Bandièra01 1180x150: Comuna de Tolosa

Actualitats

Los tatars de Crimèa demandan una autonomia

Decidiguèron dissabte passat de crear una autonomia dins aquela republica que ven d’aderir a la Federacion Russa

| International Comitee for Crimea
L’amassada populara del tatars, nomenada Qurultay, aprovèt una resolucion sus “la realizacion del drech a l’autodeterminacion del pòble tatar dins son territòri istoric: Crimèa”. Aquel document anóncia “lo començament d’un procès politic e legal per la creacion d’una autonomia nacionala e territoriala dels tatars de Crimèa. Al delà, lo Qurultay s’adreicèt a d’organismes internacionals coma l’ÒNU, lo Conselh d’Euròpa, l’Organizacion sus la Seguretat e la Cooperacion en Euròpa (ÒSCE) e quitament a l’Organizacion de la Cooperacion Islamica per que sostenguèsson l’aspiracion del pòble tatar de Crimèa, que vòl una autonomia territoriala e nacionala.
 
A l’ora d’ara, los tatars de Crimèa an refusat totas las ofèrtas que lor an fachas las autoritats de Crimèa, que lor prepausèron 20% dels pòstes de responsabilitat dins la republica, l’oficialitat de la lenga tatara e mai de finançament per de programas culturals e educatius. Mas cal dire que l’intrada de Crimèa en Russia provoquèt de paur al pòble tatar, paur d’un netejatge etnic coma lo que patiguèron los musulmans en Bòsnia pendent los ans 1990. De mai, an paur que las nòvas autoritats ordenen l’expropriacion de las tèrras que los tatars prenguèron quand tornèron de la deportacion stalinista. Es probable que Russia lor ne reconesca pas la proprietat.
 
Los tatars de Crimèa, que cal pas confondre amb los tatars de Tatarstan, son la minoritat territoriala de peninsula. Dins lo sègle XVIII, Russia ne conquistèt lo territòri e tre alavetz foguèron victimas de repressions, de faminas e d’un exili forçat. Stalin los acusèt de collaborar amb los nazis e los deportèt massissament dins l’Asia Centrala ont mantes moriguèron de fam o de malautiás. Aquel trist episòdi de l’istòria tatara se coneis coma Sürgün, e se revendica que siá reconegut coma genocidi.
 
Après la fin de l’Union Sovietica, certans tatars de Crimèa tornèron dins lor país. A l’ora d’ara son qualques 300 000, aperaquí 13% de la populacion crimeana.
 
 
 
 
____
Domergue Sumien: Crimèa e Occitània: un pauc d’estrategia lingüistica
Editorial: Lo vespièr crimean

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Claudi Balaguer (Capsot) Millars (Catalonha del Nòrd)
21.

#18 Bon dia, suposaré que es tracta d'una mena d'acudit i no d'apologia de la censura...
Manèl (e eventualament los qu'aquò podriá interessar) ai trobat l'article que ne parlavi abans, qu'es un dels mai complets sus la situacion actuala en Crimèa:
http://www.kyivpost.com/content/ukraine/even-crimeans-opposed-to-annexation-seem-resigned-to-russian-rule-341846.html
Es lo darrièr bocin qu'escriurai dins aquesta seccion que vòli pas geinar mai...
Amistats

  • 1
  • 3
Manèl Barcelona
20.

#9 Sabiái lo cas de las torturas e puèi assassinat de Rehsat Ametov, d'aquò se'n parlèt -pauc, anecdoticament- aicibàs. Mas l'informacion passèt almens.
Vau agachar tot aquò que nos mandas.
Te tòrni mercejar per ton aportacion. Fau mos vòts perque los comentaris a Jornalet foguèsson totjorn aquò. Pas un ring, mas un suplement d'informacion.

  • 3
  • 0
So Barbet Vesubiá ciutat
19.

#2 "1) los resultats son pro eloquents, una participacion aital (93%) s'atenh sonque dins las dictaturas.
2) Un referendum normal se pòt pas far en un desenat de jorns sens preparacion corrècta dels documents per votar, en cambiar las datas constantament, sens verificacion "oficiala" o internacionala e mens encara jos la menaça de tropas armadas d'un autre estat per carrièra..."

es ce que si passèt per l'anexion de Comtat de Niça per l'Empèri francés de Napoleon III en 1860 e per Menton-RCM en 1861 : presença militara francesa en terra ancara non francesa, resultat de quasi 100%...

  • 5
  • 0
Marc Penedès
18.

#17 menys mal que et censuren, si no veig més que comentaris teus

  • 7
  • 0
Claudi Balaguer (Capsot) Millars (Catalonha del Nòrd)
17.

#16 Es plan mai bèla encara quand colleccionam los pseudonims e cultivam l'anonimat, mai o mens professionalament...

  • 3
  • 7

Escriu un comentari sus aqueste article