Bandièra01 1180x150: Comuna de Tolosa

Actualitats

Rugbi de XIII: los Dragons al fons del trauc

Cal trapar de vam per vos parlar de l’anar actual de la sason dels Dragons catalans en Superliga dels XIII.
 
 
Val mai un grand desgordit qu’un pichon estabosit
 
Aqueste dissabte, los Dragons recebián los Gigants d’Huddersfield a Brutus, una formacion qu’es dins la meteissa zòna de classament que los Dragons, doncas en dangièr d’èsser pas dins lo Super 8 e de dever jogar dins la pola de manten en Superliga per la sason venenta.
 
Pas la pena de faire d’alonguis per vos dire que los catalans foguèron inexistents e encaissèron un 56-12 que los remanda a la novena plaça.
 
La direccion fariá rampèl a l’ancian responsable del 13 anglés e per l’ora adjunt als Poletons de Sydney, En Mac Namarà, per salvar la fin de sason catalana. Rendètz-vos venent: lo 24 de junh e tornar contra un adversari del nivèl actual dels catalans: los 10ns, Warrington.
 
Aquesta dimenjada, se jogaràn los quarts de finala de la Cup: dijòus: Salford-Wakefield; divendres: Leeds-Featherstone; dissabte: Warrington-Wigan e lo cap d’aficha per dimenge: Hull FC reçauprà Castleford.
 
 
Tolosa sus sa lançada
 
En Championship, lo Tolosa Olimpic a mestrejat la partida contra Rochdale aqueste dissabte a Blanhac: 56-16.
 
Dissabte, a tres e mièja del vèspre, los tolosans recebon Londres que se trapa a egalitat de punts amb eles en segonda posicion al classament.
 
 
Partida Èst-Oèst
 
Dins l’encastre de la preparacion de la Copa del monde de la tardor, doas formacions de jogaires d’Elèit 1 s’afrontavan divendres al Barcarès: una seleccion Oèst e una seleccion Èst. La revista dels efectius se clavèt sus una egalitat 32-32.
 
 
Campionat feminin: lo bloquièr per Tolosa Ovalia
 
En finala del campionat feminin, la formacion de Tolosa Ovalia domina las catalanas (St Estève-XIII Catalan): 22-8.
 
L’esquipa de França feminina jogarà doas partidas contra Anglatèrra los 21 e 24 de junh al Barcarès.
 
 
 
 
Alan Roch



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article