CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 19 d'agost

Actualitats

Dimars, 19 de decembre de 2017, 03h00 Espòrt

Rugbi de XIII: es pas aisit de ganhar…


Comentaris 2 comentaris    
Marrit Flac Bon Plan bon Fabulós (4 vòtes)
carregant En cargar


Preséncia occitana a la finala de la Copa del Mond dels XIII a Brisbana (2/12/17)





Etiquetas
roch, rugbi, rugbi xiii, xiii

Es pas aisit de ganhar una partida de XIII! Atal, aquesta dimenjada, totas las esquipas qu’an perdut un rescontre d’Elèit 1 an pres lo punt de bònus defensiu, valent a dire qu’an perdut amb un escart que despassa pas los 12 punts!

 
Avinhon, sol a tres victòrias
 
Dissabte, Avinhon recebiá Albi, afrontament entre las doas bonas suspresas d’aquesta debuta de campionat. A la pausa, los locals avián fait, çò sembla, la diferéncia. Menavan 38-10, mas ganhèron sus la marca estreita de 38-36!
 
Dimenge, la partida entre Limós e St Esteve-XIII Catalan metèt un brave moment a se desblocar: 6-2 a la pausa pels locals amb de punts marcats dins las darnièras minutas. A la represa, los catalans utilizavan la largor del terren per marcar tres còps en mens d’un quart d’ora e gardar l’avantage fins a la còrna suls campions: 28-16;
 
A St Gaudenç, Lesinhan foguèt menat una brava part del rescontre, mas finiguèt per passèt davant: 32-30. A Vilanòva; los Leopards e los Canaris prenguèron l’avantatge un còp l’un, un còp l’autre. A doas minutas de la fin, l’alièr carcassonés Izard s’escapava dins un corredor estreit per balhar la victòria als audencs: 29-24. A Tolosa, Palau resistiguèt plan dins una partida indecisa duscas a la fin per pèrdre solament 20-15.
 
Avinhon demòra doncas lo sol a aver pas perdut una partida abans la pausa nadalenca e la represa prevista la dimenjada del 7 de genièr amb, lo dimenge, lo dèrbi Carcassona-Limós. De qué vos metre en apetís, d’aitan mai qu’una taulejada precedirà la partida (inscripcion al prèp del secretariat de l’AS Carcassona XIII: 04 68 47 74 7 4 o a.s.c.13@orange.fr )
 
 
Al Nirvanà tretzista
 
Austràlia es quicòm coma nòstre Edèn, nòstre Paradís qu’i podèm pas dintrar, condemnats a solament demorar sul lindal.
 
Un país ont una cadena difusa de partidas de XIII del matin al ser e la nuèit tanben! Ont la melhora audiéncia esportiva de las televisions es una partida dels Estats d’Origina. Las doas autras opausicions dels Estats e la finala d’NRL fan partida de las  primièras 7 audiéncias.
 
Un país ont Jonathan Thurston fa la reclama per las campanhas de solidaritat e lo capitani dels Cangorós Cameron Smith per l’aeropòrt de Brisbane.
 
Cada club d’NRL a sas installacions bèlas d’entraïnament, de sesilhas d’entraïnament filmadas per de drònes per èsser espepissadas en seguida.
 
Al secretariat dels Rabbitohs (los Lapinons!), lo club popular de Sydney, 50 personas ne fan un vertadièr buc. La botiga es un magazin ont se trapa plan mai que malhòts e pòrtaclaus. Cò dels Rabbitohs , mai d’una possibilitat d’abonament de las tribunas a las viradas, dels VIP a las familhas. Podètz tanben abonar vòstre gos: aurà un colar e un mocador de cap de las bonas colors. Se volètz reconstituir una partida de NRL dins vòstre jardin, pas de problèma: vos sufís de crompar los nanets de jardin a las colors de las 16 formacions d’NRL.
 
Les Cronulla Sharks/Làmias son al cap d’un vertadièr complèxe: l’estadi, lo restaurant e lo casino. Los clubs NRL tenon l’autorizacion de ganhar de moneda amb las maquinas chucasòuses: las recèptas son compartidas entre las talhas, lo fons de solidaritat e lo club. Es doncas normal de trapar a la botiga de las Làmias una version de Monopoly especifica a la Rugby League.
 
Dins cada club, la referéncia a l’istòria es plan presenta: lista numerotada dels jogaires que defendèron lo malhòt local, trofèus, fotografias, pinturas e frèscas, estatuas… De referéncias que se trapan tanben al musèu de l’NRL a dos passes del Sydney Cricket Ground ont lo 13 de França s’illustrèt a la virada famosa e legendària de 1951. Aquò èra: un còp èra…
 
Mas cada paradís ten sa part d’infèrn… Un document al musèu de l’NRL mòstra l’evolucion fisica e sociala dels alièrs en 25 ans: 20 cm de mai, 25 kg de mai, un èra jogaire e jornalista, l’autre se consacra unicament a l’espòrt mas es l’alièr de davant que marcava lo mai d’ensages!
 
La focalizacion australiana sus lor campionat elitista e suls 3 afrontaments entre Nòvas Galas del sud e Queensland a menat a una manca d’estrambòrd pel debanament de la Copa del Mond. Es important per l’ensemble del movement tretzista qu’Austràlia s’embarre pas dins una torre d’evòri e que prenga una part activa al desvolopament e a l’espandiment del XIII sus la planeta.
 
 
 
 
Alan Roch
 
 




abonar los amics de Jornalet
 



publicitat
BANER1-2-3: DGPL AN LAFONT



Comentaris

19 de decembre 23.05h

Vesi dos joves afogats occitans/a amb sas banderas occitanas e darriera una femna rossa que sonrís e mostra sas polidas cuissas.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 14.36h

Òsca ! Mancava dins Jornalet un pauc d'espòrt e l'Alan nos prepausi sa pagina. Segur que n'i aurà d'autras sul XIII, qu'es un afogat e un especialista. Seriá plan tanben que n'i ajan sul tambornet o corsa de buòus a la sason que son d'espòrt tradicional occitan. O benlèu sus las quilhas de uèit o de nòu. Perqué far d'espòrt d'endacòm que n'avèm aicí de plan polit.
Contunha Alan, pr'amor que cal contunhar.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Margaria Pepin

    Adobament dal Grand Prèmi de Mónegue de 2014

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Castelar

  • Gavotina marítima: trofèu d'August e vila vielha d'A Torbia

  • Asuèlhs comengeses. © Franc Bardòu

    Asuèlhs Comengeses

  • Pantais de s'aparar dau solèu baug au còr dau fèrre torcit

    Meissonencas en Camarga pichòta

  • © Lissandre Varenne

    Senhaletica en Marjarida

  • © Adriana Díaz

    Canas 2019

  • © Aure Séguier

    Carnaval Biarnés 2017

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • A Gavotina marítima: Recabruna Cab Martin, a vila vielha e o castèl dau sécolo X

  • Gavotina marítima: trofèu d'August e vila vielha d'A Torbia

  • © Pep Casasayas

    22u corsa Aran per sa Lengua (26-7-2015)

  • © Zep Armentano

    Era Mongetada (Val d'Aran 28-29 d'octobre 2017)

  • © Aure Séguier

    Carnaval Biarnés 2017

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • A Gavotina marítima: Recabruna Cab Martin, a vila vielha e o castèl dau sécolo X

  • Briga (val de Ròia)

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



43%



15%



0%




Vots 61 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)