Actualitats
Rugbi de XIII: los Lops s’esquiçan los caissals a Perpinhan
Amators de sensacions fòrtas, vos cal pas mancar d’anar seguir de partidas de rugbi de XIII. Per contra, se crentatz un risc cardiac, vos val mai demorar a l’ostal!
Alan Roch
Superliga: Sam Tomkins ensaca la penalitat decisiva
Aqueste dissabte 2 de març a Brutus, los Dragons recebián lors victimas de la finala de la Cup d’agost a Wembley: los Lops de Warrington. Yaha festegèt son retorn a l’ostal aprèp son escapada quinzista en raubant una palma a un tres-quart anglés, dobrissent lo camin de l’ensag a Williame. Lo segonda-linha catalan Edwards marcava un ensag. Sam Tomkins ajustava una penalitat a sas doas transformacions. Rachford escapava a la defensa catalana e Gigòt passava un tombat: 15-6 pels Dragons a la pausa.
A la represa, dos ensages dels Lops lor i permetián de prene l’avantatge: 16-15. Lo capitani Casty trapava lo trauc dins la defensa anglesa. Al mai fòrt de la dominacion catalana, sus un remandadís dels 20 mètres, una ondada anglesa traversava la pelena. Demorava 12 minutas de jòc e Warrington menava 22-21. Es lo moment que causiguèt Sam Tomkins per temptar una penalitat dels 49 mètres, coma se vei plan mai sovent a Giral (l’estadi dels XV) qu’a Brutus (l’estadi dels XIII)! E l’arrièr anglés justifiquèt sa signatura a Perpinhan en mandant la palma entre los pals: 23-22 pels Dragons que tenon lo còp fins a la còrna. Novèla recepcion aqueste dissabte 9 amb la venguda dels Diables Roges de Salford.
Castleford e Saint Helens son en cap de classament, amb las 4 victòrias dins las 4 partidas jogadas.
Mai susprenents son los classaments de Wigan, batut a Londres 18-16, 11n amb una sola victòria anullada pels 2 punts de sancion, e de Leeds, batut sus sa pelena 35-18 per Wakefield, 10n amb una sola victòria per 5 partidas jogadas.
Championship: Tolosa reçauprà Toronto a… Tolosa
En Championship, los tolosans encadenan una tresena victòria de tira en s’impausant cò dels Taures de Bradford: 14-0.
Aqueste dissabte 9 de març, a 3 oras e mièja del vèspre, reçaupràn los canadians de Toronto non pas a Blanhac, mas a Tolosa a l’estadi Ernèst Wallon: una partida deslocalizada… dins sa vila, qué!
Elèit 1: los Dragonets se passejan
Dissabte en dobertura de la partida de Superliga, a Brutus, los Dragonets recebián Limós. La partida foguèt a sens unic e la formacion catalana ganhèt 46-18. Avinhon es a las escanas e pèrd sus sa pelena fàcia a Palau 12-24. Albi es tanben en pichòta fòrma e encaissa un 40-8 a Vilanòva.
Dimenge, agradiva partida per Carcassona que va ganhar a Tolosa 60-22 alara qu’al Molin, Lesinhan met lo primièr temps per prene la mesura de Sent Gaudenç 34-6.
Plaça als 8ns de la Copa
La dimenjada qu’arriba serà consacrada als 8ns de finala de la Copa de França amb:
La formacion de Nacionala 1 de Trentèls reçauprà Carcassona.
Alan Roch
Aqueste dissabte 2 de març a Brutus, los Dragons recebián lors victimas de la finala de la Cup d’agost a Wembley: los Lops de Warrington. Yaha festegèt son retorn a l’ostal aprèp son escapada quinzista en raubant una palma a un tres-quart anglés, dobrissent lo camin de l’ensag a Williame. Lo segonda-linha catalan Edwards marcava un ensag. Sam Tomkins ajustava una penalitat a sas doas transformacions. Rachford escapava a la defensa catalana e Gigòt passava un tombat: 15-6 pels Dragons a la pausa.
A la represa, dos ensages dels Lops lor i permetián de prene l’avantatge: 16-15. Lo capitani Casty trapava lo trauc dins la defensa anglesa. Al mai fòrt de la dominacion catalana, sus un remandadís dels 20 mètres, una ondada anglesa traversava la pelena. Demorava 12 minutas de jòc e Warrington menava 22-21. Es lo moment que causiguèt Sam Tomkins per temptar una penalitat dels 49 mètres, coma se vei plan mai sovent a Giral (l’estadi dels XV) qu’a Brutus (l’estadi dels XIII)! E l’arrièr anglés justifiquèt sa signatura a Perpinhan en mandant la palma entre los pals: 23-22 pels Dragons que tenon lo còp fins a la còrna. Novèla recepcion aqueste dissabte 9 amb la venguda dels Diables Roges de Salford.
Castleford e Saint Helens son en cap de classament, amb las 4 victòrias dins las 4 partidas jogadas.
Mai susprenents son los classaments de Wigan, batut a Londres 18-16, 11n amb una sola victòria anullada pels 2 punts de sancion, e de Leeds, batut sus sa pelena 35-18 per Wakefield, 10n amb una sola victòria per 5 partidas jogadas.
Championship: Tolosa reçauprà Toronto a… Tolosa
En Championship, los tolosans encadenan una tresena victòria de tira en s’impausant cò dels Taures de Bradford: 14-0.
Aqueste dissabte 9 de març, a 3 oras e mièja del vèspre, reçaupràn los canadians de Toronto non pas a Blanhac, mas a Tolosa a l’estadi Ernèst Wallon: una partida deslocalizada… dins sa vila, qué!
Elèit 1: los Dragonets se passejan
Dissabte en dobertura de la partida de Superliga, a Brutus, los Dragonets recebián Limós. La partida foguèt a sens unic e la formacion catalana ganhèt 46-18. Avinhon es a las escanas e pèrd sus sa pelena fàcia a Palau 12-24. Albi es tanben en pichòta fòrma e encaissa un 40-8 a Vilanòva.
Dimenge, agradiva partida per Carcassona que va ganhar a Tolosa 60-22 alara qu’al Molin, Lesinhan met lo primièr temps per prene la mesura de Sent Gaudenç 34-6.
Plaça als 8ns de la Copa
La dimenjada qu’arriba serà consacrada als 8ns de finala de la Copa de França amb:
— tres rescontres entre formacions d’Elèit 1: Albi-Vilanòva, Tolosa-Limós e St Gaudenç-Dragonets
— doas oposicions Elèit 2 contra Elèit 1: Vilafranca-Lesinhan e lo dèrbi catalan Baó-Palau
— 2 rescontres entre esquipas d’Elèit 2: Vilagalhenc-Argon reçauprà Entraigas; Lion-Carpentràs.
— doas oposicions Elèit 2 contra Elèit 1: Vilafranca-Lesinhan e lo dèrbi catalan Baó-Palau
— 2 rescontres entre esquipas d’Elèit 2: Vilagalhenc-Argon reçauprà Entraigas; Lion-Carpentràs.
La formacion de Nacionala 1 de Trentèls reçauprà Carcassona.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari