Actualitats
Polonha se justifica davant l’UE en assegurant qu’Espanha fa parièr
Lo primièr ministre polonés assolida que lo cas d’Oriol Junqueras “insinua” que “l’òrdre juridic d’Espanha es mai important que lo de l’UE”
Tèxte legit
Lo govèrn de Polonha a justificat politicament la senténcia polemica de sa Cort Constitucionala amb l’argument qu’Espanha fa parièr, en mençonant l’exemple d’Oriol Junqueras que la justícia espanhòla lo mantenguèt en preson malgrat que la Cort de Justícia de l’Union Europèa li aguèsse reconeguda l’immunitat après que foguèt elegit eurodeputat.
Lo primièr ministre polonés, Mateusz Morawiecki, rebuta que la continuitat de Polonha dins l’Union Europèa siá mesa en question, e assolida que la senténcia de sa Cort Constitucionala, qu’assegura que lo drech d’aquel país es al dessús del de l’Union Europèa, es pas quicòm de nòu. Dins aquel sens, a suggerit que la justícia de l’UE de còps anava tròp luènh e contraveniá a las legislacions estatalas, e a pres per exemple lo cas d’Oriol Junqueras.
En genièr de 2020, la Cort Suprèma espanhòla decidiguèt de manténer en preson l’elegit catalan Oriol Junqueras, eurodeputat, malgrat la senténcia de la Cort de Justícia de l’Union Europèa que li reconeissiá l’immunitat. Aital, la màger autoritat judiciària espanhòla empediguèt que Junqueras assistiguèsse a la sesilha plenària del Parlament Europèu a Estrasborg, mentre que si qu’o poguèron Carles Puigdemont e Toni Comín, en exili. Segon lo tribunal espanhòl, l’immunitat que la li reconeissiá la cort europèa de Luxemborg protegissiá pas Junqueras de la senténcia que l’aviá condemnat.
Per Polonha, la decision de la Cort Suprèma espanhòla “insinua” que “l’òrdre juridic d’Espanha es mai important que lo de l’UE”, çò que donariá rason a la Cort Constitucionala polonesa que ditz que lo drech de l’UE es jos lo dels estats.
Lo primièr ministre polonés, Mateusz Morawiecki, rebuta que la continuitat de Polonha dins l’Union Europèa siá mesa en question, e assolida que la senténcia de sa Cort Constitucionala, qu’assegura que lo drech d’aquel país es al dessús del de l’Union Europèa, es pas quicòm de nòu. Dins aquel sens, a suggerit que la justícia de l’UE de còps anava tròp luènh e contraveniá a las legislacions estatalas, e a pres per exemple lo cas d’Oriol Junqueras.
En genièr de 2020, la Cort Suprèma espanhòla decidiguèt de manténer en preson l’elegit catalan Oriol Junqueras, eurodeputat, malgrat la senténcia de la Cort de Justícia de l’Union Europèa que li reconeissiá l’immunitat. Aital, la màger autoritat judiciària espanhòla empediguèt que Junqueras assistiguèsse a la sesilha plenària del Parlament Europèu a Estrasborg, mentre que si qu’o poguèron Carles Puigdemont e Toni Comín, en exili. Segon lo tribunal espanhòl, l’immunitat que la li reconeissiá la cort europèa de Luxemborg protegissiá pas Junqueras de la senténcia que l’aviá condemnat.
Per Polonha, la decision de la Cort Suprèma espanhòla “insinua” que “l’òrdre juridic d’Espanha es mai important que lo de l’UE”, çò que donariá rason a la Cort Constitucionala polonesa que ditz que lo drech de l’UE es jos lo dels estats.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo problema es l'eretgia. La religion per distraire lo pòble europèu es lo sèxe e lo multiculturisme non-europèu (la vertadera religion es lo poder e los sòus). Polonha e Ongria an pecat d'eretgia (malgrat que ni l'homosexualitat ni la immigracion son defendudas, Budapest a un dels prides mai nombroses, mas son pas religion oficiala).
Espanha a fet pas res contra l'euroreligion, e per aquò la resposta de la Glèisia es una aci e una autra aqui. Se Espanha faguèsse ço que fa a Catalonha contra los transsexuals... Euròpa seria la primièra en protestar...mas es contra los catalans....no problem. La mateissa causa a França: lengas 'regionalas' interdidas ? Afecta aquò la sexualitat ? Non...alavetz, ço que fa França es un afaire intern del pais. Amen !
#3
Aquò que ça disetz es lo paqueton plan estropat per agantar las moscas, se fa pas ambe vinagre. Per vendre cal una istòria polida.
Mas lo tempre a totjorn estat lo meteis, fa un novèl ciutadan europenc, sens rasigas dins lo passat, se voletz es coma l'òme nòu d'estalin.
Aquò s'es fach d'un autre biais, ambe la dolçor del consum e un nivelament per lo debàs a l'encòp, Puèi al pus mai de tot avèm europa que nos aprar .... de qué ? Nos parlan coma a de nenets !
#2 Çò que fasent, a mescladas doas causas a priori plan distinctas : empachar las guèrras entre Europèus e empachar tota orientacion politica a esquèrra. Soi tant favorable al primièr projècte coma revoltat contra lo segond… Imagini ieu una Euròpa que seriá un apleit de proteccion dels interèsses dels pòbles (definits per lors lengas e culturas, plan segur). Sèm plan luènh del compte, non ?
#1
En 1952 ça disiá atal Jean Monnet :
" Les nations européennes devraient être guidées vers un super-État sans que leurs peuples ne s’en rendent compte.
Cet objectif peut être atteint par étapes successives, chacune d’entre elles étant dissimulée sous une forme et dans un but purement économiques."
Atal se voliá e se vòl fargar una nova entitat "lo pòble europenc" sesn chuc ni muc, que s'auriá degut doblidar las nacionalitats, las religions, las tradicions e costumas de cadun.
"L’Union européenne résulte de moins en moins d’une union d’États libres coopérant sans abdiquer leur indépendance et leur identité. Ses méthodes accordant des autorisations, et limitant la liberté des États pour agir au bénéfice de leurs propres citoyens, ressemblent de plus en plus au Pacte de Varsovie, le goulag en moins."
"Toutes les étapes qui ont conduit à resserrer le nœud de la corde autour du cou des peuples européens ont toujours été décidées de manière technocratique. Les décisions sont masquées derrière des acronymes et des traités abscons, parfois en prétextant l’urgence pour mieux imposer des lois restrictives des libertés."
Ja al prim lo concept d'euopa èra pas quicòm ambe flaira de democracia.
O avèm vist mantuns còps lo tractat de lisbona
E òc, la necessitat "democratica", s'es obligatòria en Polonha, non vesèm perqué non o seriá pas en Espanha… Es ora,per Euròpa, de tornar Castiulha a la casa "democracia", tanben.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari