Bandièra01 1180x150: País Invisible

Actualitats

Argeria: condemnan a 3 ans de preson la presidenta del Congrès Mondial Amazic

L’activista cabila es acusada de “minar la seguretat nacionala e la seguretat de l’estat” e de far partida d’una “organizacion terrorista”

Tèxte legit


La justícia argeriana a condemnat a 3 ans de preson Kamira Nait Sid, presidenta del Congrès Mondial Amazic e defensora dels dreches umans reconeguda. L’acusan de “minar la seguretat nacionala e la seguretat de l’estat” e de far partida d’una “organizacion terrorista” en Argeria, çò rapòrta Nationalia.

La repression contra la comunautat cabila s'es intensificada dempuèi 2019, amb mai de 280 activistas e aparaires dels dreches umans encarcerats, segon Amnestia Internacionala.

Argeria, que lo 90% de sas exportacions de gas van de cap a Euròpa, es criticada per la comunautat internacionala per sas violacions dels dreches umans, mas se crenh que los ligams energetics pòscan empachar d’accions mai energicas. E, malgrat las cridas internacionalas per sa liberacion, Kamira Nait Sid es totjorn en preson.

 


De legir sus Nationalia: “Quan Kamira Nait Sid va desaparèixer sota un núvol de gas

 

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Argeria, que lo 90% de sas exportacions de gas van de cap a Euròpa, es criticada per la comunautat internacionala per sas violacions dels dreits umans, mas pas lo reialme d'Espanha que practica un sobeiranisme umanament injustificable contra los Catalans ? Ni mai l'estat francés que fa tranquillament crebar totas sas lengas istoricas, suprimissent aital los pòbles que las parlavan ? la famosa "comunautat internacionala" se chauta ben dels dreits umans e dels dreits dels pòbles a dispausar d'eles-meteisses…

  • 5
  • 0

Escriu un comentari sus aqueste article