Actualitats
Lo president polinesian renóncia a demandar mai de competéncias dins lo nòu Estatut d’Autonomia
Fritch ditz que las illas pòdon quitament pas téner los poders qu’an a l’ora d’ara. Mentretant, los independentistas contunhan de reclamar un referendum d’autodeterminacion
La reforma de l’Estatut d’Autonomia qu'es a se debatre en Polinesia comprendrà pas pas de nòvas competéncias per aquel territòri francés, çò indiquèt lo president polinesian, l’autonomista Edouard Fritch. En mai d’aquò, l’elegit expliquèt davant l’ÒNU que França es pas un país colonial e que l’inclusion de Polinesia dins la Lista dels Territòris Non Autonòms es absurda.
Fritch diguèt que los cambiaments dins l’estatut auràn coma tòcas de clarificar de questions competencialas e burocraticas, d'assegurar per la lei la "dotacion globala d’autonomia” —es a dire lo revengut annal que França transferís a Polinesia— e d'inscriure la reconeissença dels degalhs que los assages nuclears franceses an causats sul país oceanic.
“Polinesia es a l’ora d’ara un país autonòm [amb] totas sas competéncias, levat çò que concernís la seguretat, la justícia, la moneda e las relacions exterioras”, çò diguèt Fritch. “Avèm pas de mejans per las nòstras competéncias. Perqué nos en caldriá demandar mai?", çò se demandèt lo president polinesian.
La revision de l’Estatut d’Autonomia se poiriá debatre a l’Assemblada francesa abans la fin de l’annada.
Los independentistas demandan un referendum
Mas lo camp independentista polinesian considèra que i a pro de rasons per considerar que, dins l’essencial, Polinesia contunha d’èsser una colònia. En 2013, quand los independentistas èran al govèrn de l’illa, obtenguèron que l’ÒNU tornèsse inscriure Polinesia dins la Lista de las Nacions Unidas dels Territòris Non Autonòms. Aquel meteis an, l’Assemblada de Polinesia demandèt a França qu’organizèsse un referendum d’autodeterminacion. La demanda aguèt lo sosten, tanben, dels deputats autonomistas, convencuts que lo vòte popular demostrariá que los polinesians refusan l’independéncia.
Aquesta nòva es adaptada de Nationalia, amb qui Jornalet ten un acòrdi de cooperacion.
Fritch diguèt que los cambiaments dins l’estatut auràn coma tòcas de clarificar de questions competencialas e burocraticas, d'assegurar per la lei la "dotacion globala d’autonomia” —es a dire lo revengut annal que França transferís a Polinesia— e d'inscriure la reconeissença dels degalhs que los assages nuclears franceses an causats sul país oceanic.
“Polinesia es a l’ora d’ara un país autonòm [amb] totas sas competéncias, levat çò que concernís la seguretat, la justícia, la moneda e las relacions exterioras”, çò diguèt Fritch. “Avèm pas de mejans per las nòstras competéncias. Perqué nos en caldriá demandar mai?", çò se demandèt lo president polinesian.
La revision de l’Estatut d’Autonomia se poiriá debatre a l’Assemblada francesa abans la fin de l’annada.
Los independentistas demandan un referendum
Mas lo camp independentista polinesian considèra que i a pro de rasons per considerar que, dins l’essencial, Polinesia contunha d’èsser una colònia. En 2013, quand los independentistas èran al govèrn de l’illa, obtenguèron que l’ÒNU tornèsse inscriure Polinesia dins la Lista de las Nacions Unidas dels Territòris Non Autonòms. Aquel meteis an, l’Assemblada de Polinesia demandèt a França qu’organizèsse un referendum d’autodeterminacion. La demanda aguèt lo sosten, tanben, dels deputats autonomistas, convencuts que lo vòte popular demostrariá que los polinesians refusan l’independéncia.
Aquesta nòva es adaptada de Nationalia, amb qui Jornalet ten un acòrdi de cooperacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
l'invasion de la republica francesa que ( brandin brandan porta aut sei famosas valors ), aquesta invasion doncas per de centenas de mil d'abitants asiates e africans que volon aprofichar nostre nivèu de vida dona a (reflexionar) perpensar ai polinesians de soca que fenisson per se dire "in petto" : tanben (quand même) siam pas trop mau au sen dei valors materialas de la republica, siguem pas trop gromands
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari