Bandièra01 1180x150: País Invisible

Actualitats

La guèrra en Iemèn poiriá èsser lèu acabada

La mediacion de China a portat un acòrdi de patz entre l’Arabia Saudita e Iran que poiriá tornar la tranquillitat a l’Orient Mejan

| Reuters

Tèxte legit

Divendres passat, l’Arabia Saudita e Iran signavan un acòrdi de patz gràcias a la mediacion de China. Lo gigant asiatic a per tòca que l’Orient Mejan tròbe cèrta tranquillitat amb la prioritat de metre lo ponch final a la guèrra en Iemèn, un conflicte qu’a ja provocat la mòrt, dirèctament o indirèctament, de mai 370 000 personas, e n’a desplaçadas mai de 5 milions.
 
Dempuèi març de 2015, las armadas d’un desenat de païses, dirigits per l’Arabia Saudita, agarrisson la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic als atacs saudians contra los huthis.
 
Ara, l’Arabia Saudita a acceptat de negociar la sortida de la guèrra, e Iran poiriá facilitar la sortida dels huthis. Per ara, un milièr de presonièrs son estats liberats dins los dos camps.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article