“E un, e dos, e tres-zèro!” Lemòtges ven d’èsser una fèsta. L’esquipa de basquet de Lemòtges CSP venguèt ièr campiona de França de Prò A en s’impausant 73 a 70 a l’esquipa d’Estrasborg amb una partida plan sarrada per conclure la sèria perfiècha dels lemosins, qu’an ganhat per tres victòrias a zèro.
 
Fasiá 14 ans que lo Cercle Sant Pèire (CSP) ganhava pas aquel títol.
 
Amb 6000 suportaires dedins e aitant defòra, davant los ecrans gigants, lo CSP comptèt amb son public.