Actualitats
Rugbi de XIII: los tretzistas mai fòrts que la pluèja
Se la pluèja e lo marrit temps empachèron l’organizacion de la partida Vilanòva-Albi, poguèron pas res dimenge contra lo debanament de polidas partidas de rugbi en país audenc!
Alan Roch
L’ora del revenge per Lesinhan
Demorava quatre partidas al programa de la jornada d’Elèit 1. Dissabte, Avinhon signèt sa cinquena victòria en se mostrant sens cap de pietat per Tolosa: 64-6. Per contra, calguèt anar fins al punt en aur a St Gaudenç. De prolongacions que permetèron als jogaires de Palau, mercé a un tombat de Marginet, de signar lor primièra victòria de la sason: 15-14.
Dimenge, los arbitres sosquèron un brave moment per faire jogar Carcassona-Dragonets en rason de las bravas ramadas de pluèja sus l’estadi Domèc. Consultèron capitanis e entraïnaires aprèp lo temps d’escalfament. De fait, las gotas empachèron pas lo debanament d’una bèla partida. Los locals se devián faire perdonar la desfaita contra Limós de fa una quinzenada. Los Dragonets se presentavan amb lo refòrt de cinc jogaires de la lista oficiala dels Dragons. Los Canaris se mostrèron valents, solidaris e refofant de vam per signar tres ensages dins lo primièr temps: per l’alièr Paul Izard en cap de linha, per Vincenç Albèrt aprèp aver serpentejat dins la defensa catalana e pel capitani Bastian Escamilla: 12-0 a la pausa.
Cap a l’ora de jòc, l’alièr catalan Flovie marcava aprèp 100 mètres de corsa, mas Paul Izard replicava per un novèl cabús darrièr la linha catalana e Estève Ferret confirmava la victòria dels locals per un tombat: 17-4.
A Limós, la partida foguèt equilibrada entre los campions e Lesinhan, mas los Verds e Blancs puntavan dos ensages en fin de partida per faire la diferéncia: 26-16.
Al classament, Avinhon es primièr (15 punts), perseguit pel trio audenc Lesinhan, Carcassona e Limós (11 punts).
Al programa de la dimenjada qu’arriba: Albi-Limós, Palau-Vilanòva, Dragonets-Avinhon, lo dèrbi de Nauta Garona Tolosa-Sent Gaudenç e en cap d’aficha, lo dèrbi audenc FC Lesinhan contra AS Carcassona (aprèp una bona taulejada) .
Los Dragons jos la nèu
Per lor sola partida amicala abans la represa de la Superliga, los Dragons catalans jogavan aqueste dimenge de vèspre en Anglatèrra contra Hull FC. Un freg que pèla e la nèu èran al rendètz-vos. Los sang e aur encaissèron cinc ensages per ne rendre dos e pèrdre 24-10. Ara, tot lo club se focaliza sus la primièra partida de la sason oficiala a Widnes lo 4 de febrièr.
En Championship, un annada de mai, lo Tolosa Olimpic reçauprà las formacions anglesas e Toronto a Blanhac, levat un rescontre deslocalizat a l’Estadium d’Albi: la partida contra los Centurions de Leigh, lo dissabte 16 de junh. Ramentam que la partida Toronto-Tolosa se jogarà en dobertura de la Dimenjada Magica de Superliga al mes de mai a Newcastle.
Aquesta dimenjada, la Cup se lançarà amb un primièr torn sul camin de la finala programada lo dissabte 25 d’agost a Wembley.
Alan Roch
Demorava quatre partidas al programa de la jornada d’Elèit 1. Dissabte, Avinhon signèt sa cinquena victòria en se mostrant sens cap de pietat per Tolosa: 64-6. Per contra, calguèt anar fins al punt en aur a St Gaudenç. De prolongacions que permetèron als jogaires de Palau, mercé a un tombat de Marginet, de signar lor primièra victòria de la sason: 15-14.
Dimenge, los arbitres sosquèron un brave moment per faire jogar Carcassona-Dragonets en rason de las bravas ramadas de pluèja sus l’estadi Domèc. Consultèron capitanis e entraïnaires aprèp lo temps d’escalfament. De fait, las gotas empachèron pas lo debanament d’una bèla partida. Los locals se devián faire perdonar la desfaita contra Limós de fa una quinzenada. Los Dragonets se presentavan amb lo refòrt de cinc jogaires de la lista oficiala dels Dragons. Los Canaris se mostrèron valents, solidaris e refofant de vam per signar tres ensages dins lo primièr temps: per l’alièr Paul Izard en cap de linha, per Vincenç Albèrt aprèp aver serpentejat dins la defensa catalana e pel capitani Bastian Escamilla: 12-0 a la pausa.
Cap a l’ora de jòc, l’alièr catalan Flovie marcava aprèp 100 mètres de corsa, mas Paul Izard replicava per un novèl cabús darrièr la linha catalana e Estève Ferret confirmava la victòria dels locals per un tombat: 17-4.
A Limós, la partida foguèt equilibrada entre los campions e Lesinhan, mas los Verds e Blancs puntavan dos ensages en fin de partida per faire la diferéncia: 26-16.
Al classament, Avinhon es primièr (15 punts), perseguit pel trio audenc Lesinhan, Carcassona e Limós (11 punts).
Al programa de la dimenjada qu’arriba: Albi-Limós, Palau-Vilanòva, Dragonets-Avinhon, lo dèrbi de Nauta Garona Tolosa-Sent Gaudenç e en cap d’aficha, lo dèrbi audenc FC Lesinhan contra AS Carcassona (aprèp una bona taulejada) .
Los Dragons jos la nèu
Per lor sola partida amicala abans la represa de la Superliga, los Dragons catalans jogavan aqueste dimenge de vèspre en Anglatèrra contra Hull FC. Un freg que pèla e la nèu èran al rendètz-vos. Los sang e aur encaissèron cinc ensages per ne rendre dos e pèrdre 24-10. Ara, tot lo club se focaliza sus la primièra partida de la sason oficiala a Widnes lo 4 de febrièr.
En Championship, un annada de mai, lo Tolosa Olimpic reçauprà las formacions anglesas e Toronto a Blanhac, levat un rescontre deslocalizat a l’Estadium d’Albi: la partida contra los Centurions de Leigh, lo dissabte 16 de junh. Ramentam que la partida Toronto-Tolosa se jogarà en dobertura de la Dimenjada Magica de Superliga al mes de mai a Newcastle.
Aquesta dimenjada, la Cup se lançarà amb un primièr torn sul camin de la finala programada lo dissabte 25 d’agost a Wembley.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari