Actualitats
Aran: an trobat mòrt l’ors Cachou
L’an passat, lo plantigrad de 6 ans aviá atacat de cavals, en consequéncia de qué se demandèt que foguèsse retirat
D’agents de l’environament del Conselh General d’Aran trobèron dijòus passat lo cadavre de l’ors Cachou, un mascle de sièis ans, dins la zòna de Suberpera, sus las montanhas de Les (Quate Lòcs). Lo senhal GPS del colar de l’animal mostrava qu’èra immobil dempuèi qualques jorns. Per ara, se sap pas la causa de sa mòrt. Cachou èra conegut per èsser un ors “problematic” car arunan ataquèt mai d’un caval en Aran. Ara fasiá un mes qu’èra sortit de son ibernacion. Lo departament de Fauna Salvatja de l’Universitat Autonòma de Barcelona ten lo còrs de l’animal per i far una necropsia e determinar las causas de la mòrt.
Se parlèt fòrça de Cachou a causa de sas atacas. Lo sindic d’Aran, Francés Boya, exigiguèt en setembre “era extraccion immediata der os Cachou”. Divèrsas manifestacions de païsans e elevaires o demandèron tanben. Las autoritats de la Generalitat de Catalonha responsablas del programa de la reïntroduccion de l’ors dins los Pirenèus valorèron aquela possibilitat. Mentretant, apliquèron a una carronha un fungicida que li provoquèt de vòmits. Aquò lo persuadiguèt d’atacar pas pus d’animals e a partir d’octòbre n’aviá pas atacat cap d’autre.
Se parlèt fòrça de Cachou a causa de sas atacas. Lo sindic d’Aran, Francés Boya, exigiguèt en setembre “era extraccion immediata der os Cachou”. Divèrsas manifestacions de païsans e elevaires o demandèron tanben. Las autoritats de la Generalitat de Catalonha responsablas del programa de la reïntroduccion de l’ors dins los Pirenèus valorèron aquela possibilitat. Mentretant, apliquèron a una carronha un fungicida que li provoquèt de vòmits. Aquò lo persuadiguèt d’atacar pas pus d’animals e a partir d’octòbre n’aviá pas atacat cap d’autre.
Agents de Miei Ambient deth Conselh trapen mòrt ar os Cachou en municipi de Les, dempús de comprovar qu’er animau portaue dies immobil. Peth moment, se desconeish era causa dera mòrt: https://t.co/gbzZqyUcV5pic.twitter.com/wqI4gWO6xs
— Conselh Generau Aran (@conselharan) April 9, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Monsanto m'a tuar ?
Los ors an de tenir un loc on poder daissar los manjar. Se non los donan cap classa d'aleiments auran d'atacar altras animals. Se pas si los daixssan manjar, però es l'unica maniera de que pugan sobreviura en libertat. Per què cresi que s'alimentan de vegetals e tamben d'animals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari