. Pas las melhoras condicions per reçaupre Warrington dissabte dins una aficha revenge de la finala de la Cup.
De Lops qu’an ganhat a Huddersfield 32-20. St Helens bat Leeds 27-22 al tèrme d’una partida plan disputada. Tres victòrias a l’exterior completan lo bilanç d’aquesta quatrena jornada: Salford ganha a Hull KR: 24-22, Castleford es tròp fòrt per Londres: 40-6 e, granda suspresa: Wigan pèrd al punt en aur sus sa pelena fàcia a Hull FC: 22-23.
En cap de classament, Castleford, Warrington e St Helens an ganhat las 3 partidas jogadas.
Alan Roch
A Domèc, èra l’ora del dèrbi entre los locals e Lesinhan. Los Jaune e Negre joguèron un primièr temps amb una multiplicacion de decas e d’aproximacions que permetèron als vesitaires de menar 18-6 a la pausa. Dins lo segond temps, los Verd e Blanc ajustèron un ensag transformat e una penalitat. Uèit punts que seràn pas sufisents per contrar l’èrsa jaune e negre: 28 punts amb la decision mercé a dos ensages transformats dins las darrièras 5 minutas. Victòria de Carcassona: 34-26!
Dissabte, los Dragonets prenguèron lèu la mesura dels albigeses: 42-18. Dimenge, dins un fals revenge de la finala passada, Limós se mostrèt sens pietat pel campion (e darrièr al classament) Avinhon: 48-10. Doas victòrias al defòra completan las resultas de la jornada: Palau se revelha tròp tard per poder batre Tolosa 30-36 e St Gaudenç s’impausa a Vilanòva: 32-24.
Al programa de la primièra dimenjada de març: un St Estève-XIII Catalan contra Limós que se jogarà dissabte en dobertura de Dragons-Warrington; Tolosa reçauprà Carcassona; Vilanòva reçauprà Albi per una partida entre doas formacions que visan la qualificacion per las pelhòfas; St Gaudenç anirà desfisar Lesinhan al Molin; partida de malclassats per delà Ròse entre Avinhon e Palau.
Tolosa ganha a Swinton
A priòri, lo Tolosa Olimpic deviá rescontrar gaire de dificultats cò del darrièr del Championship: Swinton. Los tolosans ganhèron, mas dins la dificultat: 26-24. Dimenge, los occitans tornaràn prene l’avion per Anglatèrra per jogar a Bradford, abans de reçaupre Toronto en cò de l’Estadi Tolosan dissabte 9 de març de vèspre (15h30).
Los Dragons mancan de buf
Dijòus, en Superliga, los Dragons jogavan a Wakefield, un adversari que pensavan a lor portada. Mas, alara que venián de prene l’avantatge 8-6, una marrida recepcion del còp de remandadís menèt los angleses a marcar 14 punts dins las darrièras dètz minutas del primièr temps: dos ensages transformats e una penalitat. 20-8 pels angleses. Lo segond temps cambiava pas lo sòrt de la partida pels catalans batuts 22-12 e que tornan amb Garcia e Mead nafrats. Pas las melhoras condicions per reçaupre Warrington dissabte dins una aficha revenge de la finala de la Cup.
De Lops qu’an ganhat a Huddersfield 32-20. St Helens bat Leeds 27-22 al tèrme d’una partida plan disputada. Tres victòrias a l’exterior completan lo bilanç d’aquesta quatrena jornada: Salford ganha a Hull KR: 24-22, Castleford es tròp fòrt per Londres: 40-6 e, granda suspresa: Wigan pèrd al punt en aur sus sa pelena fàcia a Hull FC: 22-23.
En cap de classament, Castleford, Warrington e St Helens an ganhat las 3 partidas jogadas.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari