Bandièra01 1180x150: Comuna de Tolosa

Actualitats

Montpelhièr: crida a manifestar contra lo jutjament de l’usatge del catalan dins cèrtas comunas nòrd-catalanas

Tèxte legit

Lo Tribunal Administratiu de Montpelhièr a cridat a audiéncia las comunas d’Elna, Els Banys, Portvendres e Tarerac per aver integrat dins lor reglament interior la possibilitat d’emplegar lo catalan.


Dimars venent, a 11h, compareisseràn davant lo Tribunal Administratiu de Montpelhièr las comunas d’Elna, Els Banys, Portvendres e Tarerac denonciadas pel prefècte del departament dels Pirenèus Orientals per aver integrat dins lor reglament interior la possibilitat per lors elegits de deliberar oralament e per escrich en catalan seguit de la traduccion en francés. L’audiéncia se tendrà dins la sala Rosselhon.
 
Lo tribunal los a convocats après aver refusat la demanda de l’avocat Mathieu Pons Serradeil, d’elevar al Conselh Constitucional francés la demanda prioritària de constitucionalitat sus l'Ordenança de Villers-Cotterêts.
 
Los representants de las 4 comunas, lo Sioccat (Sindicat Intercomunal per la promocion de l'Occitan e del Catalan), Òmnium Cultural e lo Collectiu 2 d'Abril cridan a s’amassar davant la cort montpelhierenca dimars que ven. Qualques collectius occitans tanben apèlan a s’i recampar en sosten.




Escotatz l’entrevista de l’adjonch al cònsol màger d’Elna, Pere Manzanares, sus Ràdio Lenga d’Òc:

 
E encara una entrevista de Manzanares sus Aquò d’Aquí:
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Escriu un comentari sus aqueste article