Bandièra01 capçalera  1180x150: Botiga

Actualitats

Decès de Vivienne Westwood, la modista punk

Foguèt fòrça reputada dins los ans 1970 per sos dessenhs androgins d’estil punk e new wave

Tèxte legit

La dessenhaira de mòda britanica punk Vivienne Westwood defuntèt dijòus passat, 29 de decembre 2022, a 81 ans. Foguèt fòrça reputada dins los ans 1970 per sos dessenhs androgins d’estil punk e new wave. Bailegèt una botiga de mòda dins la famosa  carrièra de King’s Road, a Londres, amb lo productor britanic de Sex Pistols, Malcolm McLaren.
 
Èra tanben coneguda per aver menat de campanhas de conscientizacion sul cambiament climatic e per aver sostengut lo fondador de WikiLeaks, Julian Assange. En 2020 s’embarrèt quitament dins una gàbia penjada per far una accion de protèsta.
 
Los extravagants dessenhs de Westwood an abilhat de personalitats del Mond entièr. Per exemple,  lo manequin Dita Von Teese portava una iconica rauba violeta de la modista britanica quand se maridèt amb Marilyn Manson en 2005.
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article