La cadena de television argeriana Ennahar TV a emés un vidèo enregistrat dins la preson d'Archidona (Andalosia) abilitada coma centre de retencion d’emigrants. Lo filmet mòstra d’agents de la polícia espanhòla antisusmautas a tustar un intèrne, qu’es sul sòl. Los jornalistas Ennahar TV rapòrtan que l’agressat es Bouderbala Mohammed, un òme argerian de 36 ans que lo 29 de decembre passat trobèron penjat dins sa cellula. Alara se parlèt de suicidi, mas la cadena argeriana o remet en causa.
 
Per ara es pas estat possible de verificar l’informacion balhada per Ennahar TV. Pasmens, cal precisar que s’agís d’una cadena privada d’informacions 24 oras sus 24 e qu’es considerada coma la pus importanta del país dins aquel sector.
 
Après la mòrt de Mohammed, lo Partit Socialista espanhòl (PSÒE) e Podèm an demandat al ministre de l’Interior espanhòl, Juan Ignacio Zoido, que done d’explicacions e qu’assumisca sas responsabilitats. Lo govèrn d’Andalosia e SOS Racisme an demandat sa demission.
 
Lo centre de retencion d’emigrants d’Archidona es una preson que segon lo mediator espanhòl respècta pas las condicions minimalas.
 
 

#URGENTE La televisión argelina @ennaharonline asegura en su informativo que el joven Bouderbala Mohammed falleció en la Cárcel de #Archidona tras la paliza propinada por la policía española que informó de un suicidio. La autopsia aún no ha sido publicada por #Españapic.twitter.com/USLm1wGyxN

— Sergio Rodrigo (@SRodrigoruiz) 30 de desembre de 2017